ବ୍ରହ୍ମ ମୁହୂର୍ତ୍ତରେ ଏହି ସ୍ୱପ୍ନ ଦେଖିଲେ ହୋଇଯିବେ ମାଲାମାଲ: ଆପଣଙ୍କ ନିଦରେ ଆସୁଛି କି ଏମିତି ଦୃଶ୍ୟ?
ମଣିଷ ଶୋଇବା ପରେ କିଛି ଅଜଣା ରାଇଜକୁ ଚାଲିଯାଇଥାଏ । ଅନେକ ସ୍ୱପ୍ନ ଏବଂ ବିଭିନ୍ନ ଚିତ୍ରରେ ହଜିଯାଏ ଶୋଇଥିବା ମଣିଷଟି । ତେବେ ଏହି ସ୍ୱପ୍ନ ବ୍ୟକ୍ତିର ଭବିଷ୍ୟତକୁ ନେଇ ଅନେକ କିଛି ସଂକେତ ଦେଇଥାଏ । ସ୍ୱପ୍ନ ଶାସ୍ତ୍ର ଅନୁସାରେ ସକାଳ ୩ଟାରୁ ୫ଟା ପର୍ଯ୍ୟନ୍ତ ସମୟକୁ ବ୍ରହ୍ମ ମୁହୂର୍ତ୍ତ କୁହାଯାଏ । ଏବଂ ଏହି ସମୟରେ ଦେଖାଯାଉଥିବା ସ୍ୱପ୍ନ ଅଧିକାଂଶ ସମୟରେ ସତ ହୋଇଥାଏ । ତେବେ ଏମିତି କିଛି ସ୍ୱପ୍ନ ରହିଛି ଯାହା ଆପଣଙ୍କୁ ଧନବାନ କରିବାର ସଂକେତ ଦେଇଥାଏ ।
ଜ୍ୟୋତିଶ ଶାସ୍ତ୍ରରେ ଏମିତି ବହୁତ କିଛି ସ୍ୱପ୍ନ ବିଷୟରେ କୁହାଯାଇଛି । ଯଦି ଆପଣଙ୍କ ସ୍ୱପ୍ନରେ ଏକ ଛୋଟ ପିଲା ହସୁଥିବା ଖେଳୁଥିବାର ଦୃଶ୍ୟ ଆସୁଛି, ତେବେ ଆପଣଙ୍କ ଭବିଷ୍ୟତ ଖୁବ ଉଜ୍ଜ୍ୱଳ ରହିଛି । ପ୍ରାତଃ ସମୟରେ ଏମିତି ସ୍ୱପ୍ନ ଆସିବା ଦ୍ୱାରା ଆପଣ ଧନବାନ ହୋଇଥାନ୍ତି । ସ୍ୱପ୍ନରେ ଯଦି ଏକ ପିଲା ମସ୍ତି କରୁଥିବାର ଦେଖନ୍ତି ତେବେ ମହାଲକ୍ଷ୍ମୀ ଆପଣଙ୍କ ଘରକୁ ପ୍ରବେଶ କରିପାରନ୍ତି ।
ବ୍ରହ୍ମ ମୁହୂର୍ତ୍ତରେ ନିଜକୁ ସ୍ନାନ କରୁଥିବାର ଦେଖିବା ବହୁତ ଶୁଭ ହୋଇଥାଏ । ଏଭଳି ସ୍ୱପ୍ନ ଦେଖିବା ଦ୍ୱାରା ଅନେକ ଶୁଭ ଫଳ ପ୍ରାପ୍ତି ହୋଇଥାଏ । ଯଦି କୌଣସି ଜାତକର ବ୍ୟକ୍ତି ଏହି ସ୍ୱପ୍ନ ଦେଖିଥାନ୍ତି, ତେବେ କାହାକୁ ଉଧାର ଦେଇଥିବା ଟଙ୍କା ଖୁବ ଶୀଘ୍ର ଫେରି ପାଇପାରନ୍ତି ।
ସେହିପରି ଯଦି ଏହି ସମୟରେ ଆପଣଙ୍କ ସ୍ୱପ୍ନରେ ପାଣିରେ ଭରା କଳସୀ ଦେଖାଯାଏ, ଏହା ଅପାଣଙ୍କ ପାଇଁ ଆପଣଙ୍କ ପାଇଁ ମଙ୍ଗଳମୟ ହୋଇଥାଏ । ଏହାର ଅର୍ଥ ବ୍ୟକ୍ତି ଜଣକଙ୍କୁ ଧନଲାଭ ହୋଇଥାଏ । ବ୍ରହ୍ମ ମୁହୂର୍ତ୍ତରେ ମାଟିର ପାତ୍ର ବା କଳସୀ ଦେଖାଯିବା ମଧ୍ୟ ଏକ ଶୁଭ ଲକ୍ଷଣ ହୋଇଥାଏ ।
ଦାନ୍ତ ଭାଙ୍ଗିବାର ସ୍ୱପ୍ନ ଯଦି କେହି ବ୍ୟକ୍ତି ବ୍ରହ୍ମ ମୁହୂର୍ତ୍ତରେ ଦେଖନ୍ତି, ତାହା ମଧ୍ୟ ତାଙ୍କୁ ଶୁଭ ଫଳ ଦେଇଥାଏ । ସ୍ୱପ୍ନ ଶାସ୍ତ୍ର ଅନୁସାରେ, ଏଭଳି କିଛି ସ୍ୱପ୍ନ ବ୍ୟକ୍ତିଙ୍କ ଚାକିରି ଏବଂ ବ୍ୟବସାୟ ଆଦିରେ ଲାଭ ହେବାର ପୂର୍ବ ସଂକେତ ଦେଇଥାଏ ବୋଲି ସ୍ୱପ୍ନଶାସ୍ତ୍ରରେ କୁହାଯାଇଛି ।