ସହପାଠୀଙ୍କୁ ଆଖିବୁଜା ଗୁଳିମାଡ଼ କଲେ ନାବାଳକ, ଜଣେ ମୃତ ଅନ୍ୟ ଜଣେ ଗୁରୁତର

ୱାଶିଂଟନ୍‌: ଆମେରିକାର ଏକ ସ୍କୁଲରେ ଗୁଳିମାଡ଼ ଘଟଣା ସାମ୍ନାକୁ ଆସିଛି । ଜଣେ ନାବାଳକ ସ୍କୁଲରେ ପଶି ଗୁଳିମାଡ଼ କରିଥିବା ସୂଚନା ।
ଆଖିବୁଜା ଗୁଳିମାଡ଼ ପରେ ନିଜକୁ ଗୁଳି କରି ହତ୍ୟା କଲା ନାବାଳକ ।

ଘଟଣା କ’ଣ: ଆମେରିକାର ନେଶଭିଲେ ଏଣ୍ଟିଓକ୍ ହାଇସ୍କୁଲରେ ଜଣେ ନାବାଳକ ନିଜ ସହପାଠୀଙ୍କ ଉପରେ ଆଖିବୁଜା ଗୁଳିମାଡ଼ କରିଥିଲା ।

ଏହି ଘଟଣାରେ ଜଣେ ଛାତ୍ରୀଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଥିବା ଜଣାପଡ଼ିଛି ।

କ’ଣ କହିଲା ପୋଲିସ: ମେଟ୍ରୋ ନେଶଭିଲେ ପୋଲିସ ଅନୁଯାୟୀ ସ୍କୁଲ କାଫେଟେରିଆରେ ସ୍ଥାନୀୟ ସମୟ ସକାଳ ୧୧ଟା ୯ମିନିଟରେ ଏହି ଘଟଣା ଘଟିଥିଲା ।

ସହପାଠୀଙ୍କୁ ଗୁଳିମାଡ଼ କରିବା ପରେ ଶୁଟର ଜଣଙ୍କ ନିଜକୁ ଗୁଳି କରିଥିଲେ ।

ଅଭିଯୁକ୍ତ ନାବାଳକର ପରିଚୟ: ପୋଲିସ ସୂତ୍ରରୁ ପ୍ରକାଶ ଅଭିଯୁକ୍ତ ଶୁଟର ଜଣଙ୍କ ହେଉଛନ୍ତି ସୋଲୋମୋ ହେଣ୍ଡରସନ୍‌ା ତାଙ୍କୁ ମାତ୍ର ୧୭ ବର୍ଷ ବୟସା

ସ୍କୁଲ ୱେବସାଇଟ୍ ଅନୁଯାୟୀ ଏଠାରେ ପ୍ରାୟ ୨ ହଜାର ଛାତ୍ରଛାତ୍ରୀ ପାଠପଢ଼ୁଛନ୍ତି । ନେଶଭିଲେ ଏଣ୍ଟିଓକ୍ ସହରର ଦକ୍ଷିଣ- ପୂର୍ବ ଦିଗରେ ପ୍ରାୟ ୧୦ ମିଲ୍ ଦୂରତାରେ ସ୍କୁଲ ଅବସ୍ଥିତ ।