ନକଲି କଂଗ୍ରେସଙ୍କୁ ମଝିରେ ମଝିରେ ମହାତ୍ମା ଗାନ୍ଧୀଙ୍କ କଥା ମନେପଡୁଛି: ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ

ନୂଆଦିଲ୍ଲୀ: ଆଜି ସଂସଦ ଶୀତଅଧିବେଶନର ୧୧ତମ କାର୍ଯ୍ୟଦିବସ । ଲୋକସଭାରେ ଚୀନ ପ୍ରସଙ୍ଗରେ ଆଜି ମଧ୍ୟ ବିରୋଧୀଙ୍କ ଅନ୍ଦୋଳନ ଜାରି ରହିଛି । ଏହା ବ୍ୟତିତ ଆଜି ସଂସଦର ସେଣ୍ଟ୍ରାଲ ହଲରେ କଂଗ୍ରେସ ସଂସଦୀୟ ଦଳର ଏକ ବୈଠକ ମଧ୍ୟ ଅନୁଷ୍ଠିତ ହୋଇଥିଲା । ସେଠାରେ ଦଳର ଅନେକ ବରିଷ୍ଠ ନେତା ଉପସ୍ଥିତ ଥିଲେ । କଂଗ୍ରେସ ସାଂସଦ ପି. ଚିଦାମ୍ବରମ୍ କହିଛନ୍ତି ଯେ, ଆମେ ଚୀନ ଉପରେ ଆଲୋଚନା ଚାହୁଁଚୁ । ଦେଶରେ ତାଙ୍କ ଅନୁପ୍ରବେଶକୁ ବନ୍ଦ କରାଯାଉନାହିଁ କାହିଁକି । ଆମେ ଏତିକି ଜାଣିବାକୁ ଚାହୁଁଛୁ ଯେ, ବର୍ତ୍ତମାନ ପ୍ରସ୍ତୁତିର ସ୍ତର କଣ? ଚୀନ ସୈନ୍ୟଙ୍କ ସହ ୧୬ ରାଉଣ୍ଡ ଆଲୋଚନାରେ ପିଏଲଏ କଣ ହାସଲ କରିଛି? ଏବଂ ବାଲିରେ ଆମ ପ୍ରଧାନମନ୍ତ୍ରୀ ଚୀନ ରାଷ୍ଟ୍ରପତିଙ୍କୁ କଣ କହିଛନ୍ତି?

କେନ୍ଦ୍ରୀୟ ମନ୍ତ୍ରୀ କିରଣ ରିଜିଜୁ କହିଛନ୍ତି ଯେ, ୨୦୦୫ମସିହାରେ ଯେତେବେଳେ ଆମେ ବିପକ୍ଷରେ ଥିଲୁ ଏବଂ ଚୀନ ସୀମାନ୍ତ ବିଷୟକୁ ଉଠାଇଥିଲୁ ସେତେବେଳେ ପ୍ରଣବ ଦାଦା ଏବଂ ପ୍ରଧାନମନ୍ତ୍ରୀ ମନମୋହନ ସିଂ ମୋତେ କହିଥିଲେ ଯେ, ଚୀନ ସୀମାନ୍ତ ପ୍ରସଙ୍ଗ ସମ୍ବେଦନଶୀଳ ହେବାକୁ ଲାଗିଛି । ତାକୁ ନ ନିଆଁ ଲଗାଇ ଆନ୍ତରୀକ ରୂପରେ ତାକୁ ସମାଧାନ କରିବା ଆବଶ୍ୟକ । ୨୦୦୮ରେ ମଧ୍ୟ ଚୀନ ରାଷ୍ଟ୍ରପତି ଯେତେବେଳେ ଭାରତକୁ ଆସିଥିଲେ ସେତେବେଳେ ଏହି ପ୍ରସଙ୍ଗ ଉପରେ ଆମେ ଆଲୋଚନା କରିବା ପରେ ସେହି ସମାନ ଉତ୍ତରର ସମ୍ମୁଖୀନ ହୋଇଥିଲୁ । ସେତେବେଳେ ସରକାର କଂଗ୍ରେସ ଥିବାରୁ ଏମାନେ ବିପକ୍ଷରେ ଏହି କଥା କହୁଥିଲେ । ବର୍ତ୍ତମାନ ସେହି କଂଗ୍ରେସ ଚୀନର କଥାକୁ ଚର୍ଚ୍ଚାରେ ଆଣିବାକୁ ଚାହୁଁଛି, ଏହା ଶୁଣି ଆଶ୍ଚର୍ଯ୍ୟ ଲାଗୁଛି ।

ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି ଯେ, ଏହା ଅତ୍ୟନ୍ତ ଖୁସିର କଥା ଯେ, ନକଲି କଂଗ୍ରେସ ସମୟ ସମୟରେ ମହାତ୍ମା ଗାନ୍ଧୀଙ୍କୁ ମନେ ପକାଉଛନ୍ତି । ମୁଁ ତାଙ୍କୁ ମନେ ପକାଇବାକୁ ଚାହେଁ, ତାଙ୍କ କାର୍ଯ୍ୟକାଳ ମଧ୍ୟରେ କ’ଣ ହୋଇଥିଲା ଏବଂ ଆମେ କ’ଣ ହରାଇଥିଲୁ? ନେହେରୁ ଜୀଙ୍କ ହେତୁ ଆମେ କେତେ ଜମି ହରାଇଛୁ ଏବଂ କେତେ ଲାଭ କରିଛୁ ତାହା ସେମାନେ ଜାଣିବା ଆବଶ୍ୟକ।

କଂଗ୍ରେସ ସାଂସଦ ଶଶି ଥରୁର କହିଛନ୍ତି ଯେ, ବିରୋଧୀ ସଂସଦରେ ଭାରତ-ଚୀନ୍ ସୀମା ବିବାଦ ଉପରେ ଆଲୋଚନା କରିବାକୁ ଦାବି କରୁଛୁ । ସରକାର ଲୋକଙ୍କ ନିକଟରେ ଉତ୍ତରଦାୟୀ, ଆମେ ସମସ୍ତେ ଦେଶର ସୁରକ୍ଷା ପାଇଁ ଛିଡା ହୋଇଛୁ। ସୀମାରେ ପରିସ୍ଥିତି କ’ଣ, ଜୁନ୍ ୨୦୨୦ରେ ଆମର ୨୦ ଜଣ ଯବାନଙ୍କୁ କାହିଁକି ହତ୍ୟା କରାଯାଇଥିଲା? ଏହା ଜାଣିବା ନିହାତି ଆବଶ୍ୟକ।

ଲୋକସଭାର ପ୍ରକ୍ରିୟା ଆରମ୍ଭ ହେବା ମାତ୍ରେ ବିରୋଧୀମାନେ ଚୀନ୍ ପ୍ରସଙ୍ଗରେ ଆଲୋଚନା କରିବା ପାଇଁ ଏକ ରୁକ୍ ଆରମ୍ଭ କରିଥିଲେ। କଂଗ୍ରେସ ସାଂସଦ ମନୀଷ ତେୱାରୀ କହିଛନ୍ତି ଯେ, ବିଶ୍ୱ ରେ କୋଭିଡ ଗୁରୁତର ହେବା ପରିସ୍ଥିତିରୁ ଆମେ ଚୀନ୍‌ରେ କ’ଣ ଘଟୁଛି ତାହା ଦେଖିପାରୁ, ସେମାନଙ୍କ ସ୍ୱାସ୍ଥ୍ୟ ବ୍ୟବସ୍ଥା ଚାପରେ ରହିଛି। ମୁଁ ଦାବି କରିଛି ଯେ, ଚୀନ୍ ଏବଂ ବିମାନ ଚଳାଚଳ ବନ୍ଦ କରାଯାଉ। ଅନ୍ୟ ଦେଶରେ କୋଭିଡ୍ ମାମଲା ଯେପରି ବଢୁଛି ଏହା ଚିନ୍ତାର ବିଷୟ ।