ଗେହଲଟ ଏବଂ ପାଇଲଟଙ୍କ ସହ କଥା ହେବା ପରେ ରାହୁଲ ଗାନ୍ଧୀଙ୍କ ପ୍ରତିକ୍ରିୟା, କହିଲେ ଖୁବ ଶୀଘ୍ର ଶୁଣିବେ ଖୁସି ଖବର
ନୂଆଦିଲ୍ଲୀ:କଂଗ୍ରେସ ଦଳ ଭାରତର ସର୍ବ ପୂରାତନ ଦଳ। କିନ୍ତୁ ବର୍ତ୍ତମାନ ଦଳର ଅସ୍ତିତ୍ୱ କିଛି ଭଲ ନାହିଁ । ଆଉ ସବୁଠାରୁ ବଡ କଥା ହେଉଛି କଂଗ୍ରେସ ଏଭଳି ଅବସ୍ଥା ପଛରେ କାରଣ ହେଉଛି ଦଳ ଭିତରେ ଥିବା ଦଳୀୟ ନେତାମାନଙ୍କ ମଧ୍ୟରେ କନ୍ଦଳ ଏବଂ ମତାନ୍ତର । ଯାହା ପାଇଁ ଦଳ ଆଜି କେଉଁଠାରେ ନିଜର ଦବଦବା ବିସ୍ତାର କରିପାରୁ ନାହିଁ । ଆଉ ଯେଉଁ ସବୁ ସ୍ଥାନରେ କଂଗ୍ରେସ ଭଲ କରୁଥିଲା ଏବେ ମଧ୍ୟ ସେହି ସବୁ ସ୍ଥାନରେ ଟଳମଳ ହେବାର ଲାଗିଛି । ତେବେ ଏହି ସବୁ ଭିତରେ କଂଗ୍ରେସ କୁ ବଞ୍ଚାଇବା ପାଇଁ ଏବଂ ଦଳ ଭିତରେ ଦଳକୁ ମିଶାଇବା କୁ, ଦଳକୁ ତ୍ରୃଣମୂଳ ସ୍ତରରେ ଲୋକମାନଙ୍କ ପାଖରେ ପହଞ୍ଚାଇବା ପାଇଁ ପଦଯାତ୍ରାରେ ବାହାରି ପଡିଛନ୍ତି ରାହୁଲ ଗାନ୍ଧୀ। ଆଉ ତାଙ୍କର ଏହି ଯାତ୍ରା ବହୁ ମାତ୍ରାରେ ମଧ୍ୟ ଫଳପ୍ରଦ ହେବାର ଲାଗିଛି । ସାଧାରଣ ଜନତାଙ୍କ ଠାରୁ ଆରମ୍ଭ କରି ସୁନାମଧନ୍ୟ ବ୍ୟକ୍ତି ମଧ୍ୟ ଏହି ଯାତ୍ରାରେ ରାହୁଲଙ୍କ ସହିତ ଯୋଡି ହେଉଛନ୍ତି । ଯାହା ଏକ ପ୍ରକାରର କଂଗ୍ରେସ ପାଇଁ ଭଲ ସଙ୍କେତ ଭାବେ ଉଭା ହୋଇଛି । ଏହା ମଧ୍ୟରେ ରାହୁଲଙ୍କ ଭାରତ ଯୋଡୋ ଯାତ୍ରା ରାଜସ୍ଥାନରେ ପହଞ୍ଚିଛି । ଆଉ ରାହୁଲ ଏଠାରେ ଏବେ ପାଇଲଟ ଏବଂ ଗେହଲଟଙ୍କୁ ଯୋଡିବା ପାଇଁ ନିଜର ଚେଷ୍ଟା ଆରମ୍ଭ କରିଛନ୍ତି ।
ଏହିଭିତରେ ଖୁବ ଶୀଘ୍ର ରାଜସ୍ଥାନ କଂଗ୍ରେସରେ ଚାଲିଥିବା ଅଶୋକ ଗେହଲଟ୍ ବନାମ ସଚିନ୍ ପାଇଲଟ୍ ବିବାଦ ସମାପ୍ତି ହେବାକୁ ଯାଉଛି। ରାହୁଲ ଗାନ୍ଧୀ ଉଭୟଙ୍କ ସହ ଏକାଠି କଥା ହୋଇଥିଲେ ଏବଂ ପରେ ସୋମବାର ପୃଥକ ପୃଥକ ଭାବେ ଭେଟି ଥିଲେ । ବାର୍ତ୍ତାଳାପ ପରେ ରାହୁଲ ଗାନ୍ଧୀ ଗଣମାଧ୍ୟମକୁ କହିଛନ୍ତି ଯେ ଖୁବ୍ ଶୀଘ୍ର ଭଲ ଖବର ଶୁଣିବାକୁ ମିଳିବ । ସୂତ୍ରରୁ ପ୍ରକାଶ ଯେ ରାହୁଲ ଗାନ୍ଧୀ ଉଭୟଙ୍କୁ ସେମାନଙ୍କର ମଧ୍ୟରେ ଥିବା ବିବାଦ କୁ ଭୁଲିଯିବାକୁ ଏବଂ ଏକାଠି କାମ କରିବାକୁ କହିଛନ୍ତି । ରାହୁଲ ଗାନ୍ଧୀଙ୍କ ଗେହଲୋଟ୍ ଏବଂ ପାଇଲଟ୍ ଙ୍କ ସହ କଥାବାର୍ତ୍ତା ପରେ ଏବଂ ପରେ ପୃଥକ ଭାବରେ ବୈଠକ ପରେ , ରାଜସ୍ଥାନରେ ସିଏମ୍ ପଦ ପାଇଁ ଚାଲିଥିବା ବିବାଦ ଖୁବ ଶୀଘ୍ର ସମାପ୍ତି ହୋଇପାରେ ବୋଲି ଆଶା କରାଯାଉଛି।
ରାହୁଲ ଗାନ୍ଧୀଙ୍କ ଭାରତ ଯୋଡୋ ଯାତ୍ରା ଗତ ୧୫ ଦିନ ହେବ ରାଜସ୍ଥାନରେ ଅଛି। ଏହି ଯାତ୍ରାରେ ଅଶୋକ ଗେହଲୋଟ୍ ଏବଂ ସଚିନ୍ ପାଇଲଟ୍ ରାହୁଲଙ୍କ ସହ କ୍ରମାଗତ ଭାବରେ ଯୋଗ ଦେଉଛନ୍ତି। ଦୁଇ ନେତାଙ୍କ ମଧ୍ୟରେ ଚାଲିଥିବା ରାଜନୈତିକ ଯୁଦ୍ଧ ସମ୍ପର୍କରେ ଦଳର ବରିଷ୍ଠ ନେତା ଜୟରାମ ରମେଶ ଏବଂ ଅନ୍ୟ ନେତାମାନେ ଏହା ମଧ୍ୟ କହିଛନ୍ତି ଯେ ଗେହଲୋଟ୍ ଅଭିଜ୍ଞ ଥିବାବେଳେ ପାଇଲଟ୍ ଜଣେ ଯୁବ ନେତା। ଏହା ଦଳର ବିଷୟ, ଏହା ନିଜେ ପାର୍ଟିରେ ସମାଧାନ ହେବ। ତେବେ ରାହୁଲ ଭାରତ ଯୋଡୋ ଗସ୍ତ ପୂର୍ବରୁ ଦୁଇ ନେତାଙ୍କ ମଧ୍ୟରେ ତିକ୍ତତା ସମ୍ପର୍କରେ ଅନେକ ଖବର ଆସିଥିଲା। କିନ୍ତୁ ଯାତ୍ରା ସମୟରେ ଏହିପରି କିଛି ଦେଖାଯାଇନଥିଲା। ରାଜସ୍ଥାନରେ ଯାତ୍ରାର ପ୍ରବେଶ ସମୟରେ ଉଭୟ ପାଇଲଟ ଏବଂ ଗେହଲୋଟ୍ ପରସ୍ପରର ହାତ ଧରିଥିଲେ। ଏହା ପରେ ରାହୁଲ ଗାନ୍ଧୀ ଉଭୟ ନେତାଙ୍କୁ ଦଳର ସମ୍ପତ୍ତି ବୋଲି କହିଥିଲେ। ବର୍ତ୍ତମାନ ଉଭୟ ନେତାଙ୍କ ସହ ରାହୁଲ ଗାନ୍ଧୀଙ୍କ ପୃଥକ ବୈଠକ ପରେ ରାଜସ୍ଥାନ କଂଗ୍ରେସରେ ଏକତାର ଏକ ନୂତନ ଆଶା ପ୍ରକାଶ ପାଇଛି।
ରାହୁଲ ଗାନ୍ଧୀ ଉଭୟଙ୍କ ସହ ପ୍ରାୟ ୨୦ ମିନିଟ୍ କଥା ହୋଇଥିଲେ। ଏକିନ୍ତୁ ଏହା ଭିନ୍ନ କଥା ଅଟେ ଯେ ଦଳ ଯେଉଁ କଥା କହିଛି ତାହା ଦୂର ଫଳ ପ୍ରଦ ହୋଇ ପାରିବ । ଏହା ସହିତ ଗେହଲଟ ଆଉ ପାଇଲଟଙ୍କ ମଧ୍ୟ ରେ ଥିବା ବିବାଦ କେତେ ଶୀଘ୍ର ଅନ୍ତ ହୋଇ ପାରିବ ।
ରାହୁଲ ଗାନ୍ଧୀ ଏକ ସୂତ୍ରରେ କାମ କରୁଛନ୍ତି:
ରାହୁଲ ଗାନ୍ଧୀ ବରିଷ୍ଠ ଦଳର ନେତା ଭାନୱର ଜିତେନ୍ଦ୍ର ସିଂ, ଶିକ୍ଷା ମନ୍ତ୍ରୀ ବି.ଡି କଲା ଏବଂ ଓସିଆନ ବିଧାୟକ ଦିବ୍ୟା ମନ୍ଦାରନାଙ୍କ ମଧ୍ୟ ଗେହଲୋଟ ଏବଂ ପାଇଲଟଙ୍କ ସହ ମିଳିତ ବୈଠକ କରିଥିଲେ। ଏହି ବୈଠକରେ ବିବାଦର ସମାପ୍ତି ସହିତ ରାଜସ୍ଥାନ କଂଗ୍ରେସର ପରବର୍ତ୍ତୀ ସାଧାରଣ ରଣନୀତି ଉପରେ ଆଲୋଚନା କରାଯାଇଥିଲା। ରାହୁଲ ଗାନ୍ଧୀ ଗେହଲୋଟ୍-ପାଇଲଟ୍ ବିବାଦର ସମାଧାନ ପାଇଁ ଏକ ସୂତ୍ରରେ କାମ କରୁଛନ୍ତି ବୋଲି ବିଶ୍ୱାସ କରାଯାଏ।
