ଡାକ୍ତର ଜେ.ପି ଦାସଙ୍କ ପରଲୋକ, ୯୦ ବର୍ଷରେ ତ୍ୟାଗ କଲେ ଶେଷ ନିଶ୍ୱାସ
ଭୁବନେଶ୍ୱର: ବିଶିଷ୍ଟ ହୃଦରୋଗ ବିଶେଷଜ୍ଞ ଜେ.ପି ଦାସଙ୍କ ପରଲୋକ ଖବର ସାମ୍ନାକୁ ଆସିଛି । ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୯୦ ବର୍ଷ ହୋଇଥିବା ଜଣାପଡିଛି । ରବିବାର ସନ୍ଧ୍ୟା ସମୟରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି।
ଡା.ଦାସ ଅଗଷ୍ଟ ୫, ୧୯୩୩ ରେ ଜନ୍ମଗ୍ରହଣ କରିଥିଲେ, ସେ କଟକ ରାନିହାଟ ହାଇସ୍କୁଲରୁ HSC ପରୀକ୍ଷାରେ ଉତ୍ତୀର୍ଣ୍ଣ ହୋଇ ISc କଟକ ରେଭେନ୍ସା କଲେଜରେ ପାଠ ପଢିଥିଲେ। ଏହାପରେ ସେ ୧୯୫୬ ମସିହାରେ କଟକ ଏସସିବି ମେଡିକାଲ କଲେଜରୁ MBBS ସମାପ୍ତ କରିଥିଲେ।
ଡା. ଦାସ ଅନେକ ମେଡିକାଲ୍ ସୋସାଇଟିର ପ୍ରତିଷ୍ଠାତା ଥିଲେ। ସେ ଭାରତର ଷଷ୍ଠ ଯୋଗ୍ୟ ହୃଦ୍ରୋଗ ବିଶେଷଜ୍ଞ ଥିଲେ। ସେ ଓଡିଶାରେ ହୃଦ୍ରୋଗର ଅଗ୍ରଗତି କରିଥିଲେ ଏବଂ ତାଙ୍କୁ “କାର୍ଡିଓଲୋଜିର ଜନକ” ଭାବରେ ବିବେଚନା କରାଯାଇଥିଲା।
