ଏହି ଦେଶରେ ବନ୍ଦ ହେବ କି ଟ୍ୱିଟର ? ଏଲୋନ୍ ମସ୍କ ନେଲେ ଏହି ପଦକ୍ଷେପ
ନୂଆଦିଲ୍ଲୀ : ୟୁରୋପୀୟ ୟୁନିଅନ୍ ରେ ଏକ ଚୁକ୍ତି କରିବାକୁ ଟ୍ୱିଟର ମାଲିକ ଏଲନ୍ ମସ୍କ ମନା କରି ଦେଇଛନ୍ତି। ଯାହାର ଉର୍ଦ୍ଦେଶ ଥିଲା ଅନଲାଇନରେ ଭୁଲ ତଥ୍ୟକୁ ମୁକାବିଲା କରିବା ବା ପ୍ରସୟ ନ ଦେବା । ଟ୍ୱିଟରର ମାଲିକର ଏହି ନିଷ୍ପତ୍ତିର ଅର୍ଥ ଏହା ମଧ୍ୟ ହୋଇପାରେ ଯେ ଏଲନ୍ ମସ୍କ ୟୁରୋପରେ ଟ୍ୱିଟର ପ୍ଲାଟଫର୍ମ ବନ୍ଦ କରିବାକୁ ଚିନ୍ତା କରୁଛନ୍ତି। କିନ୍ତୁ ଏହି ନିଷ୍ପତ୍ତି ଏଲନ୍ ମସ୍କଙ୍କୁ ଭାରି ପଡିପାରେ । ଏଥିପାଇଁ ତାଙ୍କୁ ଜୋରିମାନା ମଧ୍ୟ ଦେବାକୁ ପଡିପାରେ ।
ଟ୍ୱିଟର କାହିଁକି ବନ୍ଦ ହୋଇପାରେ? ଏହାର କାରଣ ଦର୍ଶାଯାଇଥିବା କାରଣ ହେଉଛି ଡିଜିଟାଲ୍ ସର୍ଭିସେସ୍ ଆକ୍ଟ ନାମକ ଏକ ନୂତନ ନିୟମ, ଯାହା ଅଗଷ୍ଟରେ କାର୍ୟ୍ୟକାରୀ ହେବ । ବୃହତ ସୋସିଆଲ ମିଡିଆ ସାଇଟଗୁଡିକ ପାଇଁ ଭୁଲ ତଥ୍ୟ ଉପରେ ନଜର ରଖିବା ଏବଂ ଫ୍ଲାଗ୍ କରିବା ପାଇଁ ଊଝଇ ଏହାକୁ ବାଧ୍ୟତାମୂଳକ କରିଥାଏ, ଯାହା ପୂର୍ବରୁ ସ୍ୱେଚ୍ଛାକୃତ ଥିଲା ।
ୟୁଏଇ ଇଣ୍ଡଷ୍ଟ୍ରିର ମୁଖ୍ୟ ଥିଏରି ବ୍ରେଟନ୍ ଏକ ଟୁଇଟ୍ କରି କହିଛନ୍ତି ଯେ, ଟ୍ୱିଟର ଭୁଲ ତଥ୍ୟ ବିରୋଧରେ ୟୁରୋପ ସଂଘର ନିୟମକୁ ପାଳନ କରୁନାହିଁ । କିନ୍ତୁ ଏହା ମଧ୍ୟ ଏକ ଦାୟିତ୍ୱ । ଡିଏସଏ ପାଖରେ ଟ୍ୱିଟର ଭଳି ଅନେକ ଡିଜିଟାଲ ଫ୍ଲାଟଫର୍ମ ରହିଛି ଯେଉଁଥିରେ ଦୁର୍ନୀତି ଏବଂ ବଟ୍ ଫାର୍ମ ବିରୁଦ୍ଧରେ ଉପାୟ ଖୋଜିବା, ରାଜନୈତିକ ବିଜ୍ଞାପନ ବିଷୟରେ ସ୍ୱଚ୍ଛ ଚେତାବନୀ ଦେବା ଏବଂ ଫ୍ୟାକ୍ଟ-ଚେକିଂ ଜିନିଷକୁ ସମର୍ଥନ କରିବା ଭଳି କାର୍ଯ୍ୟରେ ଲିପ୍ତ ରହିଛନ୍ତି । ଟ୍ୱିଟର ନିଶ୍ଚିତ ଭାବରେ ଉପଭୋକ୍ତାମାନଙ୍କୁ ବେଆଇନ ବିଷୟବସ୍ତୁ ରିପୋର୍ଟ କରିବାର ଉପାୟ ପ୍ରଦାନ କରିବ ।
ଯଦି ଏହା ସାମ୍ପ୍ରତିକ ଚୁକ୍ତିରୁ ଓହରିଯାଏ, ତେବେ ଟୁଇଟର DSA ଅଧୀନରେ ସମ୍ଭାବ୍ୟ ଦଣ୍ଡର ସମ୍ମୁଖୀନ ହୋଇପାରେ, ଯାହାଦ୍ୱାରା ୟୁରୋପୀୟ କମିଶନ ଦ୍ୱାରା ବାର୍ଷିକ ଆୟର ୬ ପ୍ରତିଶତ ଜୋରିମାନା ହୋଇପାରେ । ୟୁରୋପୀୟ କର୍ତ୍ତୃପକ୍ଷ ମସ୍କ ଏବଂ ଟ୍ୱିଟରକୁ ଚେତାବନୀ ଦେଇଛନ୍ତି ଯେ ନିୟମ ପାଳନ ନ କରିବା ଦ୍ୱାରା ପ୍ଲାଟଫର୍ମ ୟୁଏଇରୁ ନିଷିଦ୍ଧ ହୋଇପାରେ।
