ପରଦାରେ ଏକାଠି ନଜର ଆସିବେ ଆକ୍ଟିଂର ପାୱାର ହାଉସ୍: ଏହି ତାରିଖରେ ରିଲିଜ୍ ହେବ କ୍ରାଇମ ଥ୍ରିଲର ଜଲସା

ମୁମ୍ବାଇ: ବଲିଉଡ ଫିଲ୍ମ ଇଣ୍ଡଷ୍ଟ୍ରିରେ କାମ କରୁଥିବା ହିରୋଇନ ମାନଙ୍କ ମଧ୍ୟରେ ରହିଛନ୍ତି ଭର୍ସାଟାଇଲ ଆକ୍ଟ୍ରେସ ବିଦ୍ୟାବାଲାନ । ସବୁ ଚରିତ୍ରକୁ ନିଆରା ଅଭିନୟରେ ଦର୍ଶକଙ୍କ ପାଖରେ ପହଂଚାଇ ପାରିଛନ୍ତି । ଅନେକ ଫିଲ୍ମରେ ନିଜ ଅଭିନୟରେ ଲୋକଙ୍କ ହୃଦୟ ଜିତିପାରିଛନ୍ତି ଏବଂ ପୁଣି ଥରେ ନିଜ ଫିଲ୍ମ ଜଲସା ଜରିଆରେ ଫ୍ୟାନଙ୍କ ମଧ୍ୟରେ ରାଜ କରିବା ପାଇଁ ପ୍ରସ୍ତୁତ ହୋଇସାରିଛନ୍ତି । ରିଲିଜ ହୋଇଛି ଫିଲ୍ମ ଜଲସାର ଟିଜର । ଏହି ଫିଲ୍ମରେ ବିଦ୍ୟାଙ୍କ ବ୍ୟତୀତ ଅଭିନେତ୍ରୀ ସେଫାଲୀ ଶାହା ମୁଖ୍ୟ ଚରିତ୍ରରେ ନଜର ଆସିଛନ୍ତି । ଟିଜରରେ ଆପଣ ବିଦ୍ୟା ବାଲାନ ଏବଂ ସେଫାଲୀ ଶାହାଙ୍କ ଝଲକ ଦେଖିବାକୁ ପାଇବେ । ଆଉ ଦେଖିବା ପରେ ନିହାତି ଭାବରେ ଜାଣିପାରିବେ ଏହା ହେଉଛି ଥ୍ରିଲର ଓ ସସପେନ୍ସରେ ଭରପୂର ଥିବା ଫିଲ୍ମ ।

ଯଦି ଟିଜର କଥା କହିବା ଏକ ଆକ୍ସିଡେଣ୍ଟରୁ ଟିଜର ଆରମ୍ଭ ହେଉଛି । ଟିଜରକୁ ଦର୍ଶକେ କାଫି ପସନ୍ଦ କରୁଛନ୍ତି । ତେବେ ଏହି ଫିଲ୍ମଟି ଓଟିଟି ପ୍ଲାଟଫର୍ମ ଆମାଜନ ପ୍ରାଇମ ଭିଡିଓରେ ମାର୍ଚ୍ଚ ୧୮ ତଥା ହୋଲି ଅବସରରେ ରିଲିଜ ହେବାକୁ ଯାଉଛି । ଫିଲ୍ମର ନିର୍ଦ୍ଦେଶନା ସୁରେଶ ତ୍ରିବେଣୀ ଦେଇଥିବା ବେଳେ ପ୍ରଯୋଜନା ଦାୟିତ୍ୱ ସମ୍ଭାଳିଛନ୍ତି ଭୂଷଣ କୁମାର, କୃଷ୍ଣ କୁମାର, ବିକ୍ରମ ମଲହୋତ୍ରା, ଶିଖା ଶର୍ମା ଓ ସୁରେଶ ତ୍ରିବେଣୀ । ବିଦ୍ୟା ବାଲାନ ଓ ସେଫାଲୀ ଶାହଙ୍କ ବ୍ୟତୀତ ମାନବ କୋଲ ଓ ଶ୍ରୀକାନ୍ତ ମୋହନଙ୍କ ଯାଦବଙ୍କ ପରି କଳାକାର ମଧ୍ୟ ଦମଦାର ଚରିତ୍ରରେ ନଜର ଆସିଛନ୍ତି ।