ଲୋକେ ଭୁଲି ଗଲେଣି ଫୁଟି କାକୁଡ଼ିର ସ୍ୱାଦ; ଆଉ ବିଲ-ବାଡ଼ିରେ ଫାଟି ବାସୁନି କି ହାଟ-ବଜାରକୁ ଆସୁନି

ଭୁବନେଶ୍ୱର: (ଓଡ଼ିଶା ଭାସ୍କର) ଦୃତ ସହରି କରଣ ଭିତରେ ହଜିଗଲାଣି ଗାଉଁଲି ଖାଦ୍ୟର ଚାହିଦା । ବିଭିନ୍ନ ସୁବିଧା ପାଇବା ଆଶାରେ ସହର ମୁହାଁ ହେଉଛନ୍ତି ଗାଁ ଲୋକ । ସମାଜ ସହ ତାଳ ଦେଇ ବଞ୍ଚିବା ପାଇଁ ନିତି ସଂଘର୍ଷ କରୁଛି ମଣିଷ । ଏହାରି ଭିତରେ କେତେ ଯେ ପିଢି ଗଲେଣି ତାହାର କିଛି ହିସାବ ନାହିଁ । ହେଲେ ଆଜିବି ବଞ୍ଚି ରହିଛି କିଛି ସେମାନଙ୍କ ଦ୍ୱାରା ଆଦୃତ ହୋଇଥିବା କେତେକ ଖାଦ୍ୟ । ସେ ରନ୍ଧା ଖାଦ୍ୟ ହେଉ କି କଞ୍ଚା ଫଳ-ପରିବା । ହେଲେ କେତେବେଳେ ଯେ ଏସବୁ ମଣିଷ ଭୁଲି ଗଲେଣି ତାହା ବି ଜଣା ନାହିଁ । ଏବେତ ଯୁଗ ସହିତ ତାଳ ଦେଇ ବଞ୍ଚିବାକୁ ପଡ଼ିବ । ପୂର୍ବର ଖାଦ୍ୟକୁ କିଏ ପଚାରେ । ଦିନ ଥିଲା ଚୂଡ଼ା, ମୁଢ଼ି,ଉଖୁଡ଼ା,ଛେନା, ଗୁଡ଼କୁ ସବୁ ଜଳଖିଆରେ ଖାଉ ଥିଲେ । ହେଲେ ଏବେତ, ପିଲାଙ୍କ କଥା ଛାଡ଼ ବୁଢ଼ା-ବୁଢୀ ବି ଆଉ ଏସବୁ ଖାଇବାକୁ ପସନ୍ଦ କରୁନାହାନ୍ତି । ନାତି-ନାତୁଣିଙ୍କ ସହ ମିଶି ମ୍ୟାଗି, ଚାଉମିନ୍, ପିଜ୍ଜା-ବର୍ଗରର ମଜା ନେଉଛନ୍ତି । ତେବେ ଏସବୁ ଭିତରେ ଫୁଟି କାକୁଡ଼ି ତାର ପରିଚୟ ହଜାଇ ଦେଲାଣି । ଖରାଦିନ ଆସିଲେ ଆଉ ମହକୁନି ଫୁଟି କାକୁଡ଼ି।

ବର୍ତ୍ତମାନ ଗ୍ରୀଷ୍ମ ଋତୁ, ଅସହ୍ୟ ତାତିରେ କଲବଲ ହେଉଛନ୍ତି ସବୁ । ଗରମରୁ ଟିକିଏ ତ୍ରାହି ପାଇବା ପାଇଁ କିଏ କେତେ ପ୍ରକାରର ଉପାୟ କରୁଛନ୍ତି । ଏହି ଗ୍ରୀଷ୍ମ ପ୍ରବାହରୁ ନିଜକୁ ରକ୍ଷା କରିବା ସହିତ ସୁସ୍ଥ ରଖିବା ପାଇଁ ବିଭିନ୍ନ ଫଳର ଅନେକ ଆବଶ୍ୟକତା ଶରୀର ପାଇଁ ରହିଛି । ସେହି ଫଳ ମାନଙ୍କ ମଧ୍ୟରୁ ଗୋଟିଏ ହେଲା ଫୁଟି କାକୁଡି । କିଛିଟା ବିଶେଷ ସ୍ୱାସ୍ଥ୍ୟ ସମସ୍ୟାକୁ ନେଇ ଗ୍ରୀଷ୍ମଋତୁରେ ଏହି ଫୁଟି କାକୁଡି ଆମର ଶରୀର ପାଇଁ ଉପଯୋଗୀ ଅଟେ । ଏଥିରେ ୯୫ ପ୍ରତିଶତ ପାଣି ଓ ମିନେରାଲସ ରହିଛି । ଏହା ଶରୀରକୁ ଥଣ୍ଡା ରଖିବା ସହିତ ଅଧିକାଂଶ ରୋଗରୁ ମଧ୍ୟ ଦୁରେଇ ରଖିଥାଏ । ଆସନ୍ତୁ ଜାଣିବା ଫୁଟି କାକୁଡ଼ିର ହିତକର ଗୁଣ ବିଷୟରେ ।