୫୯ ବର୍ଷରେ ଭାଇଜାନ୍, ଭଉଣୀଙ୍କ ଘରେ ଏକ୍ସ ଗାର୍ଲଫ୍ରେଣ୍ଡଙ୍କ ସହ ପାଳିଲେ ଜନ୍ମଦିନ

ମୁମ୍ବାଇ: ଭାରତରେ ସବୁଠୁ ବଡ଼ ରିଆଲିଟି ଶୋ’ ବିଗ୍ ବସର ହୋଷ୍ଟ ସଲମାନ ଖାନଙ୍କର ଆଜି ହେଉଛି ଜନ୍ମଦିନ । ଗତ ୩୦ ବର୍ଷ ଧରି ଫିଲ୍ମ ଇଣ୍ଡଷ୍ଟ୍ରିରେ ରାଜ କରୁଆସୁଥିବା ସଲମାନଙ୍କୁ ଏବେ ୫୯ ବର୍ଷ ଛୁଇଁଲା । କିନ୍ତୁ ବୟସ ତୁଳନାରେ ତାଙ୍କ ତ୍ୱଚାର ଆକର୍ଷଶ କିନ୍ତୁ କମିନାହିଁ । ୨୯୦୦ କୋଟି ଟଙ୍କାର ମାଲିକ ସଲମାନଙ୍କ ଫ୍ୟାନ ଫଲୋୟର୍ସ ଅନ୍ୟ ବଲିଉଡ୍ ସେଲିବ୍ରିଟିଙ୍କ ତୁଳନାରେ ବେଶ୍ ଅଧିକ ।

୧୯୮୦ ମସିହାରୁ ହିନ୍ଦୀ ଫିଲ୍ମ ଜଗତରେ ରାଜ୍ କରିଆସୁଛନ୍ତି ଦବଙ୍ଗ ଖାନ୍ ସଲମାନ । ତାଙ୍କ ଫିଲ୍ମ ଅନେକ ବକ୍ସଅଫିସ ରେକର୍ଡ କରିଛି । ଯେଉଁ କାରଣରୁ ସେ ଏବେ ବଲିଉଡ୍ ଇଣ୍ଡଷ୍ଟ୍ରିର ବଡ଼ ଷ୍ଟାର ମଧ୍ୟରେ ଜଣାଯାନ୍ତି । ଏକାକୀ ହିଟ୍ ଫିଲ୍ମ ଦେବାକୁ ସକ୍ଷମ ସଲମାନ ସେଇଥିପାଇଁ ତ ପ୍ରତିଟି ପ୍ରୋଜେକ୍ଟ ପାଇଁ ୧୦୦ କୋଟି ଟଙ୍କା ଦାବି କରନ୍ତି ।

୨୯୦୦ କୋଟି ଟଙ୍କାର ମାଲିକ
ଅଭିନୟ ବ୍ୟତୀତ ସଲମାନ ପ୍ରଡକ୍ସନ କମ୍ପାନୀ ମଧ୍ୟ ଚଳାଉଛନ୍ତି । ଯାହାର ନାଁ ରହିଛି ସଲମାନ ଖାନ୍ ଫିଲ୍ମସ୍ । ନିଜ ବ୍ୟାନରରେ ସେ ବଜରଙ୍ଗି ଭାଇଜାନ୍ ଏବଂ ରେସ୍ ୩ ଭଲି ହିଟ୍ ଫିଲ୍ମ ତିଆରି କରିଛନ୍ତି ।
ଆକ୍ଟିଙ୍ଗକୁ ଛାଡ଼ିଦେଲେ ଏକାଧିକ ବ୍ୟବସାୟ କରନ୍ତି ସଲମାନ କ୍ଲଥିଙ୍ଗ ବ୍ରାଣ୍ଡ ବିଇଙ୍ଗ ହ୍ୟୁମାନ୍, ଫିଟନେଶ୍ ଇକ୍ୱିପ୍ମେଣ୍ଟ ବିଇଙ୍ଗ ଷ୍ଟ୍ରଙ୍ଗ ଇତ୍ୟାଦି ବ୍ରାଣ୍ଡର ମାଲିକାନା ତଙ୍କେ ନାଁରେ ଅଛି । ମୁମ୍ବାଇ ବାନ୍ଦ୍ରା ୱେଷ୍ଟରେ ଥିବା ଗାଲାକ୍ସି ଆପାର୍ଟମେଣ୍ଟରେ ଥିବା ତାଙ୍କ ଘରର ମୂଲ୍ୟ ୧୦୦-୧୫୦ କୋଟି ଟଙ୍କା ଆକଳନ କରାଯାଉଛି ।

ଏଥର ଜନ୍ମଦିନ ପୂର୍ବ ରାତି ସଲମାନ ଭଉଣୀ ଅର୍ପିତାଙ୍କ ଘରେ ପାଳିଛନ୍ତି । ଯେଉଁଥିରେ ସଲମାନଙ୍କ ଘର ଲୋକଙ୍କ ସହିତ ତାଙ୍କ ଘନିଷ୍ଠ ବନ୍ଧୁ ହିଁ ସାମିଲ ହୋଇଥିଲେ । ଭାଇ ଅର୍ବାଜ୍ ଖାନ୍ ପ୍ରଥମେ ଯାଇ ପହଞ୍ଚିଥିଲେ ଅର୍ପିତାଙ୍କ ଘରେ । ଏହାପରେ ତାଙ୍କ ସ୍ତ୍ରୀ ସୁରାଙ୍କୁ ମଧ୍ୟ ସଲମାନଙ୍କ ଜନ୍ମଦିନ ବାସ୍ରେ ଦେଖିବାକୁ ମିଳିଥିଲା । ସଲମାନଙ୍କ ର୍ୟୁମର ଗାର୍ଲଫ୍ରେଣ୍ଡ ବୋଲାଉଥିବଲା ଲୁଲିଆ ଭାନ୍ତୁର ମଧ୍ୟ ଜନ୍ମଦିନ ପାର୍ଟିରେ ସାମିଲ ହୋଇଥିଲେ ।

ଇନ୍ଦୋରରେ ଜନ୍ମ 
ମଧ୍ୟପ୍ରଦେଶର ଇନ୍ଦୋରରେ ଡିସେମ୍ବର ୨୭ ୧୯୬୫ ମସିହାରେ ସଲମାନ ଖାନ୍ ଜନ୍ମ ହୋଇଥିଲେ । ତାଙ୍କ ବାପା ସଲିମ ଖାନ୍ ଓ ମା’ ସଲମା ଖାନ୍ । ହେଲେନ ହେଉଛନ୍ତି ସଲମାନଙ୍କ ସାବତ ମା’ । ଭାଇ ଶୋହେଲ ଖାନ୍, ଅର୍ବାଜ୍ ଖାନ୍ ଫିଲ୍ମରେ ଯେତେ ସଫଳ ନୁହଁନ୍ତି ସେମାନଙ୍କଠାରୁ ବହୁ ଗୁଣାରେ ସଫଳ ହେଉଛନ୍ତି ସଲମାନ । ଅଲବିରା ଖାନ୍ ସଲମାନଙ୍କ ନିଜ ଭଉଣୀ ହୋଇଥିବାବେଳେ ଅର୍ପିତାଙ୍କୁ ସେ ରାସ୍ତା କଡ଼ରୁ ପାଇ ଘରକୁ ଆଣିଥିଲେ । ଯାହାପରଠାରୁ ସଲମାନ ଓ ତାଙ୍କ ପରିବାର ଅର୍ପିତାଙ୍କୁ ନିଜ ଭଉଣୀ ଭାବେ ହିଁ ଯତ୍ନ ନେଇଆସୁଛନ୍ତି ।

ବରୁଣ ଧୱନଙ୍କ ଅଭିନୀତ ଫିଲ୍ମ ‘ବେବି ଜନ୍’ରେ ସଲମାନଙ୍କୁ କେମିଓ ଭୂମିକାରେ ନଜରକୁ ଆସିଥିଲେ । ଆଗାମୀ ଦିନରେ ସଲମାନଙ୍କ ୨ଟି ଫିଲ୍ମ ଫ୍ଲୋରକୁ ଆସିବାର ଅଛି । ସାଜିଦ ନଦିଆଦୱାଲାଙ୍କ ସିକନ୍ଦର ଏବଂ କିକ୍ -୨ ।