ଜାପାନରେ ରେକର୍ଡ କଲା କିରଣ ରାଓଙ୍କ ‘ଲାପତା ଲେଡିଜ୍’ ୪୫ ଦିନରେ ୨ କୋଟିରୁ ଅଧିକ ବ୍ୟବସାୟ

ମୁମ୍ବାଇ: କିରଣ ରାଓଙ୍କ ଫିଲ୍ମ ଲାପତା ଲେଡିଜର ସଫଳତା କେବଳ ଭାରତରେ ସୀମିତ ନାହିଁ । ଜାପାନରେ ଫିଲ୍ମ ସବୁ ବଡ଼ ବଡ଼ ଷ୍ଟାରଙ୍କ ଫିଲ୍ମର ରେକର୍ଡ ଭାଙ୍ଗିଛି । ମିଳିଥିବା ସୂଚନା ଅନୁସାରେ ଏହି ରୁରାଲ କମେଡି ଡ୍ରାମା ଶାହାରୁଖ ଖାନଙ୍କ ପଠାନ୍ ଏବଂ ପ୍ରଭାସଙ୍କ ସାଲାରକୁ ପଛରେ ପକାଇ ଦେଇଛି । କିରଣଙ୍କ ନିଦେ୍ର୍ଦଶିତ ଏହି ଫିଲ୍ମ ଜାପାନରେ ୫୦ ମିଲିୟନ ୟେନ୍ ରୋଜଗାର କରିଛି । ଭାରତୀୟ ମୂଦ୍ରା ଅନୁସାରେ ଫିଲ୍ମଟି ଜାପାନରେ ମାତ୍ର ୪୫ ଦିନରେ ୨.୭୫ କୋଟି ଟଙ୍କା ରୋଜଗାର କରିଛି । ପୂର୍ବରୁ ବଲିଉଡ୍ ଫିଲ୍ମ ପଠାନ୍ ୫୦ ନିୟୁତ ୟେନ୍ ରେଜଗାର କରିଥିବାବେଳେ ତା ପଛକୁ ଥିଲା ସାଲାର ଯାହା ୪୬ ନିୟୁତ ୟେନ୍ କଲେକ୍ସନ କରିଥିଲା । ୱାର୍ଲ୍ଡୱାଇଡ୍ ଲାପତା ଲେଡିଜ୍ ୩୧ କୋଟି ଟଙ୍କା ଆୟ କରିସାରିଛି । ଯେଉଁଥିରୁ ୨୫ କୋଟି କେବଳ ଭାରତରେ ହିଁ କଲେକ୍ସନ୍ କରିଛି ଏହି ଫିଲ୍ମ ।

ଜାପାନରେ ସବୁଠାରୁ ଅଧିକ ରୋଜଗାର କରିଛି ପାନ୍ ଇଣ୍ଡିଆନ୍ ଫିଲ୍ମ ଆରଆରଆରର । ଯେଉଁଥିରେ ଅଭିନୟ କରିଥିଲେ ରାମ ଚରଣ ଏବଂ ଜୁନିୟର ଏନଟିଆର୍ । ଆଗାମୀ ଦିନରେ ଏହି ଫିଲ୍ମ ବାହୁବଳୀ ବିଗ୍ନିଙ୍ଗ ଏବଂ ବଜରଙ୍ଗୀ ଭାଇ ଜାନର ରେକର୍ଡକୁ ପଛରେ ପାକାଇବ ବୋଲି ଆଲୋଚନା ହେଉଛି । ଏହି ଦୁଇ ଫିଲ୍ମ ଯଥାକ୍ରମେ ୭୫ ମିଲିୟନ୍ ୟେନ୍ ଏବଂ ୮୦ ମିଲିୟନ ୟେନ୍ରେ ରହିଛି । ରେଳ ଷ୍ଟେଶନରେ ହଜିଯାଉଥିବା ଦୁଇ ନବବିବାହିତା ମହିଳାଙ୍କ ଉପରେ ଲାପତା ଲେଡିଜ୍ର କାହାଣୀ ଆଧିରୀତ । ଫିଲ୍ମ କମେଡି, ଇମୋଶନ୍, ରୋମାନ୍ସର ତଡ଼କା ଦେଖିବାକୁ ମିଳିଛି ।