କର୍ମଚାରୀ ରାଜ୍ୟ ବୀମା ଯୋଜନାରେ ସଦସ୍ୟଙ୍କ ସଂଖ୍ୟା ଦ୍ରୁତ ବୃଦ୍ଧି
ନୂଆଦିଲ୍ଲୀ: ସାରା ଦେଶରେ ରୋଜଗାରକୁ ନେଇ ଖୁସି ଖବର ଆସିଛି। କର୍ମଚାରୀ ରାଜ୍ୟ ବୀମା ଯୋଜନାରେ ସଦସ୍ୟଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ଏହି ଯୋଜନା ଅଧୀନରେ, ଡିସେମ୍ବର ୨୦୨୨ ମାସରେ ୧୮ ଲକ୍ଷରୁ ଅଧିକ ନୂତନ କର୍ମୀ (ସଦସ୍ୟ) ଯୋଗ କରାଯାଇଛି । ଜାତୀୟ ପରିସଂଖ୍ୟାନ କାର୍ଯ୍ୟାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଡିସେମ୍ବର ମାସରେ କର୍ମଚାରୀଙ୍କ ରାଜ୍ୟ ବୀମା ନିଗମ ଅଧୀନରେ ପ୍ରାୟ ୨୭,୭୦୦ ନୂତନ ପ୍ରତିଷ୍ଠାନ ପଞ୍ଜିକୃତ ହୋଇଛି, ଯାହା ଏହାର କର୍ମଚାରୀମାନଙ୍କୁ ସାମାଜିକ ସୁରକ୍ଷା କଭର ଯୋଗାଇବାରେ ଏକ ପ୍ରମୁଖ ଭୂମିକା ଗ୍ରହଣ କରୁଛି। ଏହି ସଂଖ୍ୟାଗୁଡିକ ଦେଶର ସଂଗଠିତ କ୍ଷେତ୍ରରେ ଏକ ଉତ୍ତମ ନିଯୁକ୍ତି ଦୃଷ୍ଟିକୋଣ ଭାବରେ ଦେଖାଯାଉଛି।
ବେତନ ରେଜିଷ୍ଟର ତଥ୍ୟ ଅନୁଯାୟୀ, ଡିସେମ୍ବର ୨୦୨୨ରେ ମହିଳା ସଦସ୍ୟଙ୍କ ମୋଟ ନାମଲେଖା ୩.୪୪ ଲକ୍ଷ ହୋଇଛି। ଡିସେମ୍ବର ମାସରେ ମୋଟ ୮୦ ଟ୍ରାନ୍ସଜେଣ୍ଡର କର୍ମଚାରୀ ଏହି ସାମାଜିକ ସୁରକ୍ଷା ଯୋଜନା ଅଧୀନରେ ନିଜକୁ ପଞ୍ଜୀକୃତ କରିଛନ୍ତି । ଏଥିରୁ ଏହା ସ୍ପଷ୍ଟ ଯେ ଇଏସ୍ଆଇସି ସମାଜର ପ୍ରତ୍ୟେକ ବିଭାଗକୁ ଲାଭ ଯୋଗାଉଛି। ବେତନ ରେଜିଷ୍ଟର ତଥ୍ୟ ଅନୁଯାୟୀ, ଡିସେମ୍ବର ୨୦୨୧ ଏବଂ ଡିସେମ୍ବର ୨୦୨୨ ତୁଳନାରେ କର୍ମଚାରୀଙ୍କ ରାଜ୍ୟ ବୀମା ଯୋଜନାରେ ୧୪.୫୨ ଲକ୍ଷ କର୍ମଚାରୀଙ୍କ ଅବଦାନ ରହିଛି । ଡିସେମ୍ବର ମାସରେ, ମୋଟ ୧୮.୦୩ ଲକ୍ଷ କର୍ମଚାରୀଙ୍କ ମଧ୍ୟରୁ ୨୫ ବର୍ଷ ବୟସ ପର୍ଯ୍ୟନ୍ତ କର୍ମଚାରୀଙ୍କ ସଂଖ୍ୟା ହେଉଛି ୮.୩୦ ଲକ୍ଷ। ଏହା ଦର୍ଶାଏ ଯେ ଯୁବକମାନେ ଦେଶରେ ଭଲ ନିଯୁକ୍ତି ସୁଯୋଗ ପାଇଛନ୍ତି।
