ତେଜସ୍ ଯୁଦ୍ଧ ବିମାନରେ ଉଡାଣ ଭରିଲେ ପ୍ରଧାନମନ୍ତ୍ରୀ ମୋଦୀ, କହିଲେ ଦୁନିଆରେ ଆମେ କାହା ଠାରୁ କିଛି କମ ନୁହେଁ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଅର୍ଥାତ୍ ଗୁରୁବାର ଦିନ କର୍ଣ୍ଣାଟକର ରାଜଧାନୀ ବେଙ୍ଗାଲୁରୁରେ ସ୍ୱଦେଶୀ ତେଜସ ଯୁଦ୍ଧ ବିମାନରେ ଉଡାଣ ଭରିଛନ୍ତି। ତେଜସ ବିମାନରେ ପ୍ରଧାନମନ୍ତ୍ରୀ ମୋଦୀଙ୍କ ମୋଟ ସର୍ଟ ୪୫ ମିନିଟ ଧରି ଚାଲିଥିଲା। ଅର୍ଥାତ୍ ପ୍ରଧାନମନ୍ତ୍ରୀ ମୋଦୀ ହାଲୁକା ଯୁଦ୍ଧ ବିମାନ ତେଜସରେ ୪୫ ମିନିଟ୍ ଯାତ୍ରା କରିଥିଲେ ଏବଂ ଏହି ସମୟରେ ଆକାଶରେ ଉଡ଼ିବାବେଳେ ସେ ନିଜେ କିଛି ସମୟ ପାଇଁ ସମସ୍ତ ନିୟନ୍ତ୍ରଣ ଚଳାଉଥିଲେ। ତେଜସ୍ ଯୁଦ୍ଧ ବିମାନରେ ଉଡ଼ିବା ପରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ସେ ସଫଳତାର ସହ ତେଜସରେ ଯାତ୍ରା କରିଛନ୍ତି ଏବଂ ସେ ଏଥିପାଇଁ ଗର୍ବିତ। କେବଳ ଏତିକି ନୁହେଁ, ସେ ବେଙ୍ଗାଲୁରୁରେ ଅବସ୍ଥିତ ହାଲ୍ ଅର୍ଥାତ୍ ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ୍ ସୁବିଧା ପରିଦର୍ଶନ କରିଥିଲେ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉଡାଣ ଭରିବା ବେଳେ ଫଟୋକୁ ନିଜ ଏକ୍ସ ଆକାଉଣ୍ଟରେ ସେୟାର କରିଛନ୍ତି ଏବଂ ଲେଖିଛନ୍ତି ଯେ, ମୁଁ ଆଜି ତେଜସରେ ଯାତ୍ରା କରି ଅତ୍ୟନ୍ତ ଗର୍ବର ସହ କହିପାରିବି ଯେ, ଆମର ଚେଷ୍ଟା ଏବଂ ପରିଶ୍ରମ କାରଣରୁ ଆମେ ଆତ୍ମନିର୍ଭରତା କ୍ଷେତ୍ରରେ ବିଶ୍ୱରେ କାହାଠାରୁ ମଧ୍ୟ କମ ନୁହେଁ । ଭାରତୀୟ ବାୟୁସେନା, DRDO ଏବଂ HAL ସହିତ ସମସ୍ତ ଭାରତବାସୀଙ୍କୁ ହାର୍ଦ୍ଦିକ ଶୁଭକାମନା । ସେ ଆହୁରି ଏକ ପୋଷ୍ଟ କରି କହିଛନ୍ତି ଯେ, ତେଜସରେ ସେ ସଫଳତା ଭାବେ ଯାତ୍ରା ଶେଷ କରିଛନ୍ତି । ଏହି ଅନୁଭବ ଆତ୍ମବିଶ୍ୱସନୀୟ ଭାବେ ସମୃଦ୍ଧ ଥିଲା, ଯେଉଁଥିରେ ଆମ ଦେଶର ସ୍ୱଦେଶୀ କ୍ଷମତାରେ ମୋ ବିଶ୍ୱାସକୁ ବହୁ ସୀମା ପର୍ଯ୍ୟନ୍ତ ବଢାଯାଇଛି ଏବଂ ଆମ ଭିତରେ ଆମର ଜାତୀୟ ସାମର୍ଥ୍ୟ ବିଷୟରେ ନବୀକରଣ ହୋଇଥିବା ଗର୍ବ ଏବଂ ଆଶାବାଦୀ ଭାବନା ସୃଷ୍ଟି ହୋଇଛି ।
ସୂଚନାଯୋଗ୍ୟ ଯେ, ଭାରତ ଦ୍ୱାରା ବିକଶିତ ହେଉଥିବା ତେଜସ୍ ଏକ ହାଲୁକା ଏବଂ ମଲ୍ଟି ରୋଲ୍ ଜେଟ୍ ଯୁଦ୍ଧ ବିମାନ ଅଟେ। ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ୍ ଦ୍ୱାରା ବିକଶିତ ହୋଇଥିବା ଗୋଟିଏ ସିଟ୍ ଏବଂ ଗୋଟିଏ ଜେଟ୍ ଇଞ୍ଜିନ୍ ସହିତ ଏହା ଏକ ମଲ୍ଟି ରୋଲ୍ ଲାଇଟ୍ ଯୁଦ୍ଧ ବିମାନ। ଏହା ଏକ ଲାଞ୍ଜହୀନ, ଯୌଗିକ-ଡେଲଟା ୱିଙ୍ଗ୍ ବିମାନ।
ନ୍ୟୁଜ୍ ଏଜେନ୍ସି ANI ଏହା ପୂର୍ବରୁ ପ୍ରତିରକ୍ଷା ସୂତ୍ରରୁ ପ୍ରକାଶ ଯେ, ରୁଷର ମୂଳ ଉପକରଣ ଉତ୍ପାଦନକାରୀଙ୍କ ସହଭାଗିତାରେ ଭାରତରେ HAL ଦ୍ୱାରା ୧୨ ଟି Su-30MKI ଯୁଦ୍ଧ ବିମାନ କିଣିବା ପାଇଁ HAL କୁ ଏକ ଟେଣ୍ଡର ଜାରି କରାଯାଇଛି। ସେ କହିଛନ୍ତି ଯେ, ଆସନ୍ତା ମାସ ସୁଦ୍ଧା ପ୍ରକଳ୍ପର ସବିଶେଷ ତଥ୍ୟ ସହିତ ଟେଣ୍ଡର ଉପରେ ପବ୍ଲିକ ସେକ୍ଟର କମ୍ପାନୀ ଜବାବ ଦେବ ବୋଲି ଆଶା କରାଯାଉଛି।
मैं आज तेजस में उड़ान भरते हुए अत्यंत गर्व के साथ कह सकता हूं कि हमारी मेहनत और लगन के कारण हम आत्मनिर्भरता के क्षेत्र में विश्व में किसी से कम नहीं हैं। भारतीय वायुसेना, DRDO और HAL के साथ ही समस्त भारतवासियों को हार्दिक शुभकामनाएं। pic.twitter.com/xWJc2QVlWV
— Narendra Modi (@narendramodi) November 25, 2023
