ଶସ୍ତାରେ ଘର କିଣିବାର ସୁବର୍ଣ୍ଣ ସୁଯୋଗ ! ଶସ୍ତାଘର ନିଲାମ କରିବାକୁ ଯାଉଛି PNB, ଏପରି କରନ୍ତୁ ଚେକ୍
ନୂଆଦିଲ୍ଲୀ: ଦୀପାବଳୀ ଅବସରରେ ଯଦି ଆପଣ ଶସ୍ତାଘର କିଣିବାକୁ ଯୋଜନା କରୁଛନ୍ତି, ତେବେ ଆପଣଙ୍କ ପାଇଁ ଆସିଛି ଖୁସି ଖବର । ଆପଣଙ୍କ ପାଇଁ ପଞ୍ଜାବ ନ୍ୟାସନାଲ ବ୍ୟାଙ୍କ ଏକ ସ୍ୱତନ୍ତ୍ର ଅଫର୍ ଆଣିଦେଇଛି । ତେବେ ପିଏନବି ସମ୍ପତ୍ତି ନିଲାମ କରିବାକୁ ଯାଉଛି, ଯେଉଁଥିରେ ଆପଣଙ୍କୁ ଶସ୍ତାଘର କିଣିବାର ସୁଯୋଗ ମିଳିବ ।
ପିଏନବିର ଏହି ନିଲାମ୨୮ ଅକ୍ଟୋବରରୁ ଆରମ୍ଭ ହେବାକୁ ଯାଉଛି । ଏଥିରେ ଆବାସିକ, ବାଣିଜ୍ୟିକ, ଶିଳ୍ପ ଓ କୃଷି ସମ୍ପତ୍ତି ସାମିଲ ରହିଛି । ଏହି ସମ୍ପତ୍ତି ଡିଫଲ୍ଟ ଲିଷ୍ଟରେ ଆସିସାରିଛି । ଆଇବିଏପିଆଇ ବା (Indian Banks Auctions Mortgaged Properties Information) ପକ୍ଷରୁ ଏନେଇ ସୂଚନା ଦିଆଯାଇଛି । ଏହା ସହ ପିଏନବି ନିଜର ଅଫିସିଆଲ ଟ୍ୱିଟର ହ୍ୟାଣ୍ଡେଲରେ ଟ୍ୱିଟ୍ କରି ଏବିଷୟରେ ସୂଚନା ଦେଇଛି । ବ୍ୟାଙ୍କ ଏକ ଟ୍ୱିଟରେ ଲେଖିଛି ଯେ, ୨୮ ଅକ୍ଟୋବର ୨୦୨୧ରେ ମେଗା ଇ-ନିଲାମ କରାଯିବ । ଏଥିରେ ଆବାସିକ ଓ ବାଣିଜ୍ୟିକ ସମ୍ପତ୍ତିର ଇ-ନିଲାମ କରାଯିବ । ଏଠାରେ ଆପଣ ଉଚିତ୍ ଦାମରେ ସମ୍ପତ୍ତି କିଣିପାରିବେ ।
ଆଗ୍ରହୀମାନଙ୍କୁ ବ୍ୟାଙ୍କ ଅଫ୍ ବରୋଦା ମେଗା ଇ-ନିଲାମ ପାଇଁ e-Bkray ପୋର୍ଟାଲ https://ibapi.in/ରେ ରେଜିଷ୍ଟ୍ରେସନ କରିବାକୁ ପଡିବ । ଏହି ପୋର୍ଟାଲରେ ଥିବା ‘Bidders Registration’ ଉପରେ କ୍ଲିକ୍ କରିବା ପରେ ମୋବାଇଲ୍ ନମ୍ବର ଓ ଇମେଲ୍ ଆଇଡି ମାଧ୍ୟମରେ ରେଜିଷ୍ଟ୍ରେସନ କରିବାକୁ ପଡିବ । ବିଡରଙ୍କୁ ଆବଶ୍ୟକ KYC ଡକ୍ୟୁମେଣ୍ଟ ଅପଲୋଡ୍ କରିବାକୁ ପଡିବ । KYC ଡକ୍ୟୁମେଣ୍ଟଗୁଡିକ ଇ-ନିଲାମ ସେବା ପ୍ରଦାନକାରୀ ଦ୍ୱାରା ଯାଞ୍ଚ କରାଯିବ । ଏଥିପାଇଁ ୨ ଦିନର ସମୟ ଲାଗିପାରେ ।
Have you been eyeing a property for long?
Mega e Auction offers just the right opportunity to place your bid for residential & commercial property. Visit e-Bikray Portal at https://t.co/N1l10s1hyq to know more. pic.twitter.com/Yujid1dyvC
— Punjab National Bank (@pnbindia) October 23, 2021
ତେବେ ଯେଉଁ ସମ୍ପତ୍ତିର ମାଲିକମାନେ ଲୋନ୍ ଦେଇପାରନ୍ତି ନାହିଁ, ତେବେ ବ୍ୟାଙ୍କ ସେମାନଙ୍କ ସମ୍ପତ୍ତି ଜବତ କରିନିଏ । ବ୍ୟାଙ୍କ ପକ୍ଷରୁ ସମୟ ସମୟରେ ଏହି ସମ୍ପତ୍ତିର ନିଲାମ କରାଯାଏ । ଏହି ନିଲାମୀରେ ବ୍ୟାଙ୍କ ସମ୍ପତ୍ତି ବିକ୍ରି କରି ନିଜ ଟଙ୍କା ଫେରସ୍ତ ପାଇଥାଏ ।
