“ମୌଜା ହିଁ ମୌଜା” ଟ୍ରେଲର ରିଲିଜ ବେଳେ ମନ କଥା କହିଲେ ସଲମାନ ଖାନ, କ’ଣ ଥିଲା ସଲମାନଙ୍କ ମନ କଥା ?

ମୁମ୍ବାଇ : ଫିଲ୍ମ “କ୍ୟାରି ଅନ ଜଟ୍ଟା ୩” ଫିଲ୍ମର ପ୍ରମୋସନ କରିବାକୁ ଅମୀର ଖାନ ଯେଉଁ ସ୍ଥାନକୁ ଯାଇଥିଲେ । ସେଠାରେ ବଲିଉଡର ଭାଇଜାନ ସଲମାନ ଖାନ ମଧ୍ୟ ସେଠାରେ “ମୌଜା ହିଁ ମୌଜା” ଫିଲ୍ମର ପ୍ରମୋସନ କରିବାକୁ ପହଞ୍ଚିଥିଲେ । ପଞ୍ଜାବୀ ସୁପରଷ୍ଟାର ଗ୍ରିପି ଗରେୱାଲଙ୍କ ପଞ୍ଜାବୀ ଫିଲ୍ମ “ମୌଜା ହିଁ ମୌଜା” ର ଟ୍ରେଲର ଗୁରୁବାର ସନ୍ଧ୍ୟାରେ ମୁମ୍ବାଇରେ ରିଲିଜ ହୋଇଥିଲା । ଏଠାରେ ସଲମାନ ଖାନ ସାଉଥ ଫିଲ୍ମରେ ଆଗାମୀ ଦିନରେ କାମ କରିବେ ବୋଲି କହିଥିଲେ । ଏବେ ସଲମାନ ଖାନ ତାଙ୍କ ଫିଲ୍ମ “ଟାଇଗର ୩”କୁ ନେଇ ଚର୍ଚ୍ଚାରେ ଅଛନ୍ତି ।

ଗୁରୁବାର ସନ୍ଧ୍ୟାରେ ପଞ୍ଜାବୀ ଫିଲ୍ମ “ମୌଜା ହିଁ ମୌଜା” ଟ୍ରେଲର ରିଲିଜ ହେବା ପରେ ଏଠାରେ ସଲମାନ ଖାନ ସ୍ପେସାଲ ଭାବରେ ଏଣ୍ଟି ନେଇଥିଲେ । ଟ୍ରେଲର ଲଞ୍ଚ ହେବା ସମୟରେ ଗ୍ରିପି ଗରେୱାଲ, ବିନୁ ଧିଲୋନ,କରମଜିତ ଅନମୋଲ ସେଠାରେ ଉପସ୍ଥିତ ଥିଲେ । ଫିଲ୍ମ “ମୌଜା ହିଁ ମୌଜା” ର ନିର୍ଦ୍ଦେଶକ ହେଉଛନ୍ତି ସ୍ମିପ କାଙ୍ଗ । ଏହି ଫିଲ୍ମର ଟ୍ରେଲର ଦେଖିଲା ପରେ ଲାଗୁଛି ଏହା ଏକ କମେଡି ଫିଲ୍ମ । ଫିଲ୍ମର କାହାଣୀ ମଧ୍ୟ ବହୁତ ଭଲ ହୋଇଛି । ଏହି ଫିଲ୍ମଟି ୩ ଜଣ ଭାଇଙ୍କ ଉପରେ ଆଧାରିତ ହୋଇଛି ଯେଉଁଥିରେ ୩ ଭାଇ ଅନ୍ଧ, ମୁକ ଏବଂ ବଧିର ଅଭିନୟ କରିଛନ୍ତି । ଏହି ଫିଲ୍ମରେ ଦେଖିବାକୁ ମିଳିଛି ଏହି ୩ ଭାଇ ତାଙ୍କ ଭଉଣୀର ବାହାଘର କରିବାକୁ ଚାହୁଛନ୍ତି କିନ୍ତୁ ଏମାନଙ୍କ ପାଇଁ ତାଙ୍କ ଭଉଣୀ ବାହାଘର ହୋଇ ପାରୁ ନାହିଁ ।

ପଞ୍ଜାବୀ ଫିଲ୍ମ “ମୌଜା ହିଁ ମୌଜା” ଟ୍ରେଲର ରିଲିଜ ସମୟରେ ସଲମାନ କହିଥିଲେ ସେ ସାଉଥ ଫିଲ୍ମରେ କାମ କରିବାକୁ ଚାହୁଛନ୍ତି । ଏହା ଛଡା ସଲମାନ କହିଥିଲେ “ମୁଁ ଚାହୁଛି “ମୌଜା ହିଁ ମୌଜା” ଫିଲ୍ମ ୧୦୦୦ କୋଟି ଟଙ୍କାର ବ୍ୟବସାୟ କରୁ । ଏବଂ ଗ୍ରେପି ଗରେୱାଲଙ୍କୁ ମଧ୍ୟ ଶୁଭକାମନା ଜଣାଇଥିଲେ ।” ଫିଲ୍ମ “ମୌଜା ହିଁ ମୌଜା” ୨୦ ଅକ୍ଟେବର ୨୦୨୩ରେ ରିଲିଜ ହେବ ।