କୋଭିଡ୍ ସଙ୍କଟ ସମୟରେ ସୁପ୍ରିମକୋର୍ଟ ଚୁପ୍ ବସିବେନି: ରାଜ୍ୟ ମଧ୍ୟରେ ସମନ୍ୱୟ ରକ୍ଷା କରିବା ଦିଗରେ କାର୍ଯ୍ୟ କରିବେ

Advertisement

ନୂଆ ଦିଲ୍ଲୀ, ୨୭/୦୪: କୋଭିଡ-୧୯ ମହାମାରୀ କାରଣରୁ ଦେଶ ସମ୍ମୁଖୀନ ହେଉଥିବା ସମସ୍ୟାର ଯାଞ୍ଚ ପାଇଁ ପଞ୍ଜୀକୃତ ହୋଇଥିବା ସୁ ମୋଟୋ ମାମଲାରେ ସୁପ୍ରିମକୋର୍ଟ ମଙ୍ଗଳବାର ଦିନ ଏହା ଉପରେ  କାର୍ଯ୍ୟ ଆରମ୍ଭ କରିଛନ୍ତି । ଶୁଣାଣି ସମୟରେ ସୁପ୍ରିମ କୋର୍ଟର ବେଞ୍ଚ ଜଷ୍ଟିସ୍ ଡି ୱାଇ ଚନ୍ଦ୍ରଚୁଡ, ଏଲ୍ ନାଗେଶ୍ୱର ରାଓ ଏବଂ ରବିନ୍ଦ୍ର ଭଟ କହିଛନ୍ତି ଯେ ବିଭିନ୍ନ ରାଜ୍ୟର ପରିସ୍ଥିତି ଉପରେ ନଜର ରଖିବା ପାଇଁ ହାଇକୋର୍ଟଙ୍କ ସ୍ଥିତି ଭଲ ଅଛି । ଦେଶରେ ଏଭଳି ସଙ୍କଟ ସମୟରେ ସୁପ୍ରିମ କୋର୍ଟ ଚୁପ ବସିପାରିବେ ନାହିଁ। ରାଜ୍ୟଗୁଡିକ ମଧ୍ୟରେ ସମନ୍ୱୟ ରକ୍ଷା କରିବା ଆମର ଭୂମିକା ହେବ ବୋଲି ସୁପ୍ରିମ କୋର୍ଟ କହିଛନ୍ତି। ବେଞ୍ଚ କହିଛନ୍ତି “କରୋନା ପାଇଁ କରାଯାଉଥିବା ଜାତୀୟ ସ୍ତରୀୟ ଉଦ୍ୟମରେ ସମନ୍ୱୟ ପାଇଁ ସୁପ୍ରିମ କୋର୍ଟ ହସ୍ତକ୍ଷେପ କରିବା ଆବଶ୍ୟକ । ଜାତୀୟ ସଙ୍କଟ ସମୟରେ ସୁପ୍ରିମ କୋର୍ଟ ମୂକ ଦର୍ଶକ ହୋଇପାରିବେ ନାହିଁ ।

ସୂଚନାଯୋଗ୍ୟ ଯେ, ସୁ ମୋଟୋ ମାମଲାର ପୂର୍ବ ପ୍ରକ୍ରିୟା ସମୟରେ ତତ୍କାଳୀନ ପ୍ରଧାନ ବିଚାରପତି ଏସ୍ ଏ ବୋବଡେଙ୍କ ନେତୃତ୍ୱରେ ସୁପ୍ରିମ କୋର୍ଟ ବେଞ୍ଚ ଆବଶ୍ୟକୀୟ ଔଷଧ ଯୋଗାଣ, ଟୀକାକରଣର ପଦ୍ଧତି ଏବଂ ଲକ ଡାଉନ ପାଇଁ ଏକ ଜାତୀୟ କୋଭିଡ୍ ଯୋଜନା ଦାଖଲ କରିବାକୁ କେନ୍ଦ୍ରକୁ କହିଥିଲେ। ତେବେ ଗତ ଶୁକ୍ରବାର ଦିନ ମୁଖ୍ୟ ବିଚାରପତି ବୋବଡେଙ୍କ କାର୍ଯ୍ୟକାଳ ଶେଷ ହୋଇଥିବାରୁ ସେହି ପ୍ରକ୍ରିୟା ସ୍ଥଗିତ ରଖାଯାଇଛି। ତେବେ ସର୍ବୋଚ୍ଚ ଅଦାଲତର ଅନୁରୋଧ ଅନୁଯାୟୀ କେନ୍ଦ୍ର ଏକ ଜାତୀୟ ଯୋଜନା ଦାଖଲ କରିଛି ବୋଲି ସଲିସିଟର ଜେନେରାଲ ତୁଷାର ମେହେଟ୍ଟା କୋର୍ଟଙ୍କୁ ସୂଚନା ଦେଇଥିଲେ। ଗୋଟିଏ କିମ୍ବା ଦୁଇ ଦିନ ମଧ୍ୟରେ କେନ୍ଦ୍ରର ଉତ୍ତରକୁ କୋର୍ଟ ଯାଞ୍ଚ କରିବେ।

ମଙ୍ଗଳବାର ଚାଲିଥିବା ପ୍ରକ୍ରିୟା ସମୟରେ, ସୁପ୍ରିମ କୋର୍ଟ ବେଞ୍ଚ କେନ୍ଦ୍ରକୁ ଦୁଇଟି ଜିନିଷ ପାଇଁ ଏହାର ଯୋଜନା ସ୍ପଷ୍ଟ କରିବାକୁ କହିଛନ୍ତି । ସେହି ଯୋଜନା ଗୁଡ଼ିକ – ହେଉଛି ଚିକିତ୍ସା ସୁବିଧା ବିସ୍ତାର ପାଇଁ କେନ୍ଦ୍ରୀୟ ସମ୍ବଳର ବ୍ୟବହାର ଏବଂ ଟିକା ମୂଲ୍ୟ ନିର୍ଦ୍ଧାରଣ ।  ଆମକୁ ପାରାମିଲିଟାରୀ ବାହିନୀର କେନ୍ଦ୍ରୀୟ ସମ୍ବଳର ବ୍ୟବହାର ବିଷୟରେ ଜାଣିବା ଆବଶ୍ୟକ, କାରଣ ପାରାମିଲିଟାରୀ ପାଖରେ ସେନା ସୁବିଧା ଏବଂ ସେନା ଡାକ୍ତର ଏବଂ ରେଳ ଅଛି । ଏଗୁଡିକ କ୍ୱାରେଣ୍ଟିନ, ଟୀକାକରଣ କିମ୍ବା ବେଡ ପାଇଁ ଉପଲବ୍ଧ ହୋଇପାରିବ। ଏଥିପାଇଁ ଜାତୀୟ ଯୋଜନା କ’ଣ? ବୋଲି ଜଷ୍ଟିସ ଭଟ କେନ୍ଦ୍ରକୁ ପଚାରିଥିଲେ। ବିଭିନ୍ନ ଉତ୍ପାଦକଙ୍କ ଦ୍ୱାରା ଟିକା ମୂଲ୍ୟ ନିର୍ଧାରଣକୁ ନେଇ ଜଷ୍ଟିସ୍ ଭଟ ମଧ୍ୟ ଉଦବେଗ ପ୍ରକାଶ କରିଥିଲେ।