ଅଯୋଧ୍ୟା ଜଙ୍କସନ ହେଲା ‘ଅଯୋଧ୍ୟା ଧାମ’, ମୁଖ୍ୟମନ୍ତ୍ରୀ ଯୋଗୀଙ୍କ ଦାବି ପରେ ରେଲୱେ ବଦଳାଇଲା ନାମ
ନୂଆଦିଲ୍ଲୀ: ଅଯୋଧ୍ୟାରେ ଭଗବାନ ରାମଙ୍କ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ପୂର୍ବରୁ ଅଯୋଧ୍ୟା ଜଙ୍କସନ ରେଳ ଷ୍ଟେସନର ନାମ ପରିବର୍ତ୍ତନ କରାଯାଇଛି । ବର୍ତ୍ତମାନ ଏହି ରେଳ ଷ୍ଟେସନକୁ ଅଯୋଧ୍ୟା ଧାମ କରାଯାଇଛି । ନିକଟରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଅଯୋଧ୍ୟା ଗସ୍ତ ସମୟରେ ରେଳ ଷ୍ଟେସନ ଯାଞ୍ଚ କରିଥିଲେ । ଏହି ସମୟ ମଧ୍ୟରେ ସେ ରେଳ ଅଧିକାରୀଙ୍କ ସହ ଅଯୋଧ୍ୟା ରେଳ ଷ୍ଟେସନର ନାମ ଅଯୋଧ୍ୟା ଧାମ ନାମରେ ନାମିତ କରିବାକୁ କହିଥିଲେ ।
ଉତ୍ତରପ୍ରଦେଶ ସରକାରଙ୍କ ସାଂସ୍କୃତିକ ନୀତି ଅନୁଯାୟୀ ସଂସ୍କୃତି ଓ ପରମ୍ପରାକୁ ଦୃଷ୍ଟିରେ ରଖି ସହର ଓ ସ୍ଥାନଗୁଡ଼ିକର ନାମ ବଦଳାଯାଉଛି । ବର୍ତ୍ତମାନ ଏହି ତାଲିକାରେ ଅଯୋଧ୍ୟା ନାମ ମଧ୍ୟ ଯୋଡିବାକୁ ଯାଉଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କାର୍ଯ୍ୟକ୍ରମକୁ ଦୃଷ୍ଟିରେ ରଖି ସିଏମ ଯୋଗୀ ଆଦିତ୍ୟନାଥ ଅଯୋଧ୍ୟା ଜଙ୍କସନ ଯାଞ୍ଚ କରିବାକୁ ଆସିଥିଲେ । ଜଙ୍କସନର ନାମ ଧାମରେ ପରିବର୍ତ୍ତନ କରିବାକୁ ସେ ରେଳବାଇର ଉଚ୍ଚ ପଦାଧିକାରୀମାନଙ୍କୁ ଇଚ୍ଛା ଜଣାଇଥିଲେ । ଏହି ନିର୍ଦ୍ଦେଶ ପାଳନକୁ ନେଇ ରେଳବାଇରେ ହଲଚଲ ଆରମ୍ଭ ହୋଇଥିଲା ।
