ୱେଷ୍ଟଇଣ୍ଡିଜ ଗସ୍ତ ପାଇଁ ଭାରତୀୟ ଦଳ ଘୋଷଣା: ଏହି ଖେଳାଳିଙ୍କୁ ମିଳିଲା ଅଧିନାୟକ ପଦ
ନୂଆଦିଲ୍ଲୀ: ଇଂଲଣ୍ଡ ପରେ ୱେଷ୍ଟଇଣ୍ଡିଜ ଗସ୍ତରେ ଯିବ ଟିମ ଇଣ୍ଡିଆ । ଏଥି ପାଇଁ ଆଜି ଭାରତୀୟ ଦଳର ଘୋଷଣା କରିଛି ବିସିସିଆଇ । ୱେଷ୍ଟଇଣ୍ଡିଜ ବିପକ୍ଷରେ ଭାରତ ୩ ମ୍ୟାଚ ବିଶିଷ୍ଟ ଦିନିକିଆ ସିରିଜ ଖେଳିବ । ଏହି ଦଳରେ ସିନିୟର ଖେଳାଳିମାନଙ୍କୁ ବିଶ୍ରାମ ଦିଆଯାଇଥିବା ବେଳେ ଦଳକୁ ମିଳିଛି ଆଉ ଜଣେ ନୂଆ ଅଧିନାୟକ ।
ଇଂଲଣ୍ଡ ଗସ୍ତ ପରେ ଭାରତ ୱେଷ୍ଟ ଇଣ୍ଡିଜ ବିପକ୍ଷରେ ୩ଟି ଦିନିକିଆ ସିରିଜ ଏବଂ ୫ଟି ଟି-୨୦ ମ୍ୟାଚ ଖେଳିବ । ତେବେ ଭାରତ କେବଳ ଦିନିକିଆ ସିରିଜ ପାଇଁ ଦଳ ଘୋଷଣା କରିଛି ଯେଉଁଥିରେ ଆଉ ଜଣେ ନୂଆ ଖେଳାଳିଙ୍କୁ ମିଳିଛି ଦଳର ନେତୃତ୍ୱ । ଟିମ ଇଣ୍ଡିଆ ଗବର ଅର୍ଥାତ ଶିଖର ଧୱନଙ୍କୁ ଦଳର ଅଧିନାୟକ ଭାବରେ ଦାୟିତ୍ୱ ଦିଆଯାଇଛି । ଏହି ସିରିଜର ଉପଅଧିନାୟକ ଭାର ସମ୍ଭାଳିବେ ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜା ।
ଏହି ସିରିଜ ପାଇଁ ରୋହିତ ଶର୍ମା, ବିରାଟ କୋହଲି, ଜସପ୍ରୀତ ବୁମରାହ ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ଭଳି ସିନିୟର ଖେଳାଳିମାନଙ୍କୁ ଆରାମ ଦିଆଯାଇଛି । ତେଣୁ ଧୱନଙ୍କୁ ଦଳର ନେତୃତ୍ୱ ପଦ ଦିଆଯାଇଛି । ଏହି ସିରିଜରେ ଅନେକ ଖେଳାଳିଙ୍କୁ ପ୍ରତ୍ୟାବର୍ତ୍ତନ କରିବା ପାଇଁ ସୁଯୋଗ ମିଳିବ । ସଞ୍ଜୁ ସାମସନ, ଅକ୍ଷର ପଟେଲ, ମହମ୍ମଦ ସିରାଜ ଏବଂ ଶାର୍ଦ୍ଦୁଳ ଠାକୁରଙ୍କ ସମେତ ଅଧିନାୟକ ଶିଖର ଧୱନ ମଧ୍ୟ ଦଳକୁ କମବ୍ୟାକ କରିବେ ।
#TeamIndia ODI squad:
Shikhar Dhawan (C), Ravindra Jadeja (VC), Ruturaj Gaikwad, Shubman Gill, Deepak Hooda, Suryakumar Yadav, Shreyas Iyer, Ishan Kishan (WK), Sanju Samson (WK), Shardul Thakur, Yuzvendra Chahal, Axar Patel, Avesh Khan, Prasidh Krishna, Mohd Siraj, Arshdeep Singh— BCCI (@BCCI) July 6, 2022
ଆସନ୍ତା ୨୨ ତାରିଖରୁ ଭାରତର ୱେଷ୍ଟଇଣ୍ଡିଜ ଗସ୍ତ ଆରମ୍ଭ ହେଉଥିବା ବେଳେ ଆଜି ଏଥିପାଇଁ ଦଳ ଘୋଷଣା କରିଛି ବିସିସିଆଇ । ୱେଷ୍ଟଇଣ୍ଡିଜ ବିପକ୍ଷରେ ପ୍ରଥମ ଦିନିକିଆ ମ୍ୟାଚ ଜୁଲାଇ ୨୨ ତାରିଖରେ ଖେଳିବ ଭାରତ । ଏହାପରେ ୨୪ ଏବଂ ୨୭ ତାରିଖରେ ଶେଷ ଦୁଇଟି ମ୍ୟାଚ ଖେଳାଯିବାର ସୂଚୀ ରହିଛି । ଏହାପରେ ୨୯ ତାରିଖରୁ ଆରମ୍ଭ ହେବ ଟି-୨୦ ସିରିଜ । ୨୯ ତାରିଖରେ ପ୍ରଥମ, ଅଗଷ୍ଟ ୧ ରେ ଦ୍ୱିତୀୟ ମ୍ୟାଚ ଖେଳାଯିବାକୁ ଥିବା ବେଳେ ୨ ତାରିଖରେ ସିରିଜର ତୃତୀୟ ମ୍ୟାଚ ଖେଳାଯିବ । ସେହିପରି ଚତୁର୍ଥ ଏବଂ ପଞ୍ଚମ ମ୍ୟାଚ ଅଗଷ୍ଟ ୬ ଏବଂ ୭ ତାରିଖରେ ଖେଳାଯିବ ।
