୧୯ ବର୍ଷରୁ କମ ବିଶ୍ୱକପ ପାଇଁ ୧୭ ଜଣିଆ ଦଳ ଘୋଷିତ; ୟଶ ଧୁଲଙ୍କ ନେତୃତ୍ୱରେ ଖେଳିବ ଭାରତ
ନୂଆଦିଳ୍ଲୀ: ରବିବାର ଘୋଷିତ ହୋଇ ଯାଇଛି ଭାରତୀୟ ୧୯ ବର୍ଷରୁ କମ ବିଶ୍ୱକପ ଦଳ । ଦିଲ୍ଲୀର ଯୁବ ବ୍ୟାଟ୍ସମ୍ୟମାନ ୟଶ ଧୁଲଙ୍କୁ ଭାରତୀୟ ଦଳର ଅଧିନାୟକ ଭାବରେ ଘୋଷଣା କରାଯାଇଛି । ଜାନୁୟାରୀ ୧୪ ତାରିଖରୁ ଫେବୃୟାରୀ ୫ ଯାଏଁ ୱେଷ୍ଟଇଣ୍ଡିଜରେ ଏହି ଟୁର୍ଣ୍ଣାମେଣ୍ଟ ଖେଳାଯିବ । ଆନ୍ଧ୍ର ପ୍ରଦେଶର ଏସ କେ ରଶିଦ ଏହି ଦଳର ଉପ ଅଧିନାୟକ ରହିଛନ୍ତି ।
ଏହି ଦଳରେ ଦୁଇ ଜଣ ୱିକେଟ କିପରଙ୍କୁ ସାମିଲ କରାଯାଇଛି । ହରିୟାଣାର ଦୀନେଶ ବାନା ଏବଂ ଉତ୍ତର ପ୍ରଦେଶର ଆରାଧ୍ୟ ଯାଦବ ଦୁଇ ଜଣ ୱିକେଟ କିପର ଭାବରେ ଦଳରେ ରହିଛନ୍ତି । ଉଲ୍ଲେଖଯୋଗ୍ୟ ଯେ, ୟଶ ଦିଲ୍ଲୀ କ୍ୟାପିଟାଲ୍ସର ୧୯ ବର୍ଷରୁ କମ ଦଳରେ ସାମିଲ ରହିଥିଲେ ।
ଭାରତୀୟ ଦଳ: ୟଶ ଧୁଲ, ହରନୁର ସିଂ, ଅଙ୍ଗକ୍ରିଶ ରଘୁବଂଶୀ, ନିଶାନ୍ତ ସିନ୍ଧୁ, ସିଦ୍ଧାର୍ଥ ଯାଦବ, ଅନୀଶ୍ୱର ଗୌତମ, ଦୀନେଶ ବାନା, ଆରାଧ୍ୟ ଯାଦବ, ରାଜ ଆନନ୍ଦ ବୱା, ମାନବ ପାରେଖ, କୌଶଲ ତାମ୍ବେ, ଆର ଏସ ହଙ୍ଗରେଗେକାର, ବାସୁ ବତ୍ସ, ଭିକି ଓସ୍ତୱାଲ, ରବି କୁମାର ଓ ଗର୍ବ ସାଙ୍ଗୱନ ।
