ଏହି ଟିଭି କଳାକାର ଇଣ୍ଡଷ୍ଟ୍ରୀକୁ କହିଲେ ଅଲବିଦା, ୨୭ ବର୍ଷ କାମ କରିବା ପରେ ନେଲେ ସନ୍ୟାସ
ଟିଭି ଇଣ୍ଡଷ୍ଟ୍ରୀ ଭାରତରେ ବେଶ୍ ପୁରୁଣା ଏବଂ ସିରିଏଲରେ କାମ କରୁଥିବା ଅନେକ କଳାକାର ମଧ୍ୟ ବେଶ୍ ଫ୍ୟାନ୍ ରହିଛନ୍ତି । ଅନେକ ନୂଆ ନୂଆ କଳାକାର ଇଣ୍ଡଷ୍ଟ୍ରୀକୁ ଆସୁଛନ୍ତି, ଅନେକ ଇଣ୍ଡଷ୍ଟ୍ରୀରେ ପୂର୍ବରୁ ଏଠାରେ କାମ କରୁଛନ୍ତି । ନିକଟରେ ଟିଭି ଇଣ୍ଡଷ୍ଟ୍ରୀର ଜଣେ ପରିଚିତ ଅଭିନେତ୍ରୀ ନୂପୂର ଅଳଙ୍କାର(Nupur Alankar) ଇଣ୍ଡଷ୍ଟ୍ରୀକୁ ଛାଡ଼ି ସନ୍ୟାସ ନେଇଛନ୍ତି । ୨୭ ବର୍ଷ ପର୍ଯ୍ୟନ୍ତ ଇଣ୍ଡଷ୍ଟ୍ରୀରେ କାମ କରିବା ପରେ ଏବେ ସେ ଇଣ୍ଡିଷ୍ଟ୍ରୀକୁ କହିଛନ୍ତି ଅଲବିଦା ।
ଏନେଇ ନୂପୁର ଇଟାଇମ୍ସକୁ ଏକ ସାକ୍ଷାତକାରରେ କହିଛନ୍ତି । ସେ କହିଥିଲେ ଯେ ସେ ଫେବୃଆରୀରୁ ସନ୍ୟାସ ନେଇ ସାରିଛନ୍ତି ଏବଂ ଏବେ ସେ ତୀର୍ଥଯାତ୍ରା ଏବଂ ଗରୀବଙ୍କ ସାହାଯ୍ୟରେ ବ୍ୟସ୍ତ ଅଛନ୍ତି । ନୂପୁର ସିନଟ।(CINTAA)ର ମଧ୍ୟ ମେମ୍ବର ରହିସାରିଛନ୍ତି । ସେ କହିଛନ୍ତି ଏବେ ସେ ତାଙ୍କର ମନ ଆଧ୍ୟାତ୍ମରେ ଲଗାଇଛନ୍ତି ଏବଂ ସେ ହିମାଳୟ ବାହାରିଛନ୍ତି । ନୂୂପୁରଙ୍କ ପତି ଏବଂ ପରିବାର ମଧ୍ୟ ତାଙ୍କର ଏହି ନିଷ୍ପତ୍ତିକୁ ମାନିଥିଲେ ଏବଂ ତାଙ୍କ ଠାରୁ ଅଲଗା ହୋଇଛନ୍ତି ।
୪୯ ବର୍ଷୀୟ ନୂପୁର ଅଳଙ୍କାର ୨୭ ବର୍ଷ ଧରି ଇଣ୍ଡଷ୍ଟ୍ରୀରେ କାମ କରିଆସୁଛନ୍ତି । ନୂପୁର ଲୋକପ୍ରୟ ଟିଭି ସିରିଏଲ “ଶକ୍ତିମାନ’, “ଘର କି ଲକ୍ଷ୍ମୀ ବେଟିୟାନ୍’ ଏବଂ “ଦିୟା ଅର ବାତି ହମ୍’ ଭଳି ୧୫୦ ରୁ ଅଧିକ ଟିଭି ଶୋ’ରେ କାମ କରିଛନ୍ତି । ସେହିପରି “ରାଜା ଜୀ’, “ସାୱରିଆ’ ଏବଂ “ସୋନାଲି କେବୁଲ’ ଭଳି ଚଳଚ୍ଚିତ୍ରରେ ନୁପୁର ଆଲଙ୍କାରଙ୍କୁ ମଧ୍ୟ ଦେଖିବାକୁ ମିଳିଛି।
