ହାଇକୋର୍ଟରେ ଚାକିରି ପାଇଁ ସୁବର୍ଣ୍ଣ ସୁଯୋଗ, ପ୍ରାର୍ଥୀମାନେ ଏହି ତାରିଖ ପର୍ଯ୍ୟନ୍ତ କରିପାରିବେ ଆବେଦନ
ମୁମ୍ବାଇ,୨୪ା୧: ଯଦି ଆପଣ ଚାକିରି ଖୋଜୁଛନ୍ତି ତେବେ ଏହି ଖବର ଆପଣଙ୍କ ପାଇଁ ଅତ୍ୟନ୍ତ ଉପଯୋଗୀ। କିରାଣି ପଦବୀରେ ନିଯୁକ୍ତି ପାଇଁ ବମ୍ବେ ହାଇକୋର୍ଟ ବିଜ୍ଞପ୍ତି ଜାରି କରିଛନ୍ତି। ଏଥିରେ ୧୨୯ଟି ପଦବୀ ଖାଲି ପଡ଼ିଛି । ସରକାରୀ ଚାକିରିର ସ୍ୱପ୍ନ ଦେଖୁଥିବା ପ୍ରାର୍ଥୀଙ୍କ ପାଇଁ ଏହା ଏକ ସୁବର୍ଣ୍ଣ ସୁଯୋଗ। ଏହି ଅଭିଯାନ ପାଇଁ ପ୍ରାର୍ଥୀମାନେ କିପରି ଆବେଦନ କରିପାରିବେ ଆସନ୍ତୁ ଜାଣିବା…
ଏହି ନିଯୁକ୍ତି ପାଇଁ ଅନଲାଇନ୍ ଆବେଦନ ପ୍ରକ୍ରିୟା ଜାନୁଆରୀ ୨୪ରୁ ଆରମ୍ଭ ହୋଇଛି। ଆଗ୍ରହୀ ପ୍ରାର୍ଥୀମାନେ ଅଫିସିଆଲ୍ ୱେବସାଇଟ୍ bhc.gov.in ପରିଦର୍ଶନ କରି ଅନଲାଇନରେ ଆବେଦନ କରିପାରିବେ। ଆବେଦନ କରିବାର ଶେଷ ତାରିଖ ହେଉଛି ୫ ଫେବୃଆରୀ ୨୦୨୫।
ଏହିପରି କରାଯିବ ଚୟନ
ବମ୍ବେ ହାଇକୋର୍ଟ କିରାଣି ନିଯୁକ୍ତିରେ ଚୟନ ପ୍ରକ୍ରିୟା ତିନିଟି ପର୍ଯ୍ୟାୟରେ ହେବ। ଯେଉଁଥିରେ ଲିଖିତ ପରୀକ୍ଷା, ଟାଇପିଂ ପରୀକ୍ଷା ଏବଂ ଭାଏବା ଅନ୍ତର୍ଭୁକ୍ତ। ଲିଖିତ ପରୀକ୍ଷାରେ ସାଧାରଣ ଜ୍ଞାନ, ଯୁକ୍ତିଯୁକ୍ତ ଦକ୍ଷତା ଇତ୍ୟାଦି ବିଷୟ ଉପରେ ପ୍ରଶ୍ନ ପଚରାଯିବ। ଟାଇପିଂ ପରୀକ୍ଷା କମ୍ପ୍ୟୁଟରରେ ହେବ ଏବଂ ଇଂରାଜୀ ଟାଇପିଂର ଗତି ଏବଂ ସଠିକତା ପରୀକ୍ଷା କରାଯିବ। ପ୍ରାର୍ଥୀମାନେ ଭାଏବାରେ ଇଣ୍ଟରଭୁ୍ୟ ଦେବାକୁ ପଡିବ।
ଆବେଦନ ଶୁଳ୍କ
ନିଯୁକ୍ତି ପାଇଁ ଆବେଦନ କରିବାକୁ ପ୍ରାର୍ଥୀଙ୍କୁ ଆବେଦନ ଶୁଳ୍କ ଦେବାକୁ ପଡିବ। ସାଧାରଣ, ଓବିସି ଏବଂ ଇଡବ୍ଲ୍ୟୁଏସ୍ ବର୍ଗ ପ୍ରାର୍ଥୀଙ୍କୁ ୧୦୦ ଟଙ୍କା ଆବେଦନ ଶୁଳ୍କ ଦେବାକୁ ପଡିବ। ଏଥିସହିତ ଏସସି, ଏସଟି ଏବଂ ପିଡବ୍ଲ୍ୟୁଡି ବର୍ଗର ପ୍ରାର୍ଥୀଙ୍କୁ ମଧ୍ୟ ୧୦୦ ଟଙ୍କା ଶୁଳ୍କ ଦେବାକୁ ପଡିବ।
କାର୍ଯ୍ୟସୂଚୀ
ଲିଖିତ ପରୀକ୍ଷାରେ ଯୋଗ୍ୟତା ହାସଲ କରିଥିବା ପ୍ରାର୍ଥୀଙ୍କ ପାଇଁ ଟାଇପିଂ ଟେଷ୍ଟ ଏବଂ ଭାଏବା କାର୍ଯ୍ୟସୂଚୀ ପରେ ପ୍ରକାଶ ପାଇବ। ପରୀକ୍ଷା ପାଇଁ ଆଡମିଟ୍ କାର୍ଡ ଅଫିସିଆଲ୍ ୱେବସାଇଟ୍ ରେ ଉପଲବ୍ଧ ହେବ। କେବଳ କମ୍ପ୍ୟୁଟରରେ ଇଂରାଜୀ ଟାଇପିଂ ପରୀକ୍ଷା ନିଆଯିବ। ଅଧିକ ସୂଚନା ପାଇଁ ପ୍ରାର୍ଥୀମାନେ ଅଫିସିଆଲ୍ ସାଇଟର ସାହାଯ୍ୟ ନେଇପାରିବେ।
ସର୍ବପ୍ରଥମେ ପ୍ରାର୍ଥୀ ଅଫିସିଆଲ୍ ୱେବସାଇଟ୍ bhc.gov.in ପରିଦର୍ଶନ କରିବା ଉଚିତ୍ ।
ତା’ପରେ ପ୍ରାର୍ଥୀ ମୂଳପୃଷ୍ଠାରେ ଦିଆଯାଇଥିବା online apply ଲିଙ୍କରେ କ୍ଲିକ୍ କରନ୍ତୁ ।
ବର୍ତ୍ତମାନ ଆପଣଙ୍କର ମୋବାଇଲ୍ ନମ୍ବର, ଇମେଲ୍ ID ଏବଂ ଅନ୍ୟାନ୍ୟ ଆବଶ୍ୟକୀୟ ସୂଚନା ପୂରଣ କରି ପଞ୍ଜୀକରଣ କରନ୍ତୁ।
ପଞ୍ଜୀକରଣ ପରେ, ଲଗଇନ୍ କରନ୍ତୁ ଏବଂ ଆବେଦନ ଫର୍ମ ପୂରଣ କରନ୍ତୁ।
ନିର୍ଦ୍ଦିଷ୍ଟ ଫର୍ମାଟରେ ସମସ୍ତ ଆବଶ୍ୟକୀୟ ଡକ୍ୟୁମେଣ୍ଟ୍ ଅପଲୋଡ୍ କରନ୍ତୁ।
ଅନଲାଇନରେ ଆବେଦନ ଶୁଳ୍କ ପ୍ରଦାନ କରନ୍ତୁ ।
ଆବେଦନ ଫର୍ମ ଦାଖଲ କରନ୍ତୁ ଏବଂ ଏହାର ଏକ କପି ଆପଣ ରଖନ୍ତୁ ।
