ବୃଦ୍ଧଙ୍କୁ ମାଡ଼ମାରି କାଟିଦେଲେ ଦାଢ଼ି; ନେହୁରା ହେଲେ ବି ଶୁଣିଲେନି ଅଭିଯୁକ୍ତ….
ଦିଲ୍ଲୀ: ଦିଲ୍ଲୀ ନିକଟରେ ଥିବା ଗାଜିଆବାଦର ଲୋନିରେ ସଂଖ୍ୟାଲଘୁ ବର୍ଗର ବୃଦ୍ଧଙ୍କୁ ପ୍ରହାର କରୁଥିବାର ଏକ ଭିଡିଓ ଭାଇରାଲ ହେବାରେ ଲାଗିଛି । ପୀଡିତ ବୃଦ୍ଧ ଜଣଙ୍କ ନାମ ଅବଦୁଲ ସମଦା ଅଭିଯୁକ୍ତ କେବଳ ବୃଦ୍ଧଙ୍କୁ ଜୋରରେ ପିଟିବା ସହ ତାଙ୍କ ଦାଢି ମଧ୍ୟ କାଟି ଦେଇଥିଲେ । ଏହି ସମୟରେ ବୃଦ୍ଧ ଜଣଙ୍କ ହାତ ଯୋଡି ନିବେଦନ କରିଥିଲେ ମଧ୍ୟ ଶୁଣି ନଥିଲେ ଓଲଟି ତାଙ୍କୁ ମାଡ଼ ମାରି ଚାଲିଥିଲେ ।
କେବଳ ଏତିକି ନୁହେଁ ଅଭିଯୁକ୍ତ ଜଣଙ୍କ ଏହି ଘଟଣାର ଏକ ଭିଡିଓ ପ୍ରସ୍ତୁତ କରି ଏହାକୁ ଭାଇରାଲ କରିଥିଲେ । ଭିଡିଓରେ ସ୍ପଷ୍ଟ ଦେଖାଯାଉଛି ଯେ ପୀଡିତ ବୃଦ୍ଧ ଜଣଙ୍କ ଏକ ଖଟ ଉପରେ ବସିଛନ୍ତି ଓ ତାଙ୍କୁ ଦୁଇ ଜଣ ଘେରି ରହିଛନ୍ତି । ଦେଖିବାକୁ ମିଳୁଛି ଯେ ଜଣେ ଯୁବକଙ୍କର ହାତରେ ଏକ କଇଞ୍ଚି ଅଛି । ସେହି ସମୟରେ ଆଉ ଜଣେ ଯୁବକ ବାର ବାର ତାଙ୍କୁ ଚାପୁଡା ମାରୁଛି । ସେତେବେଳେ ପ୍ରଥମ ଯୁବକ ଜଣଙ୍କ ସେହି ସମୟରେ ତାଙ୍କ ଦାଢ଼ି କାଟି ଦେଉଛି ।
ଅଭିଯୁକ୍ତ ଜଣଙ୍କ ତାଙ୍କୁ ପାକିସ୍ତାନର ଗୁପ୍ତଚର କହି ମାଡ ମାରିଥିଲେ । ଏହି ଭିଡିଓ ଭାଇରାଲ ହେବା ପରେ ଲୋନି ପୋଲିସ୍ ଏକ ମାମଲା ରୁଜୁ କରି ମୁଖ୍ୟ ଅଭିଯୁକ୍ତ ପ୍ରଭେଶ ଗୁଜରାଙ୍କୁ ଗିରଫ କରିଥିଲା । ଏହି ଘଟଣା ୫ ଜୁନର ହୋଇଥିବା ବେଳେ ବୁଲନ୍ଦ ସହରରେ ରହୁଥିବା ବାସିନ୍ଦା ଅବଦୁଲ ସମଦା ଲୋନି ଆସି ଏକ ମସଜିଦ୍ ଯିବାକୁ ଅଟୋରେ ବସିଥିଲେ । ପରେ ତାଙ୍କୁ ନେଇ ପ୍ରଥମେ ପିଟିଥିଲେ ଏବଂ କଇଞ୍ଚି ସାହାର୍ଯ୍ୟରେ ଦାଢି କାଟିଥିଲେ ।
ଲୋନିର ସିଓ ଅତୁଲ କୁମାର ସୋନକର କହିଛନ୍ତି କି ବାକି ଅଭିଯୁକ୍ତଙ୍କୁ ଖୋଜା ଚାଲିଛି । ଭାଇରାଲ ଭିଡିଓ ସମ୍ପର୍କରେ ବୃଦ୍ଧଙ୍କର ଅଭିଯୋଗ ଲୋନି ବର୍ଡରରେ ପଞ୍ଜିକୃତ ହୋଇସାରିଛି । ମୁଖ୍ୟ ଅଭିଯୁକ୍ତ ବର୍ତ୍ତମାନ ଜେଲରେ ରହିଛି ।
उक्त वीडियो वायरल के संबंध में पीड़ित की तहरीर पर पूर्व में ही अभियोग थाना लोनी बॉर्डर पर पंजीकृत है मुख्य अभियुक्त वर्तमान में जेल में निरुद्ध है अन्य अभियुक्त गण की शीघ्र गिरफ्तारी कर प्रकरण में आगे की कार्रवाई की जाएगी । बाइट सीओ लोनी pic.twitter.com/1EeZ6h6RUO
— GHAZIABAD POLICE (@ghaziabadpolice) June 14, 2021