ଗାଁରେ ମିଳୁନାହିଁ ଜଳ, ପାଠପଢ଼ା ବନ୍ଦ କରି ୨ କିମି ଚାଲିଚାଲି ୪୦ ଫୁଟ ଗଭୀର କୂଅରୁ ପାଣି ଆଣୁଛନ୍ତି ଛାତ୍ରଛାତ୍ରୀ, ଦେଖନ୍ତୁ ଭିଡିଓ
ନୂଆଦିଲ୍ଲୀ: ବର୍ତ୍ତମାନ ଗରମ ଦିନ ଆସିଯାଇଥିବା ବେଳେ ଦେଶର ଅନେକ ସ୍ଥାନରେ ଏବେ ଆରମ୍ଭ ହୋଇଯାଇଛି ଜଳସଙ୍କଟ । ତେବେ ଏପରି ସ୍ଥିତିରେ ମହାରାଷ୍ଟ୍ରର ନାସିକରୁ ଏକ ଭୟଙ୍କର ଜଳ ସଙ୍କଟ ଖବର ଆସିଛି । ମହିଳାମାନେ ୪୦ ଫୁଟ ଗଭୀର ବିଶିଷ୍ଟ କୂଅରୁ ଜୀବନକୁ ବାଜିରେ ଲଗାଇ ପିଇବା ପାଣି ସଂଗ୍ରହ କରୁଛନ୍ତି । ମହିଳାମାନେ ରଶି, ବଡ଼ ଦଣ୍ଡା ସାହାଯ୍ୟରେ କୂଅ ଭିତରକୁ ପଶି ପାଣି ଆଣୁଛନ୍ତି । ଏନେଇ ଏକ ଭିଡିଓ ସୋସିଆଲ ମିଡ଼ିଆରେ ଭାଇରାଲ୍ ହୋଇଛି ।
ଏନେଇ ନିଜର ଦୁଃଖ ବିଷୟରେ ଜଣେ ମହିଳା କହିଛନ୍ତି ଯେ, ଆମେ ଜଳ ପାଇଁ ୨ କିମି ଦୂରରେ ଥିବା କୂଅ ନିକଟକୁ ଯାଉଛୁ । ଆମ ଅଞ୍ଚଳରେ ଜଳର ଘୋର ସଙ୍କଟ । ସେହିପରି କେବଳ ପାଣି ମୁନ୍ଦିଏ ଆଣିବା ପାଇଁ ୧୦ମ କ୍ଲାସର ପାଠ ଛାଡ଼ିବାକୁ ପଡ଼ୁଥିବା ଜଣେ ଯୁବତୀ କହିଛନ୍ତି । କିଛି ଗ୍ରାମରେ ପାଣି ନଥିବାରୁ ଯୁବତୀମାନେ ବହୁ ଦୂରକୁ ଯାଇ ପାଣି ଆଣିଥାନ୍ତି । ଫଳରେ ଅନେକ ସମୟରେ ଛାତ୍ରଛାତ୍ରୀ କ୍ଲାସ ପରୀକ୍ଷାରୁ ମଧ୍ୟ ବଞ୍ଚିତ ହେଉଥିବା ଜଣାପଡ଼ିଛି ।
ଏନେଇ ବିଭାଗ ପକ୍ଷରୁ କୁହାଯାଇଛି ଯେ, ଚଳିତ ଥର ଜଳ ସଙ୍କଟ କମ୍ ରହିଛି । ଗତ ବର୍ଷ ଏହାଠାରୁ ଅଧିକ ଭୟଙ୍କର ଜଳସଙ୍କଟ ଦେଖାଦେଇଥିଲା । ଜଳ ସମସ୍ୟା ନେଇ ଜିଲ୍ଲାପାଳଙ୍କୁ ଅଭିଯୋଗ କରାଯାଇଛି । କଲେକ୍ଟରଙ୍କ ଅଫିସର ରିପୋର୍ଟ ମୁତାବକ ଆମେ ପିଇବା ପାଣି ଅଲଗା ରଖୁଛୁ । ଆସନ୍ତା ଜୁନ ମାସ ପର୍ଯ୍ୟନ୍ତ ଜଳ ସଙ୍କଟ ରହିବ ନାହିଁ ।
#WATCH: Maharashtra |Women in Rohile village, Nashik descend into well to fetch water due to shortage of water
We have to travel 2kms to fetch water from the well by getting inside it as our village doesn't have water facilities. At times, some women fall into the well, they say pic.twitter.com/P7EFhv07pO
— ANI (@ANI) April 15, 2022
