ମସ୍କୋ ଆତଙ୍କବାଦୀ ଆକ୍ରମଣ ପରେ ୟୁକ୍ରେନ ଉପରେ ଏୟାର ଷ୍ଟ୍ରାଇକ୍ ବଢ଼ାଇଲା ଋଷ

ନୂଆଦିଲ୍ଲୀ: ୟୁକ୍ରେନର ରାଜଧାନୀ କିଭ୍ ଏବଂ ପଶ୍ଚିମାଞ୍ଚଳ ଲଭିଭ୍ ଋଷିଆର ‘ବିଶାଳ’ ବିମାନ ଆକ୍ରମଣର ସମ୍ମୁଖୀନ ହୋଇଥିବାରୁ ପୋଲାଣ୍ଡ ସେନା ମଧ୍ୟରେ ପ୍ରସ୍ତୁତି ବଢ଼ିଯାଇଛି। ବଖମୁତର ପଶ୍ଚିମରେ ଥିବା ଇଭାନିଭ୍ସ୍କେ ଗ୍ରାମକୁ ଋଷସେନା ଦଖଲ କରିବାକୁ ଦାବି କରିବା ପରେ ରବିବାର ସକାଳେ ରୁଷ୍ ଓ ୟୁକ୍ରେନ ମଧ୍ୟରେ ମାରାତ୍ମକ ଆକାଶମାର୍ଗରୁ ଆକ୍ରମଣ ବୃଦ୍ଧି ପାଇଛି।

ଏହାବ୍ୟତୀତ ଶୁକ୍ରବାର ଦିନ ମସ୍କୋର ଏକ କନସର୍ଟ ହଲ୍ ଉପରେ ହୋଇଥିବା ଆତଙ୍କବାଦୀ ଆକ୍ରମଣରେ ଅତି କମ୍ରେ ୧୫୦ ଜଣଙ୍କ ମୃତ୍ୟୁ ଘଟିବା ପରେ ଦୁଇ ଶତ୍ରୁପକ୍ଷ ମଧ୍ୟରେ ଉତ୍ତେଜନା ଆହୁରି ଘନୀଭୂତ ହୋଇଛି। ରାଷ୍ଟ୍ରପତି ଭ୍ଲାଦିମିର ପୁଟିନ୍ କିଭ୍ ଙ୍କୁ ଏହି ଆକ୍ରମଣ ସହ ଯୋଡ଼ିବାକୁ ଚେଷ୍ଟା କରିଥିବା ବେଳେ ୟୁକ୍ରେନ୍ ଏହି ଦାବିକୁ ଖଣ୍ଡନ କରିଥିବା ବେଳେ ଇସ୍ଲାମିକ୍ ଷ୍ଟେଟ୍ ନିଜକୁ ଦାୟୀ କରିଛି।

Russia launches 57 missiles and drones on Ukraine, including attacking Kiev and western Ukrainian region of Lviv, officials say, with Poland's armed forces saying one of Russia's cruise missiles briefly violated Polish airspace pic.twitter.com/qFCVqn8iRj

— TRT World Now (@TRTWorldNow) March 24, 2024

କିଭ୍ ର ମେୟର ଭିଟାଲି କ୍ଲିଟ୍ସ୍କୋ ରବିବାର ଟେଲିଗ୍ରାମରେ ପୋଷ୍ଟ କରିଛନ୍ତି, ରାଜଧାନୀରେ ବିସ୍ଫୋରଣ ହୋଇଛି। ଏୟାର ଡିଫେନ୍ସ କାମ କରୁଛି। ଆଶ୍ରୟସ୍ଥଳୀ ଛାଡ଼ନ୍ତୁ ନାହିଁ। ଲଭିଭ୍ ଅଞ୍ଚଳର ଗଭର୍ଣ୍ଣର ମାକ୍ସିମ୍ କୋଜିତ୍ସ୍କି କହିଛନ୍ତି ଯେ ପୋଲାଣ୍ଡ ସୀମା ନିକଟରେ ଥିବା ଲଭିଭ୍ ର ଦକ୍ଷିଣରେ ଅବସ୍ଥିତ ଷ୍ଟ୍ରାଇ ଜିଲ୍ଲା ମଧ୍ୟ ଆକ୍ରମଣର ସମ୍ମୁଖୀନ ହୋଇଥିଲା।

💥 POLAND'S AIRSPACE

One of Russia's cruise missiles launched at Western Ukraine's region of Lviv, violated Poland's airspace Poland's armed forces said.

"The object entered Polish space near the town of Oserdow (Lublin Voivodeship) and stayed there for 39 seconds," the armed… https://t.co/WYk1Pk2fGg

— PiQ (@PiQSuite) March 24, 2024

ଏହା ପୂର୍ବରୁ ୟୁକ୍ରେନକୁ ଦେଶବ୍ୟାପୀ ଏୟାର ଆଲର୍ଟ ରେ ରଖାଯାଇଥିଲା, ଯେଉଁଥିରେ ରୁଷିଆର ଟିୟୁ-୯୫ଏମଏସ ରଣନୈତିକ ବୋମାବର୍ଷୀ ବିମାନରୁ କ୍ରୁଜ୍ କ୍ଷେପଣାସ୍ତ୍ର ଉତକ୍ଷେପଣ ନେଇ ସତର୍କ କରାଯାଇଥିଲା। ତେବେ ପ୍ରାୟ ଦୁଇ ଘଣ୍ଟା ପରେ ସତର୍କ ସୂଚନା ପ୍ରତ୍ୟାହାର କରାଯାଇଥିଲା।

କିଭ୍ ସହରର ସାମରିକ ପ୍ରଶାସନର ମୁଖ୍ୟ ସର୍ଗି ପୋପ୍କୋ କହିଛନ୍ତି ଯେ ୪ ଦିନ ମଧ୍ୟରେ ତୃତୀୟ ଆକ୍ରମଣ ସମୟରେ ରାଜଧାନୀରେ ଏହି କ୍ଷେପଣାସ୍ତ୍ରଗୁଡ଼ିକ ‘ଦଳଗତ ଭାବେ’ ଉତ୍କ୍ଷେପଣ କରାଯାଇଥିଲା। ପ୍ରାଥମିକ ରିପୋର୍ଟରୁ ଜଣାପଡିଛି ଯେ କୌଣସି କ୍ଷୟକ୍ଷତି ହୋଇନାହିଁ ଏବଂ ସହରର ଏୟାର ଡିଫେନ୍ସ ସଫଳତାର ସହ ପ୍ରାୟ ଏକ ଡଜନ କ୍ଷେପଣାସ୍ତ୍ରକୁ ଅଟକାଇଛି। ପେପ୍କୋ ଟେଲିଗ୍ରାମରେ କହିଛନ୍ତି, ଶତ୍ରୁ ପକ୍ଷରୁ ୟୁକ୍ରେନ ବିରୋଧରେ ବ୍ୟାପକ କ୍ଷେପଣାସ୍ତ୍ର ଆତଙ୍କ ଜାରି ରହିଛି।