ନାସନାଲ କ୍ରସରୁ ହଟିଲେ ତ୍ରିପ୍ତି, ସାମିଲ ହେଲା ନୂଆ ନାଁ, ଅଭିନୟ ନୁହେଁ ବ୍ୟବସାୟରେ ତାଙ୍କ ରୁଚି…..
ମୁମ୍ବାଇ: ବଦଳିଛନ୍ତି ନାସନାଲ କ୍ରସ । ରଶ୍ମିକା ମନ୍ଦନାଙ୍କ ଓ ତ୍ରିପ୍ତି ଡିମରିଙ୍କ ପରେ ଆଉଜଣେ ନୂଆ ସୁନ୍ଦରୀ ଏ ଟାଇଟଲ ହାତେଇଛନ୍ତି । ନିକଟରେ ଦୁବାଇରେ ଶେଷ ହୋଇଥିବା ଆଇପିଏଲ୍ ନିଲାମୀ ପରଠୁ ଏହି ସୁନ୍ଦରୀ ଯୁବତୀ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛନ୍ତି । ସେ ଆଉ କେହି ନୁହନ୍ତି, ସେ ହେଉଛନ୍ତି ବଲିଉଡର ଜଣାଶୁଣା ନାୟିକା ଜୁହି ଚାୱଲାଙ୍କ ଝିଅ ଜାହ୍ନବୀ ମେହେତା। ସେ ରାତାରାତି ପାଲଟି ଯାଇଛନ୍ତି ନ୍ୟାସ୍ନାଲ୍ କ୍ରସ୍। କୋଲକାତା ନାଇଟ୍ ରାଇଡର୍ସ (କେକେଆର୍) ଦଳ ପକ୍ଷରୁ ନିଲାମୀ ପରିଚାଳନା କରୁଥିବା ଆକର୍ଷଣୀୟ ଯୁବତୀଜଣକ କିଏ ବୋଲି ସମସ୍ତେ ଜାଣିବାକୁ ଚାହିଥିଲେ। ଗୁଗଲ୍ରେ ତାଙ୍କୁ ନେଇ ସର୍ଚ ଆରମ୍ଭ ହୋଇଥିଲା। ଜାହ୍ନବୀ ଅଭିନୟ ନୁହେଁ ବରଂ କ୍ରିକେଟ୍ ଓ ବ୍ୟବସାୟରେ ରୁଚି ରଖୁଛନ୍ତି। ଗତବର୍ଷ ମଧ୍ୟ ତାଙ୍କୁ ଆଇପିଏଲ୍ ନିଲାମୀରେ ଦେଖିବାକୁ ମିଳିଥିଲା, କିନ୍ତୁ ସେ ମୁଖ୍ୟ ଭୂମିକାରେ ନଥିଲେ।
ବିଦେଶରୁ ପଢ଼ା ସାରି ଭାରତ ଫେରିଥିବା ଜାହ୍ନବୀ ଏଥର ଆଇପିଏଲ୍ ନିଲାମୀବେଳେ ସାମ୍ନାକୁ ଆସିଛନ୍ତି। ଯାହାପରେ ସୋସିଆଲ୍ ମିଡିଆରେ ତାଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା । ଜାହ୍ନବୀ ରାତାରାତି ପାଲଟି ଯାଇଥିଲେ ଇଣ୍ଟର୍ନେଟ୍ ସେନ୍ସେସନ୍। ୨୦୦୧ ଫେବ୍ରୁଆରି ୨୧ରେ ମୁମ୍ବାଇରେ ଜନ୍ମିତା ଜାହ୍ନବୀ ଧୀରୁଭାଇ ଅମ୍ବାନୀ ସ୍କୁଲ୍ରେ ପାଠପଢ଼ା ସାରିବା ପରେ କଲମ୍ବିଆ ବିଶ୍ବବିଦ୍ୟାଳୟରେ ସ୍ନାତକୋତ୍ତର କରିଛନ୍ତି। ଭଲ ନମ୍ବର ରଖି ଉତ୍ତୀର୍ଣ୍ଣ ହେବା ପରେ ଭାରତ ଫେରି ଏବେ ସେ ବ୍ୟବସାୟରେ ମନୋନିବେଶ କରିଛନ୍ତି । ଆଜିକାଲି ଜାହ୍ନବୀ କେକେଆର୍ ସହ ରହି ବିଭିନ୍ନ କାର୍ୟ୍ୟକ୍ରମରେ ଭାଗ ନେଉଛନ୍ତି ।
