ପୁଣି ଶସ୍ତା ହେଲା ସୁନାଦର: ଜାଣନ୍ତୁ ଆଜିର ରେଟ୍
ନୂଆଦିଲ୍ଲୀ: ମଲ୍ଟି କମୋଡିଟି ଏକ୍ସଚେଞ୍ଜ ବା ଏମସିଏକ୍ସରେ ସୁନା ମୂଲ୍ୟ ନିକଟରେ ବଢ଼ିଥିବା ଉଚ୍ଚସ୍ତରରୁ ପ୍ରାୟ ୪୦୦୦ ଟଙ୍କା କମ୍ ହୋଇଛି । ଏମସିଏକ୍ସରେ ସୁନା ମୂଲ୍ୟ ଶୁକ୍ରବାର ଦିନ ୫୧,୪୭୫ ଟଙ୍କାର ସ୍ତରରେ ବନ୍ଦ ହୋଇଛି । ଏହା ପୂର୍ବରୁ ସୁନାର ଉଚ୍ଚସ୍ତରର ମୂଲ୍ୟ ୧୦ ଗ୍ରାମ ପିଛା ୫୫,୫୫୮ ଟଙ୍କା ଥିଲା ।
କମୋଡିଟି ବଜାର ବିଶେଷଜ୍ଞଙ୍କ ଅନୁସାରେ, ନିକଟରେ ଆମେରିକାର ଫେଡ ସୁଧ ହାରରେ ୨୫ ବିପିଏସ୍ ବୃଦ୍ଧି ଏବଂ ମୁଦ୍ରାସ୍ଫୀତି ଚାପକୁ ହ୍ରାସ କରିବା ପାଇଁ ସୁଧ ହାରକୁ ତ୍ୱରାନ୍ୱିତ କରିବାକୁ ଚେଷ୍ଟା କରାଯାଉଛି । ଏହାର ପ୍ରଭାବ ସୁନାର ମୂଲ୍ୟ ଉପରେ ପ୍ରଭାବ ପଡ଼ୁଛି ।
ଭାରତୀୟ ସର୍ରାଫା ବଜାରରେ ସୁନା-ରୂପାର ସାପ୍ତାହିକ ମୂଲ୍ୟରେ ହ୍ରାସ ଘଟିଛି । ଏହି ବାଣିଜ୍ୟ ସପ୍ତାହରେ ୨୪ କ୍ୟାରେଟ୍ ସୁନା ମୂଲ୍ୟ ୩୯୭ ଟଙ୍କା ହ୍ରାସ ପାଇଛି । ଏଥିସହିତ ରୂପା ମୂଲ୍ୟ ୪୦୯ ଟଙ୍କା ହ୍ରାସ ପାଇଛି । ମାର୍ଚ୍ଚ ୧୪ ରୁ ୧୭ ମାର୍ଚ୍ଚରେ ୨୪ କ୍ୟାରେଟ୍ ସୁନା ହାର ୫୧,୯୬୧ ଟଙ୍କା ଥିଲା, ଯାହା ଗୁରୁବାର ସୁଦ୍ଧା ୧୦ ଗ୍ରାମ ପିଛା ୫୧,୫୬୪ ଟଙ୍କାକୁ ଖସିଥିଲା । ଏଥିସହିତ ୯୯୯ ଶୁଦ୍ଧତାର ରୂପା ମୂଲ୍ୟ ୬୮,୪୧୪ ରୁ କମି କିଲୋଗ୍ରାମ ପିଛା ୬୮,୦୦୫ ଟଙ୍କାକୁ ଆସିଛି ।
