(Video) ଏତେବଡ଼ ଦୁର୍ଘଟଣା ପାଇଁ ଦାୟୀ କିଏ? ମୁହାଁମୁହିଁ ଧକ୍କା ହେଲେ ଦୁଇଟି ହେଲିକପ୍ଟର
ନୂଆଦିଲ୍ଲୀ: ଅନେକ ସମୟରେ ସୋସିଆଲ ମିଡ଼ିଆରେ ସଡ଼କ ଦୁର୍ଘଟଣା ଓ ଅନ୍ୟାନ୍ୟ ଘଟଣାର ଭିଡିଓ ଭାଇରାଲ ହେଉଥିବାର ଦେଖାଯାଇଥାଏ । ତେବେ ଆପଣମାନେ କେବେ ହେଲିକପ୍ଟର ଦୁର୍ଘଟଣା ଦେଖିଛନ୍ତି କି । ଦୁଇଟି ହେଲିକପ୍ଟର ପରସ୍ପର ସହ ଧକ୍କା ହେବାର ଏକ ଭୟଙ୍କର ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।
ତେବେ ଦୁଇଟି ହେଲିକପ୍ଟର ପରସ୍ପର ସହ ଧକ୍କାର ଭିଡିଓଟି ବର୍ତ୍ତମାନ ସୋସିଆଲ ମିଡ଼ିଆରେ ବହୁମାତ୍ରାରେ ଭାଇରାଲ ହେବାରେ ଲାଗିଛି । ବର୍ତ୍ତମାନ ସୁଦ୍ଧା ୧୫ ସେକେଣ୍ଡର ଏହି ଭିଡିଓକୁ ୨ ଲକ୍ଷ ୩୫ ହଜାର ଭ୍ୟୁଜ୍ ମିଳିସାରିଲାଣି । ଅନେକ ସମୟରେ ପାଇଲଟଙ୍କ ସାମାନ୍ୟ ଅସାବଧାନତା କାରଣରୁ ହେଲିକପ୍ଟର ନଷ୍ଟ ହେବା ସହ ଯାତ୍ରୀମାନେ ଅକାଳରେ ପ୍ରାଣ ହରାଇଥାନ୍ତି ।
ତେବେ ଭିଡିଓରେ ଦେଖାଯାଉଛି, ଗୋଟିଏ ହେଲିକପ୍ଟର ଉଡ଼ାଣ ଭରିବାକୁ ପ୍ରସ୍ତୁତ ହେଉଥିବା ସମୟରେ ଠିକ୍ ସେତିକି ବେଳେ ଅନ୍ୟ ଏକ ହେଲିକପ୍ଟର ଲ୍ୟାଣ୍ଡିଂ କରିଥିଲା । ଦ୍ୱିତୀୟ ହେଲିକପ୍ଟରଟି ପ୍ରଥମ ହେଲିକପ୍ଟରର ଅତି ନିକଟରେ ଲ୍ୟାଣ୍ଡିଂ କରିବାକୁ ପ୍ରୟାସ କରିଥିଲା । ଏହା ଫଳରେ ଦୁଇଟି ଯାକ ହେଲିକପ୍ଟର ପରସ୍ପର ସହ ଧକ୍କା ହୋଇ ଖଣ୍ଡ ବିଖଣ୍ଡିତ ହୋଇଯାଇଥିଲେ । ଏହି ଭୟଙ୍କର ଦୁର୍ଘଟଣାରୁ ହେଲିକପ୍ଟର ନିକଟରେ ଛିଡ଼ା ହୋଇଥିବା ଜଣେ ଯୁବକ ସହଜରେ ବର୍ତ୍ତି ଯାଇଥିଲେ । ସାଧାରଣ ଭାବେ ଏପରି ବଡ଼ଧରଣର ଦୁର୍ଘଟଣାରେ କେହି ବଞ୍ଚି ନଥାନ୍ତି ।
A helicopter landing pic.twitter.com/FjbGrHy90O
— Dash Cam Twats (@DashCamTwats) July 20, 2022
