ସ୍ୱାମୀଙ୍କ ସହ ପରକୀୟାପ୍ରୀତି ଥିବା ସନ୍ଦେହ କରି ମହିଳାଙ୍କୁ ଗଣଦୁଷ୍କର୍ମ କରାଇଲେ ସ୍ତ୍ରୀ
ହାଇଦ୍ରାବାଦ(ଓଡ଼ିଶା ଭାସ୍କର): ସ୍ୱାମୀଙ୍କର ପରକୀୟାପ୍ରୀତି ସମ୍ପର୍କ ଥିବା ସନ୍ଦେହରେ ଜଣେ ମହିଳା ଅନ୍ୟ ଜଣେ ମହିଳାଙ୍କୁ ଗଣଦୁଷ୍କର୍ମ କରାଇବା ଭଳି ଅଶ୍ଚର୍ଯ୍ୟକର ଘଟଣା ସାମ୍ନାକୁ ଆସିଛି। ପ୍ରତିଶୋଧର ଏକ ବିକୃତ ମାମଲା ହାଇଦ୍ରାବାଦର ସାଇବରବାଦ ପୋଲିସ ନିକଟରେ ଦାୟର ହୋଇଛି। ହାଇଦ୍ରାବାଦର କୋଣ୍ଡାପୁର ଅଞ୍ଚଳରେ ଏହି ଘଟଣା ସାମ୍ନାକୁ ଆସିଥିଲା ଯେଉଁଠାରେ ଗାୟତ୍ରୀ ନାମକ ଜଣେ ମହିଳା ଏହି ଗଣଦୁଷ୍କର୍ମ କରାଇଥିଲେ ଏବଂ ପୀଡିତାଙ୍କୁ ବ୍ଲାକମେଲ କରିବା ପାଇଁ ଏହି ଘଟଣାର ସୁଟିଂ ମଧ୍ୟ କରିଥିଲେ। ପୋଲିସର ସୂଚନାନୁସାରେ, ଗାୟତ୍ରୀ ତାଙ୍କ ସ୍ୱାମୀଙ୍କ ସହ ପୀଡିତା କୋଣ୍ଡାପୁରର ସମାନ କଲୋନୀରେ ରହିଆସୁଛନ୍ତି। ଉଭୟ ସିଭିଲ ସର୍ଭିସ ପରୀକ୍ଷା ପାଇଁ ପ୍ରସ୍ତୁତ ହେଉଥିବାରୁ ତାଙ୍କ ସ୍ୱାମୀ ଏବଂ ପୀଡିତା ବନ୍ଧୁ ହୋଇଥିଲେ।
ପୀଡିତା ଦମ୍ପତିଙ୍କ ଘରକୁ ଅନେକ ସମୟରେ ଦେଖା କରୁଥିଲେ ଏବଂ ଅକ୍ଟୋବର ୨୦୨୧ ରୁ ଫେବୃଆରୀ ୨୦୨୨ ପର୍ୟ୍ୟନ୍ତ ସେଠାରେ ରହିଥିଲେ। ତେବେ ଗାୟତ୍ରୀ ଯେତେବେଳେ ତାଙ୍କ ସ୍ୱାମୀ ଏବଂ ପୀଡିତାଙ୍କ ସମ୍ପର୍କ ଅଛି ବୋଲି ସନ୍ଦେହ କରିବା ଆରମ୍ଭ କରିଥିଲେ ସେବେଠୁ ସମ୍ପର୍କରେ ଘୃଣା ଆସିଥିଲା। ପୋଲିସ ନିକଟରେ ଦେଇଥିବା ଅଭିଯୋଗରେ ପୀଡିତା ଅଭିଯୋଗ କରିଛନ୍ତି ଯେ ମେ ୨୬ ରେ ଗାୟତ୍ରୀ ତାଙ୍କୁ ତାଙ୍କ ଘରକୁ ନିମନ୍ତ୍ରଣ କରିଥିଲେ। ଥରେ ସେ ସେଠାରେ ପହଞ୍ଚିବା ପରେ ପାଞ୍ଚ ଜଣ ଗୁଣ୍ଡା ତାଙ୍କୁ ଗଣଦୁଷ୍କର୍ମ କରିଥିଲେ।
ସେମାନେ ଏକ କପଡ଼ାରେ ତାଙ୍କ ବନ୍ଦ କରି ତାଙ୍କୁ ଯୌନ ନିର୍ଯ୍ୟାତନା ଦେଇଥିଲେ। ଗାୟତ୍ରୀ ତାଙ୍କ ମୋବାଇଲ୍ ଫୋନ୍ ରେ ଏହି ଘଟଣାକୁ ରେକର୍ଡ କରିଥିଲେ। ଗାୟତ୍ରୀ ପୀଡିତାଙ୍କୁ ଧମକ ମଧ୍ୟ ଦେଇଛନ୍ତି ଯେ ଯଦି ସେ ଏହି ଘଟଣା କାହାକୁ ପ୍ରକାଶ କରନ୍ତି ତେବେ ସେ ସୋସିଆଲ ମିଡିଆରେ ଅପଲୋଡ୍ କରିବେ। ଗୁରୁତର ଆହତ ପୀଡିତାଙ୍କୁ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ ତାଙ୍କ ପରିବାର ସଦସ୍ୟ ପୋଲିସ ନିକଟରେ ଅଭିଯୋଗ କରିଥିଲେ। ଜାଣିବାକୁ ମିଳିଛି ଯେ ଏହି ଘଟଣାରେ ଗାୟତ୍ରୀ ଏବଂ ଚାରିଜଣ ଯୁବକଙ୍କୁ ପୋଲିସ ଗିରଫ କରିଛି।
