Russia-Ukraine War : ଅନେକ ସହର ଉପରେ ମିସାଇଲ ମାଡ, ୫ ପିଲାଙ୍କ ସମେତ ୨୬ ଜଣଙ୍କର ମୃତ୍ୟୁ

ନୂଆଦିଲ୍ଲୀ : ୟୁକ୍ରେନ୍ ଉପରେ ପୁଣି ରଷିଆ ଆକ୍ରମଣ କରିଛି । ଶୁକ୍ରବାର ଦିନ ୟୁକ୍ରେନର ରାଜଧାନୀ କଳିଭ ଏବଂ ଏହାର ଆଖପାଖ ଅଞ୍ଚଳରେ ୨୦ ରୁ ଅଧିକ କ୍ରୁଜ୍ କ୍ଷେପଣାସ୍ତ୍ର ଏବଂ ଦୁଇଟି ଡ୍ରୋନ୍ ଗୁଳି ବର୍ଷଣ କରିଛି । ଏଥିରେ ଅତି କମରେ ପାଞ୍ଚ ଜଣ ଶିଶୁଙ୍କ ସମେତ ୨୬ ଜଣଙ୍କର ମୃତ୍ୟୁ ଘଟିଛି। କେନ୍ଦ୍ରୀୟ ୟୁକ୍ରେନର ଏକ କୋଠା ଉପରେ ଦୁଇଟି ମିସାଇଲ ମାଡ ହେବାରୁ ଅଧିକାଂଶଙ୍କର ମୃତ୍ୟୁ ଘଟିଛି।

ପ୍ରାୟ ଦୁଇ ମାସ ମଧ୍ୟରେ ପ୍ରଥମ ଥର ପାଇଁ ରାଜଧାନୀ ଚାରିପାଖରେ ଏୟାର ରେଡ୍ ସାଇରନ୍ ଶବ୍ଦ ଶୁଣାଯାଇଥିଲା । କଳିଭଠାରୁ ପ୍ରାୟ ୨୧୫ କିଲୋମିଟର ଦକ୍ଷିଣରେ ଅବସ୍ଥିତ ଉମାନ ସହରରେ ନଅ ମହଲା ବିଶିଷ୍ଟ ଆବାସିକ କୋଠା ଉପରେ ଆକ୍ରମଣ କରାଯାଇଥିଲା।

ରାଜଧାନୀ ଅଞ୍ଚଳର ରାଜ୍ୟପାଳ ଇହୋର ଟାବୁରେଟ୍ସଙ୍କ ଅନୁଯାୟୀ ଏହି ଆକ୍ରମଣରେ ତିନି ପିଲାଙ୍କ ସମେତ ୧୭ ଜଣଙ୍କର ମୃତ୍ୟୁ ଘଟିଛି। ୟୁକ୍ରେନ ନ୍ୟାସନାଲ ପୋଲିସର ସୂଚନାନୁସାରେ ୧୭ ଜଣ ଆହତ ହୋଇଛନ୍ତି ଏବଂ ତିନି ଜଣ ପିଲାଙ୍କୁ ଧ୍ୱଂସାବଶେଷ ମଧ୍ୟରୁ ବାହାର କରାଯାଇଛି ।