ମଙ୍ଗଳବାରଠୁ ଚିଲିକାରେ ପକ୍ଷୀ ଗଣନା, ବାଲୁଗାଁ ଡିଭିଜନର ୫ ରେଞ୍ଜ ଏରିଆରେ କରାଯିବ ଗଣନା
ଚିଲିକା, (ଭାସ୍କର ନ୍ୟୁଜ୍): ଆସନ୍ତା ୪ ତାରିଖ ମଙ୍ଗଳବାରଠାରୁ ଚିଲିକାରେ ପକ୍ଷୀ ଗଣନା ଆରମ୍ଭ କରାଯିବ । ୪ ତାରିଖ ସକାଳ ୬ଟାଠାରୁ ପୂର୍ବାହ୍ନ ୧୧ଟା ପର୍ଯ୍ୟନ୍ତ ଏହି ପକ୍ଷୀଗଣନା କରାଯିବ । ଏଥିନେଇ ୩ ତାରିଖରେ ଗଣନାକାରୀ ଟିମ୍କୁ ତାଲିମପ୍ରଦାନ କରାଯିବା ନେଇ ବ୍ୟବସ୍ଥା କରାଯାଇଛି । ସମଗ୍ର ଚିଲିକା ତଥା ବନ୍ୟପ୍ରାଣୀ ବିଭାଗ ବାଲୁଗାଁ ଡିଭିଜନର ୫ ରେଞ୍ଜ ଏରିଆରେ ଏହି ଗଣନା କାର୍ଯ୍ୟ ଚାଲୁ ରହିବ । ପ୍ରତିବର୍ଷ ପରି ଚଳିତବର୍ଷ ଚିଲିକାକୁ କେତେ ସଂଖ୍ୟକ ଦେଶୀ ବିଦେଶୀ ପକ୍ଷୀ ଆଗମନ କରିଛନ୍ତି ସେ ନେଇ ତଥ୍ୟ ସଂଗ୍ରହ କରାଯିବ ।
