ଗତ ତିନି ବର୍ଷ ମଧ୍ୟରେ ପୁରୀ ଜଗନ୍ନାଥ ମନ୍ଦିରକୁ ମିଳିଛି ଏତିକି ଦାନ, ଖୁଲାସା କଲେ ସରକାର
ପୁରୀ: ପୁରୀର ଜଗନ୍ନାଥ ମନ୍ଦିର ଦେଶ ବ୍ୟତୀତ ସାରା ଦୁନିଆରେ ପ୍ରସିଦ୍ଧ। ତେବେ ଶ୍ରୀମନ୍ଦିରକୁ ମିଳିଥିବା ଦାନ ବିଷୟରେ ଶୁଣିଲେ, ଆଶ୍ଚର୍ଯ୍ୟ ହୋଇଯିବେ ଆପଣ। ତିନି ବର୍ଷ ମଧ୍ୟରେ ଶ୍ରୀମନ୍ଦିରକୁ ମିଳିଥିବା ଦାନ ବିଷୟରେ ବିଧାନସଭାରେ ଖୁଲାସା କରାଯାଇଛି। ଶନିବାର ବିଧାନସଭାରେ ଆଇନମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ଏହା କହି ସ୍ପଷ୍ଟ କରିଛନ୍ତି ଯେ, ଦାନ ବାକ୍ସ, ବ୍ୟାଙ୍କ ଆକାଉଣ୍ଟ ଏବଂ ଅନ୍ୟ ଉତ୍ସରୁ ମନ୍ଦିରକୁ ଧାର୍ମିକ ଦାନ ପ୍ରାପ୍ତ ହୋଇଛି।
ଏନେଇ ବିଧାନସଭାରେ ଜଗନ୍ନାଥଙ୍କ ସମସ୍ତ ଦାନ ଉପରେ ପ୍ରଶ୍ନ ଉଠିଛି ଏବଂ ରାଜ୍ୟ ସରକାରଙ୍କ ପକ୍ଷରୁ ଏହାର ଉତ୍ତର ଗୃହରେ ଦିଆଯାଇଛି। ତେବେ ଏହି ପ୍ରଶ୍ନର ଲିଖିତ ଉତ୍ତରରେ ପୃଥ୍ୱୀରାଜ ହରିଚନ୍ଦନ କହିଛନ୍ତି ଯେ, ମନ୍ଦିରକୁ ୨୦୨୧-୨୨ରୁ ୨୦୨୩-୨୪ ପର୍ଯ୍ୟନ୍ତ ଦାନ ବାକ୍ସରେ ୪୦.୬୧ କୋଟି ଟଙ୍କା, ବ୍ୟାଙ୍କ ଖାତା ମାଧ୍ୟମରେ ୫୯.୭୯ କୋଟି ଟଙ୍କା ଏବଂ ଅନ୍ୟ ଉତ୍ସରୁ ୧୨.୬୦ କୋଟି ଟଙ୍କା ମିଳିଛି।
ବଡ଼ ଦେଉଳକୁ ସବୁଠାରୁ ଅଧିକ ଦାନ ୨୦୨୨-୨୩ରେ ୫୦.୮୦ କୋଟି ଟଙ୍କା ମିଳିଥିଲା, ଯେଉଁଥିରେ ୨୦୨୩-୨୪ରେ ୪୪.୯୦ କୋଟି ଟଙ୍କା ଏବଂ ୨୦୨୧-୨୨ରେ ୧୭.୩୧ କୋଟି ଟଙ୍କା ଦାନ ମିଳିଛି।
