ସେପ୍ଟେମ୍ବର ୨୨ରୁ ବନ୍ଦ ହୋଇଯିବ ଏହି ବ୍ୟାଙ୍କ: RBI ବାତିଲ କଲା ଲାଇସେନ୍ସ

ନୂଆଦିଲ୍ଲୀ: ଆରବିଆଇ ଏପର୍ଯ୍ୟନ୍ତ ଅନେକ ବ୍ୟାଙ୍କ ଏବଂ ଆର୍ଥିକ ଅନୁଷ୍ଠାନର ଲାଇସେନ୍ସ ବାତିଲ କରିଛି । ଏଥି ସହିତ ନିକଟରେ ଆରବିଆଇ ଆଉ ଏକ ବ୍ୟାଙ୍କର ଲାଇସେନ୍ସକୁ ବାତିଲ କରିଛି, ଯାହା ଫଳରେ ବ୍ୟାଙ୍କକୁ ଏହି ମାସରୁ ନିଜ ବ୍ୟବସାୟ ବନ୍ଦ କରିବାକୁ ପଡିବ ।

ବାସ୍ତବରେ, ଅଗଷ୍ଟରେ ପୁଣେ ସ୍ଥିତ ରୂପି ସହାକାରି ବ୍ୟାଙ୍କ ଲିମିଟେଡର ଲାଇସେନ୍ସ ବାତିଲ କରିବାକୁ ଆରବିଆଇ ନିଷ୍ପତ୍ତି ନେଇଥିଲା । ଆରବିଆଇର ଏହି ନିଷ୍ପତ୍ତି ପରେ ୨୨ ସେପ୍ଟେମ୍ବରରୁ ଏହି ବ୍ୟାଙ୍କର ବ୍ୟାଙ୍କିଂ ସେବା ବନ୍ଦ ରହିବ ।

ଆରବିଆଇ ଅନୁଯାୟୀ ବ୍ୟାଙ୍କ ୨୨ ସେପ୍ଟେମ୍ବରରୁ ନିଜର ବ୍ୟବସାୟ ବନ୍ଦ କରିବ । ଏଭଳି ପରିସ୍ଥିତିରେ ଗ୍ରାହକ ଟଙ୍କା ଜମା କରିପାରିବେ ନାହିଁ କିମ୍ବା ଟଙ୍କା ଉଠାଇ ପାରିବେ ନାହିଁ । ତେବେ ରୁପି କୋ-ଅପରେଟିଭ୍ ବ୍ୟାଙ୍କର ବ୍ୟାଙ୍କିଂ ଲାଇସେନ୍ସ ବାତିଲ ହୋଇଛି, କାରଣ ବ୍ୟାଙ୍କର ପର୍ଯ୍ୟାପ୍ତ ପୁଞ୍ଜି ଏବଂ ରୋଜଗାରର ଆଶା ନାହିଁ ।