ଶନିବାର ୪ ଘଣ୍ଟା ବନ୍ଦ ରହିବ ସୂର୍ଯ୍ୟ ମନ୍ଦିର, ସିଙ୍ଗାପୁର ରାଷ୍ଟ୍ରପତିଙ୍କ ଗସ୍ତକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡ଼ାକଡ଼ି

ଆସନ୍ତାକାଲି କୋଣାର୍କ ସୂର୍ଯ୍ୟମନ୍ଦିର ପରିଦର୍ଶନ କରିବେ ସିଙ୍ଗାପୁର ରାଷ୍ଟ୍ରପତି। ଅପରାହ୍ନରେ ଅନ୍ଧାରୁଆରେ ଥିବା ଭାରତ ବାୟୋଟେକର ଟିକା ପ୍ରସ୍ତୁତ କେନ୍ଦ୍ର ପରିଦର୍ଶନ କରି ଅଧିକାରୀମାନଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି।

ସିଙ୍ଗାପୁର ରାଷ୍ଟ୍ରପତିଙ୍କ ଭୁବନେଶ୍ବର ଗସ୍ତକୁ ନଜରରେ ରଖି ଆଜି ଓ ଆସନ୍ତାକାଲି ପାଇଁ କମିଶନରେଟ ପୋଲିସ ଟ୍ରାଫିକ୍ କଟକଣା ଜାରି କରିଛି।

ଏୟାରପୋର୍ଟ ଛକ, ଏଜି, ରାଜଭବନ, ଓୟୁଏଟି ଓ ରାଜଭବନ ଛକ ପାଇଁ କଟକଣା ଜାରି ହୋଇଛି। ସେହିପରି ଡେଲ୍ଟା ଛକ, ଫାୟାର ଷ୍ଟେସନ, ବରମୁଣ୍ଡା ଫ୍ଲାଏ ଓଭର ପାଇଁ ମଧ୍ୟ କଟକଣା ଜାରି କରାଯାଇଛି।

ଖଣ୍ଡଗିରି ଫ୍ଲାଏ ଓଭର, କସ୍ମୋପଲିସ ଛକ, ଡୁମଡୁମା ଅଣ୍ଡରପାସ୍ ପାଇଁ ମଧ୍ୟ ଏହି ସମୟରେ କଟକଣା ରହିବ। ସକାଳ ୧୦ଟା ୫୦ରୁ ୧୧ଟା ୪୦, ପୁଣି ୨ଟା ୪୦ରୁ ୩ଟା ୨୦ କଟକଣା ରହିବ।