ନାବାଳିକା ମୁସଲମାନ ଝିଅ ବିବାହ କରିପାରିବେନି: ସୁପ୍ରିମକୋର୍ଟ
ନୂଆଦିଲ୍ଲୀ :
ବିବାହ ପାଇଁ ଝିଅ ମାନଙ୍କର ସର୍ବନିମ୍ନ ବୟସ ୧୮ ବର୍ଷ ବୋଲି ଆଇନ ସ୍ଥିର କରିଛି, କିନ୍ତୁ ମୁସଲିମ ବ୍ୟକ୍ତିଗତ ନିୟମରେ, ଯୋୖନବସ୍ଥା ଅତିକ୍ରମ କରିଥିବା ଝିଅମାନେ ବିବାହ ପାଇଁ ଯୋଗ୍ୟ ବିବେଚିତ ହୁଅନ୍ତି । ଏହି ମୁସଲିମ ନାବାଳିକା ବିବାହ ଉପରେ ପଞ୍ଜାବ ଏବଂ ହରିୟାଣା ହାଇକୋର୍ଟ ଏକ ନିଷ୍ପତ୍ତି ଦେଇଥିଲେ ବର୍ତ୍ତମାନ ତାହା ଉପରେ ସୁପ୍ରିମକୋର୍ଟ ମନ୍ତବ୍ୟ ଦେଇଛନ୍ତି । ସୁପ୍ରିମକୋର୍ଟ କହିଛନ୍ତି ଯେ, ପଞ୍ଜାବ ଏବଂ ହରିୟାଣା ହାଇକୋର୍ଟର ଜାଭେଦ ବନାମ ରାଜ୍ୟ ହରିୟାଣା ଏବଂ ଅନ୍ୟାନ୍ୟ ମାମଲାକୁ ପୂର୍ବପରି ଗ୍ରହଣ କରାଯିବା ଉଚିତ ନୁହେଁ । ହରିୟାଣା ହାଇକୋର୍ଟ ନିଷ୍ପତ୍ତିରେ କହିଛନ୍ତି ଯେ, ୧୫ବର୍ଷ ବୟସ୍କା ମୁସଲମାନ ଝିଅ ଯିଏ କି ଯୋୖନବସ୍ଥାରେ ପହଞ୍ଚି ସାରିଛି ସେ ବ୍ୟକ୍ତିଗତ ନିୟମ ଅନୁଯାୟୀ ବିବାହ କରିପାରିବ। ଏନେଇ ପ୍ରଧାନ ବିଚାରପତି ଡି.ୱାଇ ଚନ୍ଦ୍ରଚୂଡ଼ ଏବଂ ଜଷ୍ଟିସ ପିଏସ ନରସିଂହଙ୍କ ଏକ ବେଞ୍ଚରେ ମଧ୍ୟବର୍ତ୍ତୀକାଳୀନ ଆଦେଶ ପାସ କରିଥିବାବେଳେ, ଜାତୀୟ ଶିଶୁ ସୁରକ୍ଷା ଅଧିକାର ଆୟୋଗ ଦ୍ୱାରା ଦାଖଲ ହୋଇଥିବା ଏକ ସ୍ୱତନ୍ତ୍ର ଛୁଟି ଆବେଦନପତ୍ରରେ ବିଜ୍ଞପ୍ତି ଜାରି କରାଯାଇଛି।
ହାଇକୋର୍ଟଙ୍କ ଏହି ନିଷ୍ପତ୍ତିକୁ ଚ୍ୟାଲେଞ୍ଜ କରାଯାଇଥିଲା ଏହା ଯେ , ଯୌନ ସମ୍ମତି ପାଇଁ ୧୫ବର୍ଷ ଦେବା ଶିଶୁ ଆଇନ ବିରୋଧ ଅଟେ । ନ୍ୟାସନାଲ କମିଶନ ଫର ପ୍ରୋଟେକସନ ଅଫ୍ ଚାଇଲ୍ଡ ରାଇଟ୍ସ (ଏନସିପିସିଆର) ପାଇଁ ହାଜର ହୋଇଥିବା ଇଣ୍ଡିଆର ସଲିସିଟର ଜେନେରାଲ ତୁଷାର ମେହେଟ୍ଟା POCSO ଅଧୀନରେ ଥିବା ଅପରାଧର ସୁରକ୍ଷା ପାଇଁ ବ୍ୟକ୍ତିଗତ ଆଇନ ବ୍ୟବହାର କରାଯାଉଥିବା ନେଇ ଉଦବେଗ ପ୍ରକାଶ କରିଥିଲେ। ସଲିସିଟର କହିଛନ୍ତି ଯେ, ୧୪ ବର୍ଷ, ୧୫ ବର୍ଷ ଏବଂ ୧୬ ବର୍ଷର ଝିଅମାନେ ବିବାହ କରୁଛନ୍ତି। ବ୍ୟକ୍ତିଗତ ନିୟମ ଏହାକୁ ସୁରକ୍ଷା ଦେଇପାରେ କି ?
ରାଷ୍ଟ୍ରୀୟ ଶିଶୁ ଅଧିକାର ସୁରକ୍ଷା (ଏନସିପିସିଆର) ଆୟୋଗର ଆବେଦନ ଉପରେ ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡ଼ ଏବଂ ଜଷ୍ଟିସ ପିଏସ ନରସିଂହଙ୍କ ଏକ ବେଞ୍ଚ ଦ୍ୱାରା ଏହି ମଧ୍ୟବର୍ତ୍ତୀକାଳୀନ ନିର୍ଦ୍ଦେଶ ଦିଆଯାଇଛି । ଏହି ମାମଲାରେ ସୁପ୍ରିମକୋର୍ଟ ମଧ୍ୟ ଆବେଦନକାରୀଙ୍କୁ ହାଇକୋର୍ଟରେ ନୋଟିସ ଜାରି କରିଛନ୍ତି । ଏନସିପିସିଆର ତରଫରୁ ସଲିସିଟର ଜେନେରାଲ ତୁଷାର ମେହେଟ୍ଟା କୋର୍ଟଙ୍କୁ କହିଛନ୍ତି ଯେ ୧୫, ୧୬ ବର୍ଷର ବାଳିକାଙ୍କ ବିବାହକୁ ଆଇନଗତ ବୈଧ ବୋଲି କୁହାଯାଉଛି, ଯାହା POCSO ନିୟମ ବିରୁଦ୍ଧ ଅଟେ। ବ୍ୟକ୍ତିଗତ ଆଇନ ନାମରେ ଏହାକୁ ଅନୁମତି ଦିଆଯାଇପାରିବ କି?
ପ୍ରକୃତରେ, ସୁପ୍ରିମକୋର୍ଟ ବର୍ତ୍ତମାନ ପର୍ଯ୍ୟନ୍ତ ହାଇକୋର୍ଟଙ୍କ ନିଷ୍ପତ୍ତି ସ୍ଥଗିତ ରଖିବାକୁ ମନା କରି ଦେଇଛନ୍ତି କିନ୍ତୁ ଏହି ମାମଲାର ଶୁଣାଣି କରିବାକୁ ରାଜି ହୋଇଛନ୍ତି। ଉଲ୍ଲେଖନୀୟ କଥା ହେଉଛି, ଜାତୀୟ ଶିଶୁ ସୁରକ୍ଷା ଅଧିକାର କମିଶନ (NCPCR) ନାବାଳକ ଶିଶୁମାନଙ୍କର ଅଧିକାରକୁ ସୁରକ୍ଷା ଦେଇଥାଏ | ଏହା ସହିତ ମହିଳା ଆୟୋଗ ମଧ୍ୟ ଦାବି କରିଛନ୍ତି ଯେ, ଅପରାଧିକ ଆଇନର ବିଭାଗ ସବୁ ଧର୍ମ ପାଇଁ ସମାନ ହେବା ଉଚିତ୍।
