ଆପଣଙ୍କ ଲାଇଫ ପାର୍ଟନର ବି ବାରମ୍ବାର କରୁଛି ଏହି ଭୁଲ ତ ହୋଇଯାଆନ୍ତୁ ସାବଧାନ !

ନୂଆଦିଲ୍ଲୀ: ଯଦି ଆପଣଙ୍କ ଲାଇଫ ପାର୍ଟନର ବି କରୁଛି ଏହି ସବୁ ଭୁଲ ତେବେ ହୋଇଯାଆନ୍ତୁ ସାବଧାନ | ଜୀବନରେ ଏକ ଭଲ ଲାଇଫ ପାର୍ଟନଏର ମିଳିବା ସମସ୍ତଙ୍କର ଏକ ସ୍ୱପ୍ନ ହୋଇଥାଏ | କିନ୍ତୁ ଆଜିର ବ୍ୟସ୍ତବହୁଳ ଜୀବନଶୈଳୀ ହେତୁ ପରସ୍ପର ପାଇଁ ସମୟ ଖୋଜି ବାହାର କରିବା ଟିକେ କଷ୍ଟସାଧ୍ୟ ହୋଇଯାଏ | ଏଭଳି ପରିସ୍ଥିତିରେ ଦମ୍ପତିଙ୍କ ମଧ୍ୟରେ ଝଗଡ଼ା ଆରମ୍ଭ ହୁଏ | ସେହି ସମୟରେ ସାଥୀଙ୍କ ଛୋଟ ଭୁଲଗୁଡ଼ିକୁ କ୍ଷମା କରାଯାଇପାରେ କିନ୍ତୁ ଯଦିଏ ଆପଣଙ୍କ ଲାଇଫ ପାର୍ଟନର ସମାନ ଭୁଲ୍ ବାରମ୍ବାର କରୁଛନ୍ତି, ତେବେ ଏହାକୁ ଅଣଦେଖା କରିବା ଆଦୌ ଉଚିତ୍ ନୁହେଁ | ଏପରି ପରିସ୍ଥିତିରେ, ସମ୍ପର୍କ ଭାଙ୍ଗିବା ଏବଂ ଆଗକୁ ବଢ଼ିବା ବୁଦ୍ଧିମାନୀର କାମ ଅଟେ | ତେଣୁ, ଆପଣ ନିଜ ସାଥୀଙ୍କ କିଛି ଅଭ୍ୟାସକୁ ଅଣଦେଖା କରିବା ଉଚିତ୍ ନୁହେଁ | ତେବେ ଆସନ୍ତୁ ଜାଣିବା ଆପଣଙ୍କ ଲାଇଫ ପାର୍ଟନର କେଉଁ ସବୁ ଭୁଲକୁ ଅଣଦେଖା କରାଯିବା ଉଚିତ୍ ନୁହେଁ ଏବଂ ଆପଣ କାହିଁକି ସେମାନଙ୍କଠାରୁ ନିଜକୁ ଦୂରେଇ ରଖିବା ଉଚିତ୍?

• ବାରମ୍ବାର ମିଛ କହିବା ଅଭ୍ୟାସ

ଗୋଟେ ଭଲ ସମ୍ପର୍କ ବିଶ୍ୱାସର ମୂଳଦୁଆ ଉପରେ ଆଧାରିତ, ମିଛ କହିବା କୌଣସି ସମ୍ପର୍କ ପାଇଁ ଠିକ ନୁହେଁ | ଯଦି ଆପଣଙ୍କ ସାଥି ଆପଣଙ୍କୁ ମିଛ କହି ସମ୍ପର୍କ ବଞ୍ଚାଇବାକୁ ଚେଷ୍ଟା କରନ୍ତି, ତେବେ ସତର୍କ ରୁହନ୍ତୁ | କାରଣ ସେହି ସମ୍ପର୍କ ଅଧିକ ଦିନ ତିଷ୍ଠି ନଥାଏ | ଏପରି ପରିସ୍ଥିତିରେ, ତୁମେ ନିଜକୁ ଏପରି ସାଥୀଠାରୁ ଦୂରରେ ରଖିବା ଉଚିତ୍ |

• ମେସେଜ କଲ୍କୁ ଆଭୋଏଡ଼ କରିବା

ଅନେକ ଥର ଲୋକମାନେ ନିଜ ସାଥୀଙ୍କ ମେସେଜ ଏବଂ ଫୋନ୍ କଲକୁ ଆଭୋଏଡ଼ କରିଥାନ୍ତି | ଯଦି ଏହି ସମସ୍ୟା ବେଳେବେଳେ ହୁଏ ତେବେ ଠିକ କିନ୍ତୁ ଯଦି ଆପଣଙ୍କର ସାଥୀ ଆପଣଙ୍କୁ ବାରମ୍ବାର ଆଭୋଏଡ଼ କରୁଛନ୍ତି | ତେବେ ଆପଣ ତୁରନ୍ତ ଏହିପରି ସାଥୀଠାରୁ ନିଜକୁ ଦୂରେଇ ରଖିବା ଉଚିତ୍ |

• ଛୋଟ କଥାରେ ବାରମ୍ବାର ଝଗଡ଼ା କରିବା

ଅନେକ ବ୍ୟକ୍ତି ଛୋଟ ଛୋଟ କଥାକୁ ନେଇ ଝଗଡ଼ା କରିବାକୁ ପସନ୍ଦ କରିଥାନ୍ତି | ଯଦି ଆପଣଙ୍କ ଲାଇଫ ପାର୍ଟନର ମଧ୍ୟ ଛୋଟ କଥାରେ ଆପଣଙ୍କ ସହ ଝଗଡ଼ା କରୁଛନ୍ତି | ଏବଂ ଏହି ଛୋଟ ଛୋଟ ଝଗଡ଼ା ମାରପିଟ ପର୍ଯ୍ୟନ୍ତ ଚାଲିଯାଉଛି |ତେବେ ଯଥାଶୀଘ୍ର ଏହିପରି ସାଥୀଠାରୁ ନିଜକୁ ଦୂରେଇ ରଖନ୍ତୁ |