ଦୀପାବଳିରେ ଧମାଲ୍ କରିବ ରୋହିତ ଶେଟ୍ଟୀଙ୍କ ବହୁ ପ୍ରତିକ୍ଷିତ ସିନେମା ‘ସୂର୍ଯ୍ୟବଂଶୀ’, ଫିଲ୍ମର ପ୍ରଥମ ଗୀତ ‘ଆଇଲା ରେ ଆଇଲା’ ରିଲିଜ୍
ମୁମ୍ବାଇ (ଭାସ୍କର ନ୍ୟୁଜ୍): ନଭେମ୍ବର ୫ରେ ରିଲିଜ୍ ହେବାକୁ ଯାଉଛି ରୋହିତ ଶେଟ୍ଟୀଙ୍କ ଅପକମିଂ ଫିଲ୍ମ ‘ସୂର୍ଯ୍ୟବଂଶୀ’ । ଅକ୍ଷୟ କୁମାର ଓ କ୍ୟାଟ୍ରିନା କୈଫ୍ଙ୍କ ଯୋଡିକୁ ଦେଖିବାକୁ ଦର୍ଶକେ ବହୁତ ଉତ୍ସାହର ସହ ଅପେକ୍ଷା କରିଛନ୍ତି । ଏହି ଫିଲ୍ମରେ ଅଜୟ ଦେବଗନ ଓ ରଣବୀର ସିଂହ ଗେଷ୍ଟ୍ କଳାକାର ଭାବେ ନଜର ଆସିବେ । ଏହି ଫିଲ୍ମର ପ୍ରଥମ ଗୀତ ‘ଆଇଲା ରେ ଆଇଲା’ ରିଲିଜ୍ ହୋଇଛି । ଅକ୍ଷୟ କୁମାର ଇନଷ୍ଟାଗ୍ରାମରେ ଏହି ଗୀତର ଟିଜର ସେୟାର୍ କରିଛନ୍ତି । ଏହି ଟିଜରରୁ ଜଣାପଡୁଛି ଗୀତଟି ନିଶ୍ଚିତ ମଜାଦାର ହୋଇଥିବ ।
ଏହି ଟିଜରରେ ଅକ୍ଷୟ କୁମାର, ଅଜୟ ଦେବଗନ୍ ଓ ରଣବୀର ସିଂହ ନଜର ଆସିଛନ୍ତି । ଏହି ତିନି ଅଭିନେତା ଗୀତରେ ପୂରା ଆଗ୍ରେସିଭ୍ ମୁଡ୍ରେ ଥିବାର ଜଣାପଡିଛି । ତେବେ ଅକ୍ଷୟ କୁମାର ଏହି ଟିର୍ଜା ସେୟାର କରି ଲେଖିଛନ୍ତି ଯେ ‘ଏହି ଦୀପାବଳି ସୂର୍ଯ୍ୟବଂଶୀ ସହିତ ପ୍ରେକ୍ଷାଳୟକୁ ଫେରିବ । ନଭେମ୍ବର ୫ରେ ରିଲିଜ ହେବ । ସେଲିବ୍ରେସନ୍ ପାଇଁ ଏ ହେଉଛି ଏକ ଟିଜ ।ର୍ । ଏହି ଫିଲ୍ମରେ କ୍ୟାଟ୍ରୀନା କୈଫ୍ଙ୍କର ମଧ୍ୟ ଜବରଦସ୍ତ ଆକ୍ସନ ଦେଖିବାକୁ ମିଳିବ । ପୂର୍ବରୁ ଅକ୍ଷୟ କୁମାର ଓ କ୍ୟାଟ୍ରୀନାଙ୍କ ଯୋଡି ଅନେକ ସୁ ରହିଟ୍ ସିନେମା ଦେଇଛନ୍ତି । ଏହି ଯୋଡିକୁ ଦର୍ଶକେ ମଧ୍ୟ ଖୁବ ପସନ୍ଦ କରନ୍ତି । ତେବେ ଦୀର୍ଘ ଦିନର ବ୍ୟବଧାନ ପରେ ପୁଣି ଏହି ଯୋଡି ପରଦାରେ ଧମାଲ କରିବାକୁ ଫେରୁଛନ୍ତି ।
