ଫାଇନାଲରେ ଧମାକାଦାର ଏଣ୍ଟ୍ରି ମାରିଲେ ସିନ୍ଧୁ: ଜାପାନକୁ ହରାଇବା ପରେ ଭାରତର ବଢିଲା ମେଡାଲ ଆଶା
ନୂଆଦିଲ୍ଲୀ: ସିଙ୍ଗାପୁର ଓପନ-୨୦୨୨ରେ ଗୋଟିଏ ପରେ ଗୋଟିଏ ପାହାଚ ଚଢି ଚାଲିଛନ୍ତି ଭାରତର ଷ୍ଟାର ପ୍ଲେୟର ପିଭି ସିନ୍ଧୁ । ଜାପାନର ସାୟନା କାବାକାମୀଙ୍କୁ ହରାଇ ସେ ଏବେ ଫାଇନାଲକୁ ଏଣ୍ଟ୍ରି କରିଛନ୍ତି । ଏହି ବିଜୟ ପରେ ଭାରତର ମେଡାଲ ଆଶା ଆହୁରି ବଢି ଯାଇଛି । ଇଣ୍ଡିଆନ ଷ୍ଟାର ବ୍ୟାଡ ମିଣ୍ଟନ ପ୍ଲେୟର ସାଇନା ଏବଂ ପ୍ରଣୟ ଟୁର୍ଣ୍ଣାମେଣ୍ଟରୁ ବାଦ ପଡିବା ପରେ ଏବେ ଦେଶକୁ ମେଡାଲ ଆଣିବା ପାଇଁ ସିନ୍ଧୁଙ୍କ ଉପରେ ରହିଛି ନଜର ।
🇮🇳🏸 IN MINT FORM! PV Sindhu thunders into the final the Singapore Open 2022 – her 1st Super 500 final this year 🙌🏼#PVSindhu #SingaporeOpen2022 #SingaporeOpenSuper500 #BWF #BadmintonIndia #TeamIndia #BharatArmy pic.twitter.com/f0RkPTdAIs
— The Bharat Army (@thebharatarmy) July 16, 2022
ପ୍ରଥମରୁ ହିଁ ଜାପାନ ଖେଳାଳିଙ୍କ ଉପରେ ଭାରୀ ପଡିଥିଲେ ସିନ୍ଧୁ । ସାଇନା କାବାକାମୀଙ୍କଠାରୁ ପ୍ରଥମରୁ ଆଗୁଆ ରହିବାର ଫାଇଦା ସେ ଶେଷରେ ପାଇଥିଲେ । ଗୋଟିଏ ସମୟରେ ୧୧-୮ରେ ଆଗୁଆ ରହିଥିବା ବେଳେ ସର୍ଭିସ ଏବଂ କ୍ରସ କୋର୍ଟର ଦମଦାର ଖେଳ ଦେଖାଇ ସିନ୍ଧୁଙ୍କ ବରାବର ପହଞ୍ଚିଥିଲେ । ଏହାପରେ ଉଭୟଙ୍କ ମଧ୍ୟରେ ଗୋଟିଏ ଅଙ୍କ ପାଇଁ କଡା ମୁକାବିଲା ଦେଖିବାକୁ ମିଳିଥିଲା । କିନ୍ତୁ ସିନ୍ଧୁ ନିଜ ଅଭିଜ୍ଞତାର ଫାଇଦା ଉଠାଇଥିଲେ । ପ୍ରଥମ ଗେମକୁ ୨୧-୧୫ରେ ବିଜୟୀ ହୋଇଥିଲେ ପିଭି ସିନ୍ଧୁ ।
Finals it is! @Pvsindhu1 ! ✨
No. 3️⃣ seed @Pvsindhu1 🇮🇳 def. #Kawakami 🇯🇵 21-15, 21-7 to advance to the WS #Final of #SingaporeOpen2022! 🔥#IndiaontheRise #Singapore #Badminton #pvsindhu #Badminton #India #sports #twitter pic.twitter.com/iVlfNWkhyI
— Trupti Murgunde (@TMurgunde) July 16, 2022
ସେହିପରି ଦ୍ୱିତୀୟ ଗେମରେ ଏହି ଧାରାକୁ ବଜାୟ ରଖିବା ସହ ସାଇନାଙ୍କୁ କମବ୍ୟାକ କରିବା ପାଇଁ ସିନ୍ଧୁ କୌଣସି ସୁଯୋଗ ଦେଇ ନଥିଲେ । ୫-୦ରେ ଆଗୁଆ ରହିଥିବା ବେଳେ ଗେମ ଏକଦା ୯-୩ରେ ପହଞ୍ଚିଥିଲା ଏବଂ ପରେ ୨୧-୭ରେ ଏହି ଗେମକୁ ମଧ୍ୟ ନିଜ ନାମରେ କରିଥିଲେ ଇଣ୍ଡିଆନ ଷ୍ଟାର । ଏଥିସହିତ ଜାପାନକୁ ମାତ ଦେଇ ଫାଇନାଲରେ ପାଦ ଥାପିଛନ୍ତି ସିନ୍ଧୁ । ତେବେ ଫାଇନାଲ ଟିକେଟ ସିନ୍ଧୁଙ୍କୁ ମିଳିବା ପରେ ଭାରତର ମେଡାଲ ଆଶା ଆହୁରି ବଢିଯାଇଛି ।
FINALS FOR SINDHU 🔥👑@Pvsindhu1 puts up exemplary performance to comfortably beat 🇯🇵's S Kawakami 21-15, 21-7 in just 31 minutes and cruise through to the summit clash of #SingaporeOpen2022 ✅
Go for 🥇 champ!#SingaporeOpenSuper500#IndiaontheRise#Badminton pic.twitter.com/douunXYItC
— BAI Media (@BAI_Media) July 16, 2022
ସେମି ଫାଇନାଲ ପୂର୍ବରୁ କ୍ୱାର୍ଟରରେ ବିଶ୍ୱର ୧୯ତମ ଖେଳାଳି ହାନ ୟୁ’ଙ୍କୁ ୧୭-୨୧-୨୧-୧୧ ଏବଂ ୨୧-୧୯ରେ ହରାଇ ସେମିଫାଇନାଲକୁ ପ୍ରବେଶ କରିଥିଲେ । ଏକ ଘଣ୍ଟା ୨ ମିନିଟ ପର୍ଯ୍ୟନ୍ତ ଚାଲିଥିବା ଏହି ମ୍ୟାଚରେ ଉଭୟଙ୍କ ମଧ୍ୟରେ କଡା ମୁକାବିଲା ଦେଖିବାକୁ ମିଳିଥିଲା । ତେବେ ଶେଷରେ ସିନ୍ଧୁ ଏହି ମ୍ୟାଚ ଜିତି ସେମିରେ ମାରିଥିଲେ ଦମଦାର ଏଣ୍ଟ୍ରି । ଅନ୍ୟ ପକ୍ଷରେ ଜାପାନର କାବାକାମୀ କ୍ୱର୍ଟର ଫାଇନାଲରେ ଥାଇଲାଣ୍ଡର ପର୍ଣ୍ଣପାବି ଚୋଚ୍ୟୁଙ୍ଗଙ୍କ ଉପରେ ବିଜୟ ପ୍ରାପ୍ତ କରି ଫାଇନାଲକୁ ଆସିଥିଲେ ।
