ବ୍ରେକ୍ ଫେଲ୍ ହେବାରୁ ଦୁର୍ଘଟଣାର ଶିକାର ହେଲେ ବଲିଉଡର ଏହି ଅଭିନେତ୍ରୀ: ଗୋଡ଼ରେ ଲାଗିଛି ଗଭୀର ଆଘାତ
ମୁମ୍ବାଇ: ବଲିଉଡରେ ନିଜର ଗ୍ଲାମରସ ଅଭିନୟ ପାଇଁ ଲୋକପ୍ରିୟତା ହାସଲ କରିଥିବା ଅଭିନେତ୍ରୀ ତନୁଶ୍ରୀ ଦତ୍ତା ନିକଟରେ ଏକ ଦୁର୍ଘଟଣାର ଶିକାର ହୋଇଛନ୍ତି । ଏକ ସମୟରେ ତନୁଶ୍ରୀ ବଲିଉଡର ଜଣାଶୁଣା ଅଭିନେତ୍ରୀଙ୍କ ମଧ୍ୟରେ ସାମିଲ ଥିଲେ, ଅବଶ୍ୟ ପରେ ସେ ଇଣ୍ଡଷ୍ଟ୍ରିରୁ ନିଜକୁ ଦୂରେଇ ରଖିଥିଲେ । ଦେଖିବାକୁ ଗଲେ ତନୁଶ୍ରୀ ଇଣ୍ଡଷ୍ଟ୍ରିରୁ ଦୂରେଇ ଗଲେ ବି ସୋସିଆଲ ମିଡିଆ ଠାରୁ ଦୂରେଇ ନାହାଁନ୍ତି ।
ନିକଟରେ ଏକ ପୋଷ୍ଟ ସେୟାର କରି ତନୁଶ୍ରୀ ଦୁର୍ଘଟଣାର ଖବର ସେୟାର କରିଛନ୍ତି । ମହାକାଳ ଦର୍ଶନ ପାଇଁ ଯାଉଥିବା ସମୟରେ ତନୁଶ୍ରୀ ଦତ୍ତାଙ୍କର ଦୁର୍ଘଟଣା ହୋଇଥିଲା । ସୋସିଆଲ ମିଡିଆରେ ପୋଷ୍ଟ ସେୟାର କରି ଅଭିନେତ୍ରୀ ନିଜ ଦୁର୍ଘଟଣା ବିଷୟରେ କହିଛନ୍ତି ।
ଏହା ପଛର କାରଣ ବର୍ଣ୍ଣନା କରି ତନୁଶ୍ରୀ କହିଛନ୍ତି ଯେ, ଗାଡ଼ିର ବ୍ରେକ୍ ଫେଲ୍ ହେବା କାରଣରୁ ସେ ଦୁର୍ଘଟଣାର ଶିକାର ହୋଇଥିଲେ । ଫଟୋ ଦେଖି ଏହା ସ୍ପଷ୍ଟ ଯେ ଅଭିନେତ୍ରୀଙ୍କର ଆଣ୍ଠୁରେ ଗଭୀର ଆଘାତ ଲାଗିଛି । ଏହି ଘଟଣା ବିଷୟରେ ଜାଣିବା ପରେ ତାଙ୍କ ପ୍ରଶଂସକ ଏବଂ ଘନିଷ୍ଠ ବନ୍ଧୁମାନେ ଚିନ୍ତିତ ଅଛନ୍ତି । ତନୁଶ୍ରୀଙ୍କ ପୋଷ୍ଟରେ କମେଣ୍ଟ ଦେଇ ତାଙ୍କୁ ଶୀଘ୍ର ସୁସ୍ଥ ହେବାକୁ କାମନା କରୁଛନ୍ତି । ତେବେ ୨୦୦୫ ମସିହାରେ ତନୁଶ୍ରୀ ଦତ୍ତା ତାଙ୍କ ବଲିଉଡରେ ଡେବ୍ୟୁ କରିଥିଲେ ।
View this post on Instagram
