ଆଦାନୀ ପରିବାରର ସାନ ବୋହୂ ହେବେ ଦିଭା ଜେମିନ୍ ଶାହ, ଜାଣନ୍ତୁ କେତେ ସମ୍ପତ୍ତିର ମାଲିକ ଜିତ୍ ଆଦାନୀ
ନୂଆଦିଲ୍ଲୀ: ଆଦାନୀ ଗ୍ରୁପ୍ ଅଫ୍ କମ୍ପାନୀର ଚେୟାରମ୍ୟାନ୍ ଗୌତମ ଆଦାନୀ । ବର୍ତ୍ତମାନ ତାଙ୍କ ସାନ ପୁଅ ଜୀତ ଆଦାନୀଙ୍କ ବିବାହ ପ୍ରସ୍ତୁତିରେ ସମସ୍ତେ ବ୍ୟସ୍ତ । ଗୁଜରାଟର ବିଶିଷ୍ଟ ହୀରା ବ୍ୟବସାୟୀ ଜେମିନ୍ ଶାହଙ୍କ ସୁପୁତ୍ରୀ ଦୀଭା ଶାହଙ୍କୁ ବିବାହ କରିବେ ଜୀତ । ଏଥିପାଇଁ ଉଦୟପୁରରେ ୩ଟି ବିଳାସପୂର୍ଣ୍ଣ ହୋଟେଲ ବୁକ୍ କରାଯାଇଛି । ଡିସେମ୍ବର ୧୦ରୁ ୧୧ ତାରିଖ ପର୍ଯ୍ୟନ୍ତ ଜୀତ ଏବଂ ଦିଭାଙ୍କ ପ୍ରି- ୱେଡିଂ ସେରିମନି ଉଦୟପୁରରେ ଅନୁଷ୍ଠିତ ହେବ । ଏଥିପାଇଁ ଲେକ୍ ପ୍ୟାଲେସ୍, ଉଦୟ ଭିଲାସ୍ ଏବଂ ଲୀଲା ପ୍ୟାଲେସ୍ ବୁକ୍ କରାଯାଇଛି ।
ଜୀତ ଆଦାନୀଙ୍କ କ୍ୟାରିୟର ଏବଂ ମୋଟ୍ ସମ୍ପତ୍ତି
ଆଦାନୀ ଗ୍ରୁପ୍ ଅଫ୍ କମ୍ପାନୀରେ ଗୌତମ ଆଦାନୀଙ୍କ ବଡ଼ ପୁଅ କରଣ ଆଦାନୀ ଏବଂ ସାନ ପୁଅ ଜୀତ ଆଦାନୀ ଗୁରୁତ୍ୱପୂର୍ଣ୍ଣ ଦାୟିତ୍ୱ ତୁଲାଉଛନ୍ତି । ୨୦୧୯ରେ ଜୀତ ଆମେରିକା ୟୁପିଭର୍ସିଟି ଅଫ୍ ପେନସିଲଭେନିଆରୁ ସ୍ନାତକ କରିଥିଲେ । ଜୀତ ଆଦାନୀ ଗ୍ରୁପ୍ ଫାଇନାନ୍ସର ଉପାଧ୍ୟକ୍ଷ ଏବଂ କରଣ ଆଦାନୀ ଡିଜିଟାଲ ଲ୍ୟାବ୍ସର ନିର୍ଦ୍ଦେଶକ ଅଟନ୍ତି । ଜୀତ ସିଏଫଓ ଅଫିସରୁ କ୍ୟାରିୟର ଆରମ୍ଭ କରିଥିଲେ । ଆଦାନୀ ଗ୍ରୁପର ବିଭିନ୍ନ ବିଭାଗରୁ ଅନୁଭବ ପ୍ରାପ୍ତ କରିଛନ୍ତି । ଫାଇନାନ୍ସ, ରଣନୀତିକ ଯୋଜନା ଏବଂ ସଞ୍ଚାଳନ ଭଳି ପ୍ରମୁଖ କ୍ଷେତ୍ରରେ ତାଙ୍କର ଯୋଗଦାନ ରହିଛି । ଆଦାନର ଗ୍ରୁପର ବିମାନବନ୍ଦର ବ୍ୟବସାୟରେ ମଧ୍ୟ ଜୀତ ପ୍ରମୁଖ ଭୂମିକା ଗ୍ରହଣ କରିଛନ୍ତି । ସେ ଆଦାନୀ ଗ୍ରୁପର ଅକ୍ଷୟ ଶକ୍ତି ପ୍ରକଳ୍ପଗୁଡ଼ିକୁ ପ୍ରୋତ୍ସାହିତ କରିବାରେ ମଧ୍ୟ ବହୁତ ସକ୍ରିୟ । ସେ ଆଦାନୀ ଫାଉଣ୍ଡେସନ୍ ସହ ମଧ୍ୟ ଜଡ଼ିତ । ରିପୋର୍ଟ ଅନୁଯାୟୀ ଜୀତ ଆଦାନୀ ମୋଟ୍ ୧.୨ ବିଲିୟନ୍ ଡଲାର(ଭାରତୀୟ ମୁଦ୍ରାରେ ୧୦୦୦ କୋଟି ଟଙ୍କା)ର ମାଲିକ । ତାଙ୍କୁ ରେସିଂ ବାଇକ୍, ବିଳାସପୂର୍ଣ୍ଣ ଗାଡ଼ି ରଖିବା ସହ ଫଟୋଗ୍ରାଫି ଏବଂ ଗିଟାର ବଜାଇବାର ସଉକ ରହଛି ।
୨୦୨୩ରେ ଦିଭା ଏବଂ ଜୀତଙ୍କ ନିର୍ବନ୍ଧ ହୋଇଥିଲା । ବିଜନେସ୍ ଏବଂ ଫାଇନାନ୍ସ ବିଷୟରେ ଦିଭାଙ୍କ ଉତ୍ତମ ଜ୍ଞାନ ରହିଛି । ସେ ସୋସିଆଲ ମିଡିଆରେ ଅଧିକ ଆକ୍ଟିଭ ନୁହଁନ୍ତି । ବର୍ତ୍ତମାନ ଜୀତଙ୍କ ସହ ତାଙ୍କ ବିବାହ ଏବଂ ପ୍ରି- ୱେଡିଂକୁ ନେଇ ଚର୍ଚ୍ଚା ଲାଗି ରହିଛି ।
