ପାକିସ୍ତାନକୁ ଇରଫାନଙ୍କ ଖୋଲା ଚ୍ୟାଲେଞ୍ଜ ; କହିଲେ ଆମ ସହ ଆଉ ଥରେ ଲାଗିଲେ …

ନୂଆଦିଲ୍ଲୀ: ଭାରତୀୟ ଏବଂ ପାକିସ୍ତାନୀ କ୍ରିକେଟରଙ୍କ ମଧ୍ୟରେ ପଡ଼ିଆ ଭିତରେ ଝଗଡ଼ା କିଛି ନୂଆ କଥା ନୁହେଁ। ନିକଟରେ ଅଭିଷେକ ଶର୍ମା ଏବଂ ହାରିସ ରୌଫଙ୍କ ମଧ୍ୟରେ ବିବାଦ ଖବର ଶିରୋନାମା ପାଲଟିଥିଲା।

ପୂର୍ବରୁ ଅନେକ ଖେଳାଳି ପରସ୍ପର ମଧ୍ୟରେ ବିବାଦରେ ପଡ଼ିଛନ୍ତି, ଯେପରିକି ଗୌତମ ଗମ୍ଭୀର ଏବଂ ଶାହିଦ ଆଫ୍ରିଦି, ହରଭଜନ ସିଂହ ଏବଂ ସୋଏବ ଅଖତର। ଏବେ, ପୂର୍ବତନ ଭାରତୀୟ ଅଲରାଉଣ୍ଡର ଇରଫାନ ପଠାନ ଏସିଆ କପର ସୁପର ଫୋରରେ ଦେଖାଦେଇଥିବା ବିବାଦ ଉପରେ ପାକିସ୍ତାନକୁ ଖୋଲା ଚ୍ୟାଲେଞ୍ଜ ଦେଇଛନ୍ତି।

ପାକିସ୍ତାନୀ ଖେଳାଳିଙ୍କୁ ଚେତାବନୀ …
ପ୍ରକୃତରେ, ତାଙ୍କ ୟୁଟ୍ୟୁବ୍ ଚ୍ୟାନେଲରେ, ଇରଫାନ୍ ପଠାନ ଭାରତ-ପାକିସ୍ତାନ ମ୍ୟାଚ୍ ବିଷୟରେ ତାଙ୍କର ସ୍ପଷ୍ଟ ମତ ପ୍ରକାଶ କରିଥିଲେ। ଏସିଆ କପରେ ପାକିସ୍ତାନ ବିପକ୍ଷରେ ଦଳର ଲଗାତାର ଦ୍ୱିତୀୟ ବିଜୟ ପରେ, ଉଭୟ ଦଳର ଖେଳାଳି (ଭାରତ ଏବଂ ପାକିସ୍ତାନ) ମଧ୍ୟରେ ବାକ୍ ଯୁଦ୍ଧ ଦେଖିବାକୁ ମିଳିଥିଲା। ମ୍ୟାଚ୍ ପରେ ଶୁଭମନ ଗିଲ୍ ଏବଂ ଅଭିଷେକ ଶର୍ମା କହିଥିଲେ ଯେ ପାକିସ୍ତାନୀ ଖେଳାଳିମାନେ ଏପରି କିଛି କଥା କହିଥିଲେ ଯାହା ସେମାନଙ୍କୁ କହିବା ଉଚିତ୍ ନଥିଲା।

ଇରଫାନ ପଠାନ କଣ କହିଲେ :

ଇରଫାନ ପଠାନ କହିଛନ୍ତି ଯେ ସେ କେବେ କାହାର କଥା ଦ୍ୱାରା ପ୍ରଭାବିତ ହୁଅନ୍ତି ନାହିଁ। କିନ୍ତୁ ଯଦି କେହି କିଛି କୁହନ୍ତି, ତାହା ଅଷ୍ଟ୍ରେଲୀୟ ହେଉ କି ପାକିସ୍ତାନୀ, ସେମାନେ ଜବାବ ଦେବେ। ଜବାବ ବ୍ୟାଟ୍ ସହିତ ଦିଆଯିବ।

“ଯଦି ତୁମେ ଆମ ସହିତଲାଗିଲ, ତେବେ ଆମେ ତୁମକୁ ଛାଡିବୁ ନାହିଁ। ଏହା ଆମର ନିୟମ। ଆମେ ମ୍ୟାଚ୍‌ରେ ଏହା ଦେଖେଇ ଦେଲୁ। ମୁଁ ଭାବୁଥିଲି ହାରିସ୍ ଜଣେ ଭଲ ବ୍ୟକ୍ତି ଥିଲେ, କିନ୍ତୁ ମ୍ୟାଚ୍‌ରେ ସେ ଯେପରି ଅଭିନୟ କରିଥିଲେ ତାହା ମୁଁ ଆଶା କରି ନ ଥିଲା। ମ୍ୟାଚ୍‌ରେ ଏହି ଦୁଇ ଖେଳାଳି ଯେଉଁଭଳି ବ୍ୟବହାର କରିଥିଲେ ତାହା ଦର୍ଶାଏ ଯେ ସେମାନେ କେଉଁଠାରୁ ଆସିଛନ୍ତି ଏବଂ ସେମାନେ କ’ଣ କରିବେ।”