(Video) ଜେଲରେ ବନ୍ଦୀ ଥିବା ସତ୍ୟେନ୍ଦ୍ର ଜୈନଙ୍କ ଆଉ ଏକ ଭିଡିଓ ଜାରି କଲା BJP: ନିଲମ୍ବିତ ଜେଲ୍ ଏସପି ଆସିଥିବା ଦେଖିବାକୁ ମିଳିଛି
ନୂଆଦିଲ୍ଲୀ: ଟଙ୍କା ହେରଫେର ମାମଲାରେ ତିହାର ଜେଲରେ ଥିବା ସତ୍ୟେନ୍ଦ୍ର ଜୈନଙ୍କ ସମସ୍ୟା ଏବେ ଦିନକୁ ଦିନ ବଢ଼ିବାରେ ଲାଗିଛି । ଭାରତୀୟ ଜନତା ପାର୍ଟି ଆଉ କିଛି ଭିଡିଓ ଏବେ ସାମ୍ନାକୁ ଆଣିଛି, ଯେଉଁଥିରେ ଦାବି କରାଯାଇଛି ଯେ ଜେଲର ଏସପି ରାତି ୮ ଟାରେ ଜୈନଙ୍କୁ ଭେଟିବାକୁ ଆସିଛନ୍ତି । ଭାରତୀୟ ଜନତା ପାର୍ଟି କଟାକ୍ଷ କରି ଲେଖିଛି ଯେ, ଜେଲ ମନ୍ତ୍ରୀଙ୍କ ଦରବାରରେ ରାତି ୮ ଟା ସମୟରେ ଜେଲ ଅଧୀକ୍ଷକ ହାଜିର… । ଏହି ଭିଡିଓରେ ଦର୍ଶାଯାଇଛି ଯେ, ଏସପି ଆସିବା ପୂର୍ବରୁ କିଛି ଲୋକ ସତ୍ୟେନ୍ଦ୍ରଙ୍କ ସହ କଥା ହେଉଥିଲେ । ଜେଲ୍ ଅଧୀକ୍ଷକ ପହଞ୍ଚିବା ମାତ୍ରେ ସମସ୍ତେ ବାହାରକୁ ଚାଲିଗଲେ ।
ଏହି ସିସିଟିଭି ଫୁଟେଜ ସାମ୍ନାକୁ ଆସିବା ପରେ ବିଜେପି ପୁଣି ଥରେ ଆମ୍ ଆଦମୀ ପାର୍ଟିକୁ ଟାର୍ଗେଟ କରିଛି । ସତ୍ୟେନ୍ଦ୍ର ଜୈନଙ୍କ ଏହି ନୂତନ ଭିଡିଓ ସେୟାର କରି ଦିଲ୍ଲୀ ପ୍ରଦେଶ ବିଜେପି ସଭାପତି ଆଦେଶ ଗୁପ୍ତା ଟ୍ୱିଟ କରି କହିଛନ୍ତି ଯେ, ଜେଲ ମନ୍ତ୍ରୀଙ୍କ ରାଜ ଦରବାର ଚାଲିଛି ଏବଂ ବର୍ତ୍ତମାନ ଜେଲ ଅଧୀକ୍ଷକ ହାଜିରା ପକାଇବାକୁ ଆସିଛନ୍ତି । ରାଜକୀୟ ଶୈଳୀରେ କୌଣସି ଅଭାବ ନହେବା ପାଇଁ ସରକାର ସମ୍ପୂର୍ଣ୍ଣ ବ୍ୟବସ୍ଥା କରିଛନ୍ତି । ଅନ୍ୟପକ୍ଷରେ ଦିଲ୍ଲୀ ବିଜେପି ମଧ୍ୟ ଏହାର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲ ସହ ଭିଡିଓ ସେୟାର କରି କହିଛି ଯେ, ରାତି ୮ ଟାରେ ଜେଲ ମନ୍ତ୍ରୀଙ୍କ କୋର୍ଟରେ ଜେଲ ଅଧୀକ୍ଷକଙ୍କ ଉପସ୍ଥିତି!
ଏହାର ପରବର୍ତ୍ତୀ ଟ୍ୱିଟରେ ସତ୍ୟେନ୍ଦ୍ର ଜୈନଙ୍କୁ ବରଖାସ୍ତ କରିବାକୁ ଦାବି କରି ଦିଲ୍ଲୀ ବିଜେପି କହିଛି ଯେ, ଜେଲ ଅଧୀକ୍ଷକ ସାହେବ କୋର୍ଟରେ ହାଜର ହୋଇଥିଲେ । ତେବେ ଏହା ପୂର୍ବରୁ ସାମ୍ନାକୁ ଆସିଥିବା ଭିଡିଓରେ ସତ୍ୟେନ୍ଦ୍ର ଜୈନ ଜେଲରେ ମସାଜ କରୁଥିବା ଏବଂ ବାହାରେ ଖାଦ୍ୟ ଖାଉଥିବା ଦେଖିବାକୁ ମିଳିଥିଲା । ଏହାକୁ ନେଇ ବିଜେପି ଓ କଂଗ୍ରେସ ତାଙ୍କୁ ଟାର୍ଗେଟ କରିଥିଲେ ।
जेल मंत्री के दरबार में रात 8 बजे जेल सुपरिटेंडेंट की हाज़िरी ! pic.twitter.com/i8NQLgFMwv
— BJP Delhi (@BJP4Delhi) November 26, 2022
