୧,୦୦,୦୦୦ ପାର୍ କଲା ସୁନା ଭରି, ଆଗକୁ ଆହୁରି ବଢ଼ିବ ଦାମ୍

ନୂଆଦିଲ୍ଲୀ: ସୋମବାର ଘରୋଇ ଫ୍ୟୁଚର୍ସ ବଜାର (MCX) ରେ ସୁନା ମୂଲ୍ୟ ଏକ ନୂତନ ରେକର୍ଡ ସୃଷ୍ଟି କରିଛି। ଦିନର ପ୍ରଥମାର୍ଦ୍ଧରେ ଅଗଷ୍ଟ ଡେଲିଭରି ପାଇଁ ସୁନାର ମୂଲ୍ୟ ପ୍ରତି ୧୦ ଗ୍ରାମ ପିଛା ୧,୦୧,୦୭୮ ଟଙ୍କାରେ ପହଞ୍ଚିଥିଲା।

କିନ୍ତୁ, ଏହା କିଛି ସମୟ ପରେ କମି ପ୍ରାୟ ୧,୦୦,୨୯୦ ଟଙ୍କାରେ ପହଞ୍ଚିଥିଲା। ଇସ୍ରାଏଲ ଏବଂ ଇରାନ ମଧ୍ୟରେ ବଢ଼ୁଥିବା ସାମରିକ ଉତ୍ତେଜନା ଯୋଗୁଁ ଏହି ବୃଦ୍ଧି ଦେଖାଯାଇଥିଲା, ଯାହା ସାରା ବିଶ୍ୱରେ ନିରାପଦ ସ୍ଥାନର ଚାହିଦା ବୃଦ୍ଧି କରିଥିଲା।

କାହିଁକି ବୃଦ୍ଧି ପାଇଲା

ଇସ୍ରାଏଲ ଇରାନ ବିରୁଦ୍ଧରେ ନୂତନ ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରିଛି, ଯାହା ଫଳରେ ପଶ୍ଚିମ ଏସିଆରେ ଏକ ବ୍ୟାପକ ଯୁଦ୍ଧର ଆଶଙ୍କା ଦେଖାଦେଇଛି। ଆମେରିକା ମଧ୍ୟ ସମ୍ଭାବ୍ୟ ହସ୍ତକ୍ଷେପ ବିଷୟରେ ଚେତାବନୀ ଦେଇଛି ଏବଂ ଇସ୍ରାଏଲ ଏକ ଜରୁରୀକାଳୀନ ପରିସ୍ଥିତି ଘୋଷଣା କରିଛି।

ବିଶ୍ୱବ୍ୟାପୀ ନିବେଶକଙ୍କ ମାତରେ ଏହି ଯୁଦ୍ଧ ଆଗାମୀ ସମୟରେ ସେୟାର ବଜାରକୁ ପ୍ରଭାବିତ କରିପାରେ। ଏହି କାରଣରୁ ନିବେଶକମାନେ ସୁନାରେ ସେମାନଙ୍କର ଟଙ୍କା ନିବେଶ କରୁଛନ୍ତି, ଯାହାକୁ ଏକ ନିରାପଦ ସ୍ଥାନ କୁହାଯାଏ।

ଏହା ପ୍ରଥମ ଥର ନୁହେଁ ଯେତେବେଳେ ଦୁଇ ଦେଶ ମଧ୍ୟରେ ବଢ଼ୁଥିବା ଉତ୍ତେଜନା ଯୋଗୁଁ ସୁନା ଦାମ ବୃଦ୍ଧି ପାଇଛି। ପୂର୍ବରୁ, ଭାରତ ପାକିସ୍ତାନ ଉତ୍ତେଜନା, ରୁଷ-ୟୁକ୍ରେନ ଯୁଦ୍ଧ ଏବଂ ଆମେରିକା- ଚୀନ ମଧ୍ୟରେ ଚାଲିଥିବା ଶୁଳ୍କ ଯୁଦ୍ଧରେ ସୁନା ଦର ବଢ଼ିଥିଲା।

ଅନ୍ୟପକ୍ଷରେ, ଆମେରିକୀୟ ମୁଦ୍ରାସ୍ଫୀତି ତଥ୍ୟ (CPI) ସ୍ଥିର ହେବା ସତ୍ତ୍ୱେ, ଇରାନ ଏବଂ ଆମେରିକା ମଧ୍ୟରେ ପରମାଣୁ ଆଲୋଚନା ଭାଙ୍ଗିବାର ଆଶଙ୍କା ରହିଛି, ଯାହା ସୁନା ମୂଲ୍ୟ ବଢାଇବାର ଆଶଙ୍କା ବଢ଼ାଇ ଦେଇଛି ।