ବଲିଉଡ୍ ସିଙ୍ଗର ମିକା ସିଂଙ୍କ ହେବ ସ୍ୱୟଂମ୍ବର, ରିଅଲିଟି ଶୋ’ରେ ବାଛିବେ ଲାଇଫ୍ ପାର୍ଟନ
ମୁମ୍ବାଇ : ପୂର୍ବରୁ ଟିଭି ପରଦାରେ ଅନେକ ସେଲିବ୍ରିଟିଙ୍କୁ ରିଅଲିଟି ଶୋ’ରେ ଦେଖିଥିବେ । ସେହି ଶୋରେ ନିଜ ପାଇଁ ସାଥୀ ଟିଏ ମଧ୍ୟ ଖୋଜିଥାନ୍ତି । ତେବେ ଜାତୀୟ ଟେଲିଭିଜନରେ ରାକ୍ଷୀ ସାୱନ୍ତ, ରତନ ରାଜପୁତ, ରାହୁଲ ମହାଜନ ଏବଂ ମଲ୍ଲିକା ଶେରାୱତ୍ ସ୍ୱୟଂମ୍ବର କରୁଥିବାର ନଜର ଆସିଥିଲେ । ଏମାନଙ୍କ ମଧ୍ୟରୁ ରାକ୍ଷୀଙ୍କ ସିଜିନ୍ ସବୁଠାରୁ ଲୋକପ୍ରିୟ ହୋଇଥିଲା । ତେବେ ଶୋ’ଶେଷ ହେବା ପରେ ମଧ୍ୟ ସେମାନଙ୍କ ସମ୍ପର୍କ ବେଶୀ ଦିନ ତିଷ୍ଠି ନଥିଲା । ଗାୟକ ମିକା ସିଂ ରିଆଲିଟି ଶୋ ମାଧ୍ୟମରେ ତାଙ୍କ ପାଇଁ ସାଥୀ ଖୋଜିବା ପାଇଁ ପ୍ରସ୍ତୁତ ହେଉଛନ୍ତି । ଯୁବକମାନଙ୍କ ମଧ୍ୟରେ ମିକା ବହୁତ ଲୋକପ୍ରିୟ ଏବଂ ଏଭଳି ପରିସ୍ଥିତିରେ ତାଙ୍କ ଶୋ’ ମଧ୍ୟ ଖୁବ୍ ଆକର୍ଷଣୀୟ ହେବାକୁ ଯାଉଛି ।
୪୪ ବର୍ଷୀୟ ମିକା ସିଂ ସ୍ୱୟଂବର ଫର୍ମାଟରେ ପାର୍ଟନର ଖୋଜିବେ । ହେଲେ ସେହି ଶୋ ରେ ବିବାହ କରିବେ ନାହିଁ । ରିପୋର୍ଟ ଅନୁଯାୟୀ କୁହାଯାଇଛି କି ରିଆଲିଟି ଶୋ ସ୍ୱୟଂବର ଶୋ ଭଳି ହେବ । ଏହି ଶୋ କିଛି ମାସ ମଧ୍ୟରେ ପ୍ରସାରିତ ହେବାର ଯୋଜନା ରହିଛି । ଏହି ଶୋ’ରେ ମିକା ବିବାହ କରିବେ ନାହିଁ, କେବଳ ନିର୍ବନ୍ଧ କରିବେ । ତେବେ ଏହି ଶୋ’ରେ ଦେଶର ବିଭିନ୍ନ ସ୍ଥାନରୁ ପ୍ରତିଯୋଗୀମାନେ ଅଂଶଗ୍ରହଣ କରିବେ । ସବୁଠାରୁ ବଡ କଥା ହେଲା ରାକ୍ଷୀ ସାୱନ୍ତଙ୍କୁ ମିକାଙ୍କ ଶୋ’ରେ ପ୍ରତିଯୋଗୀ ଭାବରେ ମଧ୍ୟ ଦେଖିବାକୁ ମିଳିବ । ଦୁହିଁଙ୍କର ବହୁ ପୁରୁଣା ଝଗଡା ରହିଛି । ମିକା ରାକ୍ଷୀଙ୍କୁ ଜବରଦସ୍ତ କିସ୍ ଦେଇଥିଲେ, ଏହାକୁ ନେଇ ବହୁ ବିବାଦ ଲାଗିଥିଲା ପରେ ସେମାନେ ସେମାନଙ୍କର ବିବାଦର ସମାଧାନ କରିଥିଲେ ଏବଂ ଏକାଠି ଅନେକ ଶୋ’ରେ ଦେଖିବାକୁ ମଧ୍ୟ ମିଳିଥିଲେ ।
