ଲାଭ ପଞ୍ଚମୀ କେବେ? ଜାଣନ୍ତୁ ତାରିଖ ଏବଂ ମୁହୁର୍ତ୍ତ, ବ୍ୟବସାୟୀଙ୍କ ପାଇଁ ଏହି ଦିନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ
ଦୀପାବଳି ପର୍ବ ଧନ୍ୱନ୍ତରୀରୁ ଆରମ୍ଭ ହୁଏ ଏବଂ ଏହି ଆଲୋକର ପର୍ବର ଶେଷ ଦିନ ଲାଭ ପଞ୍ଚମୀ ଭାବରେ ପାଳନ କରାଯାଏ। ଲାଭ ପଞ୍ଚମୀକୁ ସୌଭାଗ୍ୟ ଜ୍ଞାନ ପଞ୍ଚମୀ, ଜ୍ଞାନ ପଞ୍ଚମୀ ଏବଂ ଲାଭ ପଞ୍ଚମୀ ମଧ୍ୟ କୁହାଯାଏ । ବିଶ୍ୱାସ କରାଯାଏ ଯେ ଏହି ଦିନ ଶିବ ପରିବାର ଏବଂ ଦେବୀ ଲକ୍ଷ୍ମୀଙ୍କୁ ପୂଜା କରି ସମସ୍ତ ବାଧାବିଘ୍ନ ଦୂର ହୋଇଥାଏ ଏବଂ ଏହି ତାରିଖ ଏହାର ନାମ ଅନୁଯାୟୀ ଲାଭ ପ୍ରଦାନ କରିଥାଏ। ଆସନ୍ତୁ ଜାଣିବା ଏହି ବର୍ଷ ଲାଭ ପଞ୍ଚମୀର ତାରିଖ, ଶୁଭ ସମୟ ଏବଂ ମହତ୍ତ୍ୱ।
ଏହି ବର୍ଷ ଲାଭ ପଞ୍ଚମୀ ୧୮ ନଭେମ୍ବର ଶନିବାର ଦିନ ପଡୁଛି। ଗୁଜୁରାଟରେ ଏହି ପର୍ବ ବହୁ ଆଡମ୍ଭର ସହ ପାଳନ କରାଯାଏ। ବ୍ୟବସାୟୀମାନେ ମଧ୍ୟ ଏହି ଦିନ ଶୁଭ ସମୟରେ ସେମାନଙ୍କ ପ୍ରତିଷ୍ଠାନ ଖୋଲିବାକୁ ପସନ୍ଦ କରନ୍ତି। ଏହି ତାରିଖ ସୁଖ ଏବଂ ସମୃଦ୍ଧତା ବଢାଇବା ସହ ପ୍ରଗତି ମଧ୍ୟ ଆଣିଥାଏ। କାର୍ତ୍ତିକ ମାସ ଶୁକ୍ଳ ପକ୍ଷର ପଞ୍ଚମୀ ତିଥି ୧୭ ନଭେମ୍ବର ୨୦୨୩ ରେ ୧୧:୦୩ ରେ ଆରମ୍ଭ ହେବ ଏବଂ ପରଦିନ ୧୮ ନଭେମ୍ବର ୨୦୨୩ ରେ ୦୯:୧୮ ପୂର୍ବାହ୍ନରେ ଶେଷ ହେବ।
ପ୍ରଭାତ ଲାଭ ପଞ୍ଚମୀ ମୁହୁର୍ତ୍ତ – ୦୬:୪୫ ପୂର୍ବାହ୍ନ – ୧୦:୧୯ ପୂର୍ବାହ୍ନ
ସମୟ – ୩ ଘଣ୍ଟା ୩୪ ମିନିଟ୍।
ହିନ୍ଦୁ ଧର୍ମର ବିଶ୍ୱାସ ଅନୁଯାୟୀ ଏହି ଦିନ ଯେକୌଣସି ନୂତନ ବ୍ୟବସାୟ ଆରମ୍ଭ ହୋଇପାରିବ। ଦୀପାବଳି ପରେ ବ୍ୟବସାୟୀମାନେ ଏହି ଦିନ ସେମାନଙ୍କର ଦୋକାନ ଏବଂ ପ୍ରତିଷ୍ଠାନ ଖୋଲନ୍ତି। ବିଶ୍ୱାସ କରାଯାଏ ଯେ ଲାଭ ପଞ୍ଚମୀ ଦିନ କରାଯାଇଥିବା ପୂଜା ସେମାନଙ୍କ ଜୀବନ, ବ୍ୟବସାୟ ଏବଂ ପରିବାରରେ ଲାଭ ଏବଂ ଶୁଭଫଳ ଆଣିଥାଏ। ଏହି ଦିନ ବ୍ୟବସାୟୀମାନେ ନୂତନ ଆକାଉଣ୍ଟ ବହିର ଉଦଘାଟନ କରନ୍ତି ଏବଂ ବ୍ୟବସାୟରେ ଅଭିବୃଦ୍ଧି ପାଇଁ ଦେବୀ ଲକ୍ଷ୍ମୀଙ୍କୁ ପ୍ରାର୍ଥନା କରନ୍ତି।
ଲାଭ ପଞ୍ଚମୀରେ ସକାଳେ ଗାଧୋଇବା ପରେ ସୂର୍ଯ୍ୟଙ୍କୁ ଅର୍ପଣ କରାଯିବା ଉଚିତ୍। ଏହା ପରେ ଶୁଭ ସମୟରେ ଭଗବାନ ଶିବ, ହନୁମାନ ଏବଂ ଗଣେଶଙ୍କ ମୂର୍ତ୍ତି ପୂଜା କରନ୍ତୁ। ସାଲୁ କପଡ଼ାରେ ଏକ ଗୁଆ ଗୁଡ଼ାଇ ଚାଉଳର ଏକ ଥାଳିରେ ଭଗବାନ ଗଣେଶଙ୍କ ପୂଜା କରାଯିବା ଉଚିତ୍। ଚନ୍ଦନ, ସିନ୍ଦୁର, ଅକ୍ଷତ, ଫୁଲ, ଦୁବରେ ଭଗବାନ ଗଣେଶଙ୍କୁ ପୂଜା କରାଯିବା ଉଚିତ । ଏହାପରେ ଭାଗବାନ ଶିବଙ୍କୁ ବିଭୂତି, ବେଲପତ୍ର, ଦୁଦୁରା, ଧଳା ବସ୍ତ୍ର ଅର୍ପଣ କରି ପୂଜା କରାଯିବା ଉଚିତ । ଭୋଗ ଲଗାନ୍ତୁ ଏବଂ ନୂଆ ବହି ଖାତାରେ ଶୁଭ-ଲାଭ ଚିହ୍ନ କରି ବେପାର ଆରମ୍ଭ କରନ୍ତୁ ।
