୪୦୦ ବର୍ଷର ପରମ୍ପରା: ଛେଳି ପିଠିରେ ବସି ବାହାହେବାକୁ ଗଲା ବାଳକ ବର

ଭୋପାଳ: ମଧ୍ୟପ୍ରଦେଶ ଟିକମଗଢରୁ ଏକ ଅଜବ ଘଟଣା ସାମନାକୁ ଆସିଛି । ୧୨ ବର୍ଷର ବାଳକର ବାହାଘର ହୋଇଛି । ବାହାଘରରେ ଘର ଲୋକଙ ସହ ପ୍ରିୟଜନ ବି ନାଚରେ ମସଗୁଲ ରହିଥିବା ଦେଖିବାକୁ ମିଳିଛି ।

ତେବେ ଏ ବାହାଘରରେ ପରିବାରର ସହମତି ମଧ୍ୟ ରହିଛି । ଖବର ପଢ଼ିଲାବେଳକୁ ଅବାକ୍ ଲାଗିଲେ ମଧ୍ୟ ଏହା ସତ ।

ଭୋପାଳ ଟିକମଗଢରେ ବାହା ହୋଇଛନି ୧୨ ବର୍ଷର ପୁଅ । ତା’ପୁଣି ଛେଳିରେ ବସି ବର ବାହାରିଥିଲା ପ୍ରସେଶନ ନେଇ ।

ପ୍ରକୃତ କଥାଟି ହେଲା, ଲୋହିଆ ଜାତିରେ ଏମିତି ନିଆରା ରୀତିନୀତି ରହିଛି । ଯେଉଁଥିରେ ୧୨ ବର୍ଷର ପୁଅର କାନ ଫୋଡ଼ାଯାଏ । ଯାହାପାଇଁ କୁନି ପୁଅକୁ ବର ବେଶରେ ସଜେଇ ଛେଳି ପିଠିରେ ବସେଇ ନିଆଯାଏ ବରଯାତ୍ରୀ ।

ସୂଚନା ଅନୁସାରେ ଏ ପରମ୍ପରା ୪୦୦ ବର୍ଷ ପୁରୁଣା । ଲୋହିଆ ଜାତିର ଲୋକେ ଖୁବ୍ ଜାକଜକମରେ ଏ ରୀତିକୁ ପୂରା କରିଥାନି । ସେମାନଙ୍କ ଜାତିରେ ୧୮ ବର୍ଷ ପୂର୍ବରୁ ଘରର ବଡ଼ ପୁଅର କାନ ଫୋଡ଼ାଯିବାର ନିୟମ ରହିଛି ।

ତେବେ ସୋସିଆଲ ମିଡିଆରେ ଭିଡିଓଟି ଖୁବ୍ ଭାଇରାଲ ହେବାରେ ଲାଗିଛି । ଲୋକେ ଭିଡିଓକୁ ଭଲପାଇବା ମଧ୍ୟ ଦେଉଥିବା ଦେଖିବାକୁ ମିଳିଛି ।