ଶିବ ପଞ୍ଚାକ୍ଷର ମନ୍ତ୍ର ଦୂର କରିବ ଅକାଳମୃତ୍ୟୁ ଭୟ, ଧନ-ବିଦ୍ୟା ହେବ ପ୍ରାପ୍ତି

ଓଡ଼ିଶା ଭାସ୍କର: ହିନ୍ଦୁ ମାନ୍ୟତା ଅନୁଯାୟୀ, ସୋମବାର ଦିନ ଶିବଙ୍କ ଉପାସନା କରାଯାଏ। ତେବେ ଆଜିର ଦିନରେ ଶିବକୁ ପୂଜା କରି ସମସ୍ତେ ଶୁଭଫଳ ପାଇଥାନ୍ତି। ତେବେ ଏହି ପୂଜାର୍ଚ୍ଚନା ସହ ଯଦି ଆପଣ ଶିବ ପଞ୍ଚାକ୍ଷର ମନ୍ତ୍ର ଜପ କରନ୍ତି ତେବେ। ଆପଣଙ୍କର ସମସ୍ତ ମନସ୍କାମନ ପୂର୍ଣ୍ଣ ହେବା ସହ ଅକାଳମୃତ୍ୟୁ ଭୟ ଦୂର ହୋଇଥାଏ। ତେବେ ଆସନ୍ତୁ ଜାଣିବା ଏହି ମନ୍ତ୍ର ବିଷୟରେ..

“ନମଃ ଶିବାୟ” ଏହି ମନ୍ତ୍ରଟି ହେଉଛି ଶିବ ପଞ୍ଚାକ୍ଷର ମନ୍ତ୍ର ଏବଂ “ଓଁ ନମଃ ଶିବାୟ” ଏହି ମନ୍ତ୍ରଟି ହେଉଛି ଷଡ଼କ୍ଷାର ମନ୍ତ୍ର । ପ୍ରତ୍ୟେକ ଶିବ ଭକ୍ତ ଏହି ମନ୍ତ୍ରର ନିରନ୍ତର ଉଚ୍ଚାରଣ କରିଥାନ୍ତି । କୁହାଯାଏ ଏହି ମନ୍ତ୍ର ଜପ କଲେ ସର୍ବ ପାପ କ୍ଷୟ ହୋଇଥାଏ ।

ଦୂର ହେବ ଅକାଳମୃତ୍ୟୁ ଭୟ:
-ଅକାଳମୃତ୍ୟୁ ଭୟ ରହୁଥିଲେ ପ୍ରତି ଶନିବାର ଦିନ ଅଶ୍ୱସ୍ଥ ବୃକ୍ଷକୁ ସ୍ପର୍ଶ କରି ଶିବ ପଞ୍ଚାକ୍ଷରୀ ମନ୍ତ୍ରକୁ ୧୧ ଥର ଜପିଲେ ଏହି ଭୟ ନାଶ ହୁଏ ବୋଲି ଶାସ୍ତ୍ରରେ ଲେଖା ରହିଛି ।
-ସୂର୍ଯ୍ୟପରାଗ ଓ ଚନ୍ଦ୍ରଗ୍ରହଣ ସମୟରରେ ଏହି ପଞ୍ଚାକ୍ଷରୀ ମନ୍ତ୍ର କୁ ଶିବଙ୍କୁ ଧ୍ୟାନ କରି ୧ଲକ୍ଷ ଥର ଜପ କଲେ ସମସ୍ତ ମନୋବାଞ୍ଛା ପୂର୍ଣ୍ଣ ହୋଇଥାଏ ।
-ବିଦ୍ୟା ଓ ଲକ୍ଷ୍ମୀ ପ୍ରାପ୍ତି ପାଇଁ ଶିବ ପଞ୍ଚାକ୍ଷର ମନ୍ତ୍ରକୁ ୧୧ ଥର ଜପ କରି ଆଞ୍ଜୁଳିରେ ପାଣି ନେଇ ଶିବଲିଂଗରେ ଅଭିଷେକ କରନ୍ତୁ ।
-ପ୍ରତିଦିନ ୧୦୮ ଥର ଶିବ ପଞ୍ଚାକ୍ଷରୀ ମନ୍ତ୍ର ଜପ କରି ସୂର୍ଯ୍ୟଙ୍କୁ ଜଳ ଚଢ଼େଇଲେ ଦୀର୍ଘଦିନର ପୁରାତନ ରୋଗରୁ ଉପଶମ ମିଳିବା ସହ ଆରୋଗ୍ୟ ପ୍ରାପ୍ତ ହୁଏ ।
-ଏହି ମନ୍ତ୍ର କୁ ପୂର୍ବ ବା ଉତ୍ତର ଦିଗକୁ ମୁଖକରି ପ୍ରତିଦିନ ୧୦୮ ଥର ରୁଦ୍ରାକ୍ଷ ମାଳାରେ ଜପ କଲେ କୋଟି ପୁଣ୍ୟ ମିଳେ।