ବିଲକିସ୍ ବାନୋ ମାମଲା; ଗୁଜୁରାଟ ସରକାରଙ୍କୁ ଝଟକା, ଆବେଦନ ଖାରଜ

ଗୁଜୁରାଟ : ସୁପ୍ରିମକୋର୍ଟରୁ ଗୁଜୁରାଟ ସରକାରଙ୍କୁ ଝଟକା । ଆଜି ସୁପ୍ରିମକୋର୍ଟ ଗୁଜୁରାଟ ସରକାରଙ୍କ ଆବେଦନକୁ ପ୍ରତ୍ୟାଖାନ କରିଛନ୍ତି । ଜଷ୍ଟିସ ବିଭି ନାଗରତ୍ନା ଏବଂ ଜଷ୍ଟିସ ଉଜ୍ବଳ ଭୂୟାଁଙ୍କ ଖଣ୍ଡପୀଠ ଗୁଜରାଟ ସରକାରଙ୍କ ଆବେଦନକୁ ଖାରଜ କରିଛନ୍ତି । କହିଛନ୍ତି ଯେ, ଯେଉଁ ନିର୍ଦ୍ଦେଶକୁ ଚାଲେଞ୍ଜ କରାଯାଇଥିଲା, ଆମେ ତାହାକୁ ହୃଦୟଙ୍ଗମ କରିଛୁ । ଏଥିରେ କୌଣସି ତ୍ରୁଟି ନଥିବା କାରଣରୁ ରିଭ୍ୟୁ ପିଟିସନକୁ ଖାରଜ କରାଯାଉଛି ।

ପ୍ରକାଶଥାଉକି, 2022 ମସିହାରେ ଗୁଜୁରାଟ ଦଙ୍ଗା ସମୟରେ ବିଲକିସଙ୍କୁ ଦୁଷ୍କର୍ମ ସହିତ ପରିବାରର 7ଜଣଙ୍କୁ ନିର୍ମମ ଭାବେ ହତ୍ୟା କରାଯାଇଥିଲା । ସେହି ସମୟରେ ବିଲକିସ୍ 5 ମାସର ଗର୍ଭବତୀ ଥିଲେ ।  ଏହି ଘଟଣାରେ ଦୋଷୀ ସାବ୍ୟସ୍ତ ହୋଇଥିବା ସମସ୍ତ 11 ଜଣ କିଛି ଦିନ ଜେଲ ଦଣ୍ଡ ଭୋଗିବା ପରେ ଗୁଜୁରାଟ ସରକାର କ୍ଷମା ଦେଇ ଛାଡି ଦେଇଥିଲେ । ତେବେ ଏହାକୁ ସୁପ୍ରିମକୋର୍ଟ ଆଗ୍ରହ୍ୟ କରି ପୁଣି ସମସ୍ତ ଦେଷୀଙ୍କୁ ଜେଲ୍ ପଠାଇ ଦେଇଥିଲେ । କିନ୍ତୁ ଗୁଜରାଟ ସରକାର ପୁନଃବିଚାର କରିବା ପାଇଁ କହିଥିଲେ । କିନ୍ତୁ ଆଜି ଏହାକୁ ସୁପ୍ରିମକୋର୍ଟ ଆଗ୍ରହ୍ୟ କରିଦେଇଛନ୍ତି ।ପ୍ରକାଶଥାଉକି, ଗତ ଜାନୁଆରି ୮ ତାରିଖରେ ସୁପ୍ରିମକୋର୍ଟ ବିଲ୍କିସ୍ ବାନୋ ମାମଲାରେ ୧୧ ଜଣ ଦୋଷୀଙ୍କୁ ଗୁଜରାଟ ସରକାର ଦୋଷମୁକ୍ତ କରିବା ଘଟଣାକୁ ରଦ୍ଦ କରିଥିଲେ। ଅଭିଯୁକ୍ତଙ୍କ ସହ ମିଶି ଦୋଷୀମାନଙ୍କୁ ମୁକ୍ତ କରିବା ପାଇଁ ରାଜ୍ୟ ସରକାରଙ୍କୁ କୋର୍ଟ ସମାଲୋଚନା କରିଥିଲେ।