(Video) ମିଠା, ଲସି, ଦହି, ରୋଗୀ ଚିକିତ୍ସା ସବୁଥିରେ GST: ତେବେ ମରିବା ଉପରେ କେତେ GST ଲାଗିବ: ମମତା
ନୂଆଦିଲ୍ଲୀ: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ କେନ୍ଦ୍ରରେ କ୍ଷମତାରେ ଥିବା ବିଜେପି ସରକାରଙ୍କ ଅହି-ନକୁଳ ସମ୍ପର୍କ ବିଷୟରେ କାହାକୁ ବା ଅଜଣା । ତେବେ ନିକଟରେ ଶହୀଦ ଦିବସ ରାଲି ଅବସରରେ ଦିଦି କେନ୍ଦ୍ର ଉପରେ ବର୍ଷିଛନ୍ତି । ତୃଣମୂଳ କଂଗ୍ରେସ ପାର୍ଟି (ଟିଏମସି) ପକ୍ଷରୁ ଆୟୋଜିତ ହୋଇଥିବା ଏହି ରାଲିରେ ଦିଦି କେନ୍ଦ୍ର ସରକାରଙ୍କ ନୂଆ ଜିଏସଟି ନିୟମକୁ ସମାଲୋଚନା କରିଛନ୍ତି ।
ମମତା କହିଛନ୍ତି, ମିଠାଇ, ଲସି, ଦହି ଉପରେ ଜିଏସଟି ଲାଗିଛି । ଏବେ ଜନସାଧାରଣ ଖାଇବେ କ’ଣ? ଆସନ୍ତା ୨୦୨୪ରେ ଜନସାଧାରଣ ଇଲେକସନ ପାଇଁ ନୁହେଁ ବରଂ ରିଜେକସନ ପାଇଁ ଭୋଟ ଦେବା ଉଚିତ୍ । ଭାଜପା ପ୍ରତ୍ୟେକ ରାଜ୍ୟରେ ସରକାର ଭାଙ୍ଗିବା ପ୍ରୟାସରେ ରହିଛି । ମାତ୍ର ପଶ୍ଚିମବଙ୍ଗରେ ଟିଏମକୁ ହରାଇ ପାରିନାହିଁ । ଗତବର୍ଷ ବିଧାନସଭା ନିର୍ବାଚନରେ ଜନସାଧାରଣ ଗେରୁଆ ଦଳକୁ ଉଚିତ୍ ଶିକ୍ଷା ଦେଇଥିଲେ ।
ଭାଜପା ସରକାର ସମସ୍ତ ନିତ୍ୟବ୍ୟବହାର୍ଯ୍ୟ ସାମଗ୍ରୀ ଉପରେ ଜିଏସଟି ଲାଗୁ କରିଛି । ଏହାଫଳରେ ଅନେକ ଦ୍ରବ୍ୟର ମୂଲ୍ୟ ବହୁତ ବଢ଼ିଯାଇଛି । ଯଦି ସବୁଥିରେ ଜିଏସଟି ଲାଗିବ, ତେବେ ଲୋକମାନେ ଖାଇବେ କ’ଣ? ରୋଗୀ ହସ୍ପିଟାଲରେ ଭର୍ତ୍ତି ହେଲେ ବି ଜିଏସଟି ଲାଗୁଛି । ଯଦି ଏଭଳି ସ୍ଥିତି ଜାରି ରୁହେ, ତେବେ ଲୋକମାନେ ମରିବାରେ କେତେ ଜିଏସଟି ଲାଗିବ? ଲକ୍ଷ ଲକ୍ଷ ଲୋକଙ୍କ ଚାକିରିକୁ ବନ୍ଦ କରାଯାଇ ଅଗ୍ନିପଥ ସ୍କିମ ଅଣାଯାଇଛି । ମୋ ମତରେ ଆର୍ମିର କୌଣସି ବିକଳ୍ପ ନାହିଁ, ଆମି କେବଳ ଆର୍ମି ହୋଇଥାଏ ।
#WATCH अब तो मूढ़ी पर GST लग गई है तो क्या भाजपा के लोग अब मूढ़ी नहीं खाएंगे। मिठाई, लस्सी, दही पर GST लगी है। लोग क्या खाएंगे? मरीज के अस्पताल में भर्ती होने पर भी GST… ये बताएं कि मरने पर कितनी GST लगेगी: पश्चिम बंगाल की मुख्यमंत्री ममता बनर्जी pic.twitter.com/59YocVWMdJ
— ANI_HindiNews (@AHindinews) July 21, 2022
