ଝଡ଼ କାରଣରୁ ମେକ୍ସିକୋରେ ଭୁଶୁଡିଲା ପିରାମିଡ୍, ପୌରପଚା ଜନଜାତିର ଲୋକ କହିଲେ – ‘ଏହା ହେଉଛି ବିନାଶର ସଙ୍କେତ’
ମେକ୍ସିକୋରେ ଝଡ଼ ଯୋଗୁଁ ଏକ ପ୍ରାଚୀନ ଜନଜାତି ଦ୍ୱାରା ବ୍ୟବହୃତ ଦୁଇଟି ପିରାମିଡ୍ ଭୁଶୁଡି ପଡିଛି । ଏହି ଘଟଣା ପରେ, ଏହାକୁ ନିର୍ମାଣ କରିଥିବା ମୂଳ ଜାତିର ବଂଶଧରମାନେ ଏହାକୁ ଏକ ବଡ଼ ପ୍ରାକୃତିକ ବିପର୍ଯ୍ୟୟ ଭାବି ଭୟ କରିବାରେ ଲାଗିଲେଣି ।
ସୋସିଆଲ ମିଡିଆରେ ଭାଇରାଲ ହୋଇଥିବା ଚିତ୍ରରେ ଏହା ଦେଖିବାକୁ ମିଳିଛି ଯେ, ଜୁଲାଇ ୩୦ ରେ ପ୍ରବଳ ବର୍ଷା ପରେ ପିରାମିଡ ଆଂଶିକ ଭୁଶୁଡି ପଡିଥିଲା ଏବଂ ଏହାର ଏକ ଅଂଶ ଧୋଇ ଯାଇଥିଲା । ଏହି ପିରାମିଡ୍ ଆଧୁନିକ ପୌରପଚା ଲୋକଙ୍କ ପୂର୍ବଜଙ୍କ ଦ୍ୱାରା ନିର୍ମିତ ହୋଇଥିଲା । ଐତିହାସିକଙ୍କ ଅନୁଯାୟୀ, ପ୍ରାଚୀନ ପୌରପଚା ଜନଜାତି ୟାକାଟା ପିରାମିଡ୍ ବ୍ୟବହାର କରି ସେମାନଙ୍କର ଗୁରୁତ୍ୱପୂର୍ଣ୍ଣ ଦେବତା କୁରିକାୱେରୀଙ୍କୁ ମାନବ ବଳି ଉତ୍ସର୍ଗ କରିଥିଲେ । ତେବେ ମାଇକୋଚାନ୍ ରାଜ୍ୟର ଇହୁଆଟଜୋରେ ୟାକାଟା ପିରାମିଡ୍ ମିଳିଥାଏ ।
ସ୍ଥାନୀୟ ବାସିନ୍ଦା ଏହି ଝଡକୁ ବିନାଶର ସଙ୍କେତ ବୋଲି କହିଛନ୍ତି :-
ସେଠାରେ ଥିବା ସ୍ଥାନୀୟ ବାସିନ୍ଦା ତରୟାକିରି ଆଲଭରେଜ୍ କହିଛନ୍ତି ଯେ, ଏହି ଝଡ ବିନାଶକୁ ସୂଚାଇପାରେ । ସେ କହିଛନ୍ତି, ଏହା ଆମର ପୂର୍ବପୁରୁଷମାନଙ୍କ ପାଇଁ ଏକ ଖରାପ ଖବର ଏବଂ ଏକ ବିପଦପୂର୍ଣ୍ଣ ଘଟଣାକୁ ସୂଚାଏ । ପୌରପଚା ଜନଜାତି ଆଜଟେକମାନଙ୍କୁ ପରାସ୍ତ କରି ୧୫୧୯ ମସିହାରେ ସ୍ପେନ ଆକ୍ରମଣ ପୂର୍ବରୁ ୪୦୦ ବର୍ଷ ଶାସନ କରିଥିଲେ । ତରୟାକିରି ଆଲଭରେଜ୍ ଆହୁରି ମଧ୍ୟ କହିଛନ୍ତି ଯେ, ବିଜେତାଙ୍କ ଆଗମନ ପରେ ସମାନ ଘଟଣା ଘଟିଥିଲା ।