Video : ଦିଲ୍ଲୀ ଷ୍ଟେସନରୁ ଛାଡିବା ମାତ୍ରେ ସୁହେଲଦେବ ଏକ୍ସପ୍ରେସର ବିଦ୍ୟୁତ କାଟ, ରାଗରେ ଯାତ୍ରୀମାନେ TTE କୁ ଶୌଚାଳୟରେ କଲେ ବନ୍ଦ
ନୂଆଦିଲ୍ଲୀ : ଶୁକ୍ରବାରକୁ ସୁହେଲଦେବ ଏକ୍ସପ୍ରେସରେ ଏକ ଆଶ୍ଚର୍ଯ୍ୟ ଜନକ ଘଟଣା ସାମ୍ନାକୁ ଆସିଥିଲା । ରେଳଟି ଦିଲ୍ଲୀର ଆନନ୍ଦ ବିହାର ଟର୍ମିନାଲ ରୁ ଗାଜିପୁରକୁ ଯାତ୍ରା କରୁଛି । ରେଳଟି ଷ୍ଟେସନରୁ ଛାଡିବା ପରେ ପରେ ୨ଟି ବଗିର ବିଦ୍ୟୁତ କାଟ ହୋଇଥିଲା । ଏନେଇ ଯାତ୍ରୀ ରାଗି ଟିଟିଇକୁ ରଏଳର ଶୌଚାଳୟରେ ବନ୍ଦ କରିଦେଲେ ।
ପିଟିଆଇର ରିପୋର୍ଟ ଅନୁସାରେ, ଏହି ଘଟଣାଟି ଶୁକ୍ରବାର ଅର୍ଥାତ ଗତକାଲି ଘଟିଥିଲା, ଯେତେବେଳେ କି ରେଳଟି ଦିଲ୍ଲୀର ଆନନ୍ଦ ବିହାର ଟର୍ମିନାଲ ରୁ ଗାଜିପୁରକୁ ଯାତ୍ରା କରୁଥିଲା । ଯେତେବେଳେ ରେଳଟି ଆନନ୍ଦ ବିହାର ଟର୍ମିନାଲ ଷ୍ଟେସନରୁ ବାହାରିଲା, ସେତେବେଳେ ତୁରନ୍ତ ବି୧ ଏବଂ ବି୨ କୋଚରୁ ବିଜୁଳି ପଳାଇଲା ଏହା ସହ ଏସି ମଧ୍ୟ ବନ୍ଦ ହୋଇଯାଇଥିଲା । ଏନେଇ ଯାତ୍ରୀମାନେ ଅଭିଯୋଗ କରିବା ପାଇଁ ଟିଟିଇ ପାଖକୁ ଯାଇଥିଲେ । କିନ୍ତୁ ପରବର୍ତ୍ତୀ ସମୟରେ ଯାତ୍ରୀ ରାଗିଯାଇ ସେଠାରେ ପାଟିତୁଣ୍ଡ କରି ଟିଟିଇକୁ ଶୌଚାଳୟରେ ବନ୍ଦ କରି ଦେଇଥିଲେ । ଏହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି ।
VIDEO | Due to a power failure in B1 and B2 coaches, the angry passengers created a ruckus and locked the TTE in the toilet in the Suhaildev Superfast Express going from Anand Vihar Terminal to Ghazipur on Friday. Soon after the departure of the train from Anand Vihar Terminal,… pic.twitter.com/cr1pIk5KSX
— Press Trust of India (@PTI_News) August 11, 2023
ଏହାପରେ ରେଳ ଟୁଣ୍ଡଲା ଷ୍ଟେସନରେ ପହଞ୍ଚି ଆରପିଏଫ ଏବଂ ରେଳ କର୍ମଚାରୀମାନେ ଯାତ୍ରୀଙ୍କୁ ଶାନ୍ତ କରିଲେ ଏବଂ ଆଶ୍ୱସନା ଦେଲେ ଯେ ବିଦ୍ୟୁତ କାଟର ସମସ୍ୟା ଶୀଘ୍ର ଠିକ କରାଯିବ । ଏହା ବ୍ୟତୀତ ଟିଟିଇକୁ ମଧ୍ୟ ସେଠାରୁ ଉଦ୍ଧାର କରାଯାଇଥିଲା ।
