ଅକ୍ଷୟ କୁମାରଙ୍କୁ ନେଇ ବଡ଼ କଥା କହିଲେ ପରେଶ, କହିଲେ ସେ ଯେତେ ବି ଫିଲ୍ମ କରନ୍ତୁ ନା କାହିଁକି…

ମୁମ୍ବାଇ: ବଲିଉଡର ଭେଟେରାନ ଅଭିନେତା ପରେଶ ରାୱଲ ଅକ୍ଷୟ କୁମାରଙ୍କୁ ଖୁବ୍ ପ୍ରଶଂସା କରିଛନ୍ତି। ବର୍ଷକୁ ଚାରି-ପାଞ୍ଚଟି ଚଳଚ୍ଚିତ୍ର କରିବା ପାଇଁ ଅକ୍ଷୟଙ୍କ ନିଷ୍ପତ୍ତିକୁ ନେଇ ସେ ସମାଲୋଚନାର ଖୋଲାଖୋଲି ଉତ୍ତର ଦେଇଛନ୍ତି। ସେ କହିଛନ୍ତି, ଗୋଟିଏ ବର୍ଷରେ ସେ କାହିଁକି ଏତେ ପ୍ରକଳ୍ପ କରନ୍ତି ତାହା ଅନ୍ୟ କାହାର ପ୍ରସଙ୍ଗ ହେବା ଉଚିତ ନୁହେଁ।

ଏକାଠି ଅନେକ ଚଳଚ୍ଚିତ୍ରରେ ଅଭିନୟ କରିଛନ୍ତି
ଦୀର୍ଘ ଦିନ ଧରି ପରେଶ  ଏବଂ ଅକ୍ଷୟ କୁମାରଙ୍କର ଦୃଢ଼ ବନ୍ଧୁତା ରହିଆସିଛି। ଦୁହେଁ ପରସ୍ପର ସହ ‘ହେରା ଫେରି’, ‘ଭାଗମ ଭାଗ’, ‘ଗରମ ମସାଲା’, ‘ଭୁଲ ଭୁଲେୟା’ ଭଳି ଚଳଚ୍ଚିତ୍ରରେ କାମ କରିଛନ୍ତି।

ଅକ୍ଷୟଙ୍କୁ ପରେଶଙ୍କ ପ୍ରଶଂସା
ଅକ୍ଷୟ କୁମାରଙ୍କ ବିଷୟରେ ପରେଶ କହିଛନ୍ତି, “ସେ ବହୁତ ପରିଶ୍ରମୀ ଏବଂ ଅତ୍ୟନ୍ତ ସଚ୍ଚୋଟ। ତାଙ୍କର କୌଣସି ଅସୁରକ୍ଷିତତା ନାହିଁ। ମୁଁ ଜାଣେ ଯେ, ସେ ଯାହା କରନ୍ତି, ତାହା ତାହା ତାଙ୍କର ମହାନତା । ପରେଶ ଏହା ମଧ୍ୟ କହିଛନ୍ତି ଯେ, ଅକ୍ଷୟ କୁମାରଙ୍କର କୌଣସି ଲୁକ୍କାୟିତ ଏଜେଣ୍ଡା ନାହିଁ ଏବଂ ସେ ଜଣେ ଫ୍ୟାମିଲିଆର ବା ପାରିବାରିକ ଲୋକ।

ବର୍ଷକୁ ଚାରି-ପାଞ୍ଚଟି ଚଳଚ୍ଚିତ୍ର କରିବାର ନିଷ୍ପତ୍ତି ପାଇଁ ଅକ୍ଷୟଙ୍କ ସମାଲୋଚନା ବିଷୟରେ ପଚରାଯିବାରୁ ପରେଶ କହିଛନ୍ତି, “ସତ କହିବାକୁ ଗଲେ ଯଦି ସେ ଏତେଗୁଡ଼ିଏ ପ୍ରୋଜେକ୍ଟ କରନ୍ତି, ତା’ହେଲେ ଏଥିରେ କାହାରି କିଛି ଅସୁବିଧା ହେବ ନାହିଁ? ଲୋକମାନେ ତାଙ୍କୁ ଚଳଚ୍ଚିତ୍ର ନିର୍ମାଣ କରିବାକୁ ଡାକନ୍ତି। ନିର୍ମାତା ଭାବରେ ମୁଁ ସେତେବେଳେ କୌଣସି ଅଭିନେତାଙ୍କୁ ପସନ୍ଦ କରେ ନାହିଁ।  ଯେତିକି ଅକ୍ଷୟଙ୍କୁ ପସନ୍ଦ କରେ ।